ولدي يطقني ,, يحرجني حـيل

[om MaRyooM]

نفس معاناتي مع مريوووم الحين عمرها 3سنوات


الحل

اووول ماتحاول تمد ايدها او تسب علطووول طقة عالحلج واحطها بسرير بحواجز حاطته بغرفتها للعققاب لووول


والحين خفت واايد


وقمت احرمها من الجمعية 3ايام اذا مدت ايدها (لأن غراااااااااامها شي اسمه جمعية)

 

[أم حورية]

امبي امبي هدو شوي شنو طقيه حيل على ايده وشنو قرصيه حيل على ايده الولد توة صغيير

وفي بنات قالو حرمييه من الشي اللي يحبه >>> هالتصرف يكون مع الياهل بوسنتين ونص وفوق مو سنة ونص ماراح يعرف ان الطق نتيجته الحرمان بس راح يعرف ان الطق وراه عين حمرا مثلا

اختي ولدج بعده صغير ماراح يعرف معنى الحرمان انا بعطيج كذا حل واتبعيهم بالتدرج وييين ما كنتي لا تطنشينه برا البيت على بو لا تفتشلين

تقدرين تسوين روحج تبجين وزعلي وصدقيني راح يتأثر وراح يعرف ان هالشي يزعلج انا احيانا تنفع معاي هالطريقة بس لا تظلين عليها غيري عشان لا يصير زعلجعادي عندده لان مع الوقت ما راح يتاثر

واحيانا حقريييه والحقران ينفع وقت اللي يبي شي مو من حقه او مو وقته وتقدرين احيانا بهالوصع تغيرين السالفة يعني اذا بجى مثلا يبي شي قبل لا يطق وجهي انتباهه حق شي ثاني يحبه تلفزيون مثلا او لعبة او تدلدغينه

والمساحل بعد ينفع يعني اذا طقج كلميه بهداوة وانتي متأثرة قوليله ليييييش تطق ماما ، مع كلام حلو لا حبيبي لا تسوي جذي انا ماما مع جم بوسة ولمة ساعات الحنان اهو اللي ينفع لان يكون يبيج

واذا شفتيه زاد مسكي ايده اللي طقج فيها وعطيه عيييين حمرا وبعدين هديه وحقريه

واذا ما نفع كل اللي طاف طقيه على ايده وطقة خفيييفة ما تعور بس تكسره بس طبعا هذي اااااخر الحلول

ةاتفقي مع كل اللي حولج لحد يعطيه ويه اذا غلط حتى لو خالتج خلي ريلج يكلمها لان محححد راح ينفعج

واذا كنتي طالعة لا تطنشين الموضروع اخذييه على جنب وتصرفي معاه

بس الطق الحيل مااينفع ولا الحرمان بعده صغير

*

 

[بشاير الميموني]

لا اله الا الله.

الله يعينج ويهديه ادعيله بالهدايه.

 

[ام لولي ومولي]

نفس المعاناه ولدي عمره سنتين وثلاث شهور يرميني بالنعال اللي قدامه ياخذه يضربني والله اني اصارخ عليه واكبر عيوني واضربه مابه نتيجه..
والحين صار وابل من السعابيل والفاظ شينه,,
الله يعينا على هاالاطفال ويصلح حالهم ويصبرنا على تربيتهم..

 

[بطبوطة سكرة]

ماقصروا البنات ، الله يهديهم ويصلحهم ويجعلهم من الذرية الصالحة

 

[رفرف]

الله يهديكم شنو اللي يضحك لما عيالكم يطقونكم ؟ والله شي يبجي ما يضحك ..
طبعا كل ياهل يسويها بس ما تضحكونلهم وتخلونهم على كيفهم
امهاااات انتو .. يتعلمون من صغرهم يحترمونكم غصب طيب
لي مد ايده امسكها اوقفه اقوله لأ بصوت حااازم وبوجه حاد .. الام ما يطقونها ..
ان عادها تعيدون نفس التصرف لين يوقفون .. وبيوقفون عن تجربة
انا ماقول طقوهم لأن لا تنه عن خلق وتأتي مثله االا اذا انتو معلمينهم ع الطق وتطقونهم اكيد بيصير عندهم شي عادي لانكم انتو قدوتهم ..
ولا تسوون روحكم تبجون باجر كلما منعتيه عن سي وبيحرج يطقج ويفشلج جدام الناس

 

[ام كوثر2007]

امبي امبي هدو شوي شنو طقيه حيل على ايده وشنو قرصيه حيل على ايده الولد توة صغيير

وفي بنات قالو حرمييه من الشي اللي يحبه >>> هالتصرف يكون مع الياهل بوسنتين ونص وفوق مو سنة ونص ماراح يعرف ان الطق نتيجته الحرمان بس راح يعرف ان الطق وراه عين حمرا مثلا

اختي ولدج بعده صغير ماراح يعرف معنى الحرمان انا بعطيج كذا حل واتبعيهم بالتدرج وييين ما كنتي لا تطنشينه برا البيت على بو لا تفتشلين

تقدرين تسوين روحج تبجين وزعلي وصدقيني راح يتأثر وراح يعرف ان هالشي يزعلج انا احيانا تنفع معاي هالطريقة بس لا تظلين عليها غيري عشان لا يصير زعلجعادي عندده لان مع الوقت ما راح يتاثر

واحيانا حقريييه والحقران ينفع وقت اللي يبي شي مو من حقه او مو وقته وتقدرين احيانا بهالوصع تغيرين السالفة يعني اذا بجى مثلا يبي شي قبل لا يطق وجهي انتباهه حق شي ثاني يحبه تلفزيون مثلا او لعبة او تدلدغينه

والمساحل بعد ينفع يعني اذا طقج كلميه بهداوة وانتي متأثرة قوليله ليييييش تطق ماما ، مع كلام حلو لا حبيبي لا تسوي جذي انا ماما مع جم بوسة ولمة ساعات الحنان اهو اللي ينفع لان يكون يبيج

واذا شفتيه زاد مسكي ايده اللي طقج فيها وعطيه عيييين حمرا وبعدين هديه وحقريه

واذا ما نفع كل اللي طاف طقيه على ايده وطقة خفيييفة ما تعور بس تكسره بس طبعا هذي اااااخر الحلول

ةاتفقي مع كل اللي حولج لحد يعطيه ويه اذا غلط حتى لو خالتج خلي ريلج يكلمها لان محححد راح ينفعج

واذا كنتي طالعة لا تطنشين الموضروع اخذييه على جنب وتصرفي معاه

بس الطق الحيل مااينفع ولا الحرمان بعده صغير

*

حبيبتي ما يبتي شي زيااده احنا قلنا نفس الكلام

انتي في بدايه كلامج قلتي امبيه ليش الطق وماادري شنو

واخر شي ختمتيها انه ينطق علي ايده . يعني نفس الحلول اللى حطيناها ..
​

 

[أم حورية]

حبيبتي ما يبتي شي زيااده احنا قلنا نفس الكلام

انتي في بدايه كلامج قلتي امبيه ليش الطق وماادري شنو

واخر شي ختمتيها انه ينطق علي ايده . يعني نفس الحلول اللى حطيناها ..
​

حبيبتي انا كلامي واضح انا قتلها بالتدريج وقتلها تكون اخر الحلول والبنات عطوها اول حل اهو الطق وانا اعترضت على ان تكون الطقة حيل او تقرصه حيل وقتلها طقييه طقة خفيييفة ما تعوره مو تطقه حيل

انتي مستوعية ان الياهل عمره سنة ونص وتبي ينطق حيل ولا ينقرص حيل ؟؟؟
في فرق ،، طقة عن طقة تفرق

 

[ام شيخوه]

عادي لاتكبرين الموضوع توة صغير

 

[ريح قهوه]

ماينعطى وجه الجاهل انتي خليتيه يتمادى شوفي راح تتعبين بس اصبري عليه ركل مايبي يطق امسكي ايده وعصبي عليه وهاوشيه هذي اخرت الدلع كل شي وله حدود

 

[انوثتي غير وياك]

up up

 

[حظ من عنده انا]

اي غلط لما البيبي يطق او يسوي حرركه مو زينه يضحكون اللي عنده


اهو عباله ان هالششي حلوو وهالشي يضحك


لكن من اول مره يسوي شي غلط عصبي عليه وقولي لا ياماما


الحين اذا طقج على طول عصبي بوجهه مو تصاااارخين لا قلت عصبي وقولي لا

 

[نـعـومـه]

انتي غلطانه بالبدايه كنتي تضحكين جذي يتشجع !!

اللي عليج تعاقبينه اذا طقج قوليله اطق ماما بوزي وحقريه حتى لو كلمج لاتردين عشان يعرف غلطته

 

[SARA*]

الطفل اذا كان عمره سنه واشهر مااصور يفهم بالكلام او الزف او الحرمان حاولي من يطكج مثلي تعورتي وابجي ولو عندج صبغ احمر حطي شوي خلي يشوفها يمكن يبطل ويخاف واذا الطفل كبير يبيله تربيه عدل

 

[om.googi]

ماعتقد قريت وحدة بمثل حالتي ,,

انا يطقني بحالة وحدة : لا انحرج والناس قامت تغمزله او تكلمه

انا خبري الياهل اذا استحى يلزق بأمه يقولها شيليني والبعض اجتماعي يرووووح ريل على ريل وسوالف وياهم

انا لا يطقني طق لدرجة ان اخر مرة بكارفور واهو يدز العربانة عشتو مر واحد قاله شاطر يدز العربانة ريال ,,

اهو استحي جان يهد العربانة ورررررررررر على خصري ويطق ويكفخ فيني لين بقى بنطروني ينفصخ الا شوي من كثر ما يشده
هههههههههههههه وانا كنت شايلة خيشة عيش حدي كنت متوهقة قلت خلاص اذا طاح بخلي حتى ولدي بالجمعية وانحاش كاااااك
وشلته مثل كرة السلة وحطيته بالعربانة وقلتله ان وقفت
ماكو علج ولا عصير ولا بطاط ولا ككاو ولا زيتون ( اهم شي الزيتون ) ,,

بعدها زفيته زفة محترمة بالسيارة طلعت حرتي والا ادري اهو مو داري ليش أزفه ..

منو مثلي ؟؟ ههههههههههه صراحة قمت ما أطلع معاه الا أماكن الالعاب
واذا بدى احد يمدح فيه اقولهم يرحم والدينكم حقروووه ترا يلعن خيري طق
( يلعن ابو الاحراج اللي اييب الطق لأهله )​

 

[الحللللوه]

مووفقه

 

[HaAaDoOol]

اااب

 

[om deaj]

استخدمي معاه كرسي العقاب مرة على مرة راح ينفع معاه