ولدي يطقني ,, يحرجني حـيل

[Om Weldy]

السلام عليكم و رحمة الله و بركاته ,,
بقولكم مشكلتي اللي كنت مستهينه فيها حيل لين ولدي تمتدى و ما ادري شالحل !!

ولدي الله لحفظه عمره سنة و 4 شهور .. بداية ما تعلم الطق لمن كان يطقني كنت اضحك بعدين شوي شوي اقوله عيب ماما لين اخر شي فقدت اعصابي وطقيته و لا اكو فايدة يطقني طراقات حيل جدام الناس حيل اتفشل
شالحل ؟؟؟؟؟ شلون اتعامل معاه !!! تكفون ياليت اي وحده تدخل ترد علي على الأقل ترفعلي بالموضوع لأني جد محتاجة نصايحكم انا صغيرة و كلش ما عندي خبره بهالسوالف

 

[Melazlaza]

اكبر غلط
اغلب الاهل عندهم فكرة ان ياهل مايفتهم لي كبر نعلمه
لا الطفل من اللفة يفهم ويراقب ردود الافعال ويتصرف على اساسها
الحل
موقف صارم جداً
اول ما يمد ايده مسكيها حيل وعطيه نظرة مرعبة وقولي لا بصوت قوي
راح يكرر وانتي خلج جذي لا يتغير موقفج
وصي الكل مايضحكونله اذا سوا هالشي او اي شي غلط

 

[VET-Nour]

هههههههههه امممبيه !!

طقه بـ طقه و البادي اظلم

 

[رووح ابووها]

اااااب

 

[Khota8]

الله يسامحج اختي اني سمحتيله من اول .
اول شي اذا سوى هالحركه (برروحكم علشان تتحكمين فيه مايكون في احد دخيل عشان مايستنجد فيه)طقيه على ايده واحرميه من اهم شي يحبه وتزفينه بصوت عالي وتقوليه انا اخذت هاللعبه علشان جذي وجذي وكلميه مثل ماتكلمين احد كبير لا تكلميه كلام بيبيات او كلام اهوا يستخدمه لاتخافين كل شي يفهمونه وبعد فتره قصيره تقوليه قول اسف واخر مره وانا اسامحك واعطيك اللعبه ومره بمره يتعلم ويخاف على اغراضه وان شاءالله يقطع هالعاده *

 

[برستيجي مآركة]

اول مايرفع يده مسكيها له وطقهيه عليههها لاتسكتين له بوكرا يكبر يظل على هالحال واذا طقيتيه على يده هاوشيه ولاتراضينه بتشوفينه يجيج يتحكك والله وكل مرة لما يتأدب ويخااااف منك خلك قووية اسمحي لي حتى الناس لما تشووف تعامل ولدج معااج كذا بتقوول ماعرفت تربي ولدها من جد شي محررج في بعضهم يطقوون ويتفلوون على امهاتهم وكل هالشي ينعرف من تربية اهلهم لهم اللهم لك الحمد مهما كان صغر سنج الا انج صرتي ام وهذه مسئولية كبييييرة انج تحملين ثم تولدين ثم تربين ثم تحصدين نتاج تعبج ان شاءالله..
والله يسهل لج امورج...>>والسموحه ع الاطاله

 

[زمان النور]

جزاج الله هير ياصاحبة الموضوع انج طرحتب هالمشكله هذي مشكلتي بعد عجزت كل شي سويته واحقره واهاوشه وكل ابي قالوه الخوات بس ماكو فايده عمره سنتييين؟؟؟؟؟؟

 

[بدوية بملامح كشميرية 86]

نفسي بالضبط كنت بنزل موضوع عن هالسالفه

ولدي عمره سنه و٧ شهور ويطقني حتي بالنعال عزكم الله ويطقني كنت اضحك بالبدايه

الحين تمادي حيييل يقولي كلبه حيوانه جبي طايح فيها اي شي اقوله قالي جبي

ويعصب ويعلي صووووته علي.

طق وطقيته ومرات للاسف اضحك بوجهه

الله يهديهم ويصلحهم

 

[قطعة ثلج]

اي اهو اكبر غلط انج خليتيه يطق من البدايه الياهل

ذكي حرميه من شي يحبه وادعيله بالهدايه والصلاح

على طول

الله يهديه ويصلحه وجميع أبناء المسلمين يااارب

 

[الله كرريم]

حاولي انج ماتنفعلين حييل اذا ولدج طقج ولاتعصبين لانه الطفل ذكي وماسوى جذي الا وهو يبيج تنتبهين له وتشاغبينه ، حاولي اذا طقج بالبيت لاتهتمين عشان يحس انه الطق ماله فايده ولايجيب نتيجه ، لاتضحكين لاتعصبين لاتتضايقين وحاولي تكونين قويه معاه وغيري طريقتج المعتاده معاه، وعطيه نظره حاده بدون كلام وطقه قويه عشان يخاف ،

ان شاءالله اكون ساعدتج*

 

[متوترة]

الله يهديه يارب

 

[Om Weldy]

تسلمووون حبايبي كلكم ,,
المشملة لا طقيته خالتي الله يهداها تاخذه و تلمه احس انه يتقوى زياده
ما ادري وربي ساعات لمن ازفه يسوي حركات يخليني اضحك غصب

 

[أميرة القصر]

اتفقي مع الكبار انه ما يتدخلون وحاولي تقضين معاه وقت اكثر بأشياء محببه له من لعب ورسم وتقرين له قصص ومن هالاشياء .....

ولا تعالجين الغلط بغلط اذا طقج لا تطقينه لانه بيشوفج تطقين فبيركز براسه هالفعل مسكي ايده وفهميه ان ماما حلوه حبيبتك تحبها وتسمع كلامها واهي تحبك وتلعب معاك الولد الشاطر يقول حق ماما حبيبتي يحبها على ايدها و وحبي ايده قولي له جذي ..

وحاولي تعطينه اشياء يلها فيها العاب تركيب ألوان اهم شي تشغلين ايده عشان ما يتذكر الطق ...

والشغله يبيلها صبرررر يوم يومين اسبوع شهر والله ويهديهم ويصلحهم

ولا تنسيني من صالح دعواتج

 

[ام كوثر2007]

مشكله انكم تضحكون علي الغلط علي بو انه ياهل


المفروض من البدايه تخوفينه من هالشي عشان ما يتعود

علي العمووم حبيبتي ترا يكبر الياهل ويتغير عطيه لين مايصير 3 سنين ونص .. اهنيه يكون يستوعب ويفهم الكلام اللى تقولينه


والحين ما عليج الا انه بس يمد ايده تقرصينه حيل علي ايده .. عشان يتعلم انه هالشي غلط .

 

[قتوة البدو]

اااااااااااااااااه ياقلبي نفس المعاناه المشكله انه رجال عمره 7 سنيين ومن كثر ماطقه قمت ابجي معاه النفسيه تعبت وتعبت معاه وااااااااااااااااايد ماخذ نظام طقه بطقه والبادي اظلم والله مادري شنو اسوي طق وكلام قذر وقاااحه ماشفت مثلها ايامنااا من يوم مادش المدرسه وأهو قام يقول حجي بعمري ماسمعته بيننا مادري المدرسه هي الخراب اشكال والوان وتربيااات مختلفه ونصهم مع الاسف متخلفيين وولدي صار معاهم ​

 

[AVE.NJ]

امبيه الله يعينا على تربية عيالنا

 

[ام كوثر2007]

اااااااااااااااااه ياقلبي نفس المعاناه المشكله انه رجال عمره 7 سنيين ومن كثر ماطقه قمت ابجي معاه النفسيه تعبت وتعبت معاه وااااااااااااااااايد ماخذ نظام طقه بطقه والبادي اظلم والله مادري شنو اسوي طق وكلام قذر وقاااحه ماشفت مثلها ايامنااا من يوم مادش المدرسه وأهو قام يقول حجي بعمري ماسمعته بيننا مادري المدرسه هي الخراب اشكال والوان وتربيااات مختلفه ونصهم مع الاسف متخلفيين وولدي صار معاهم ​

لا يا قلبي المدرسه مالها شغل .. لا نقط الللوم علي المدرسه

وولدج ما شاء الله ريااال خلاص يعني بثانيه


التربيه تلعب دور اساسي فيهم

ديري بالج اهو بعمر الحين لازم يتعاقب وعقاب يكون شديد مو هين

لو انه بو سنه او اثنين نبلعها ونقول ياهل بس انتي صراحه الله يعينج .. ​

 

[دلوعتهـ]

الله يعينج حبيبتي

بنت خالتي نفسج بس بنتها كبيره 4 سنين والمشكله مو تطقها تطق الحريم اللي يزورونها وحمواتها تفشل منها تقول أرجع البيت أبجييي

 

[انا لها شمس]

امبيييييه والله يحرون
بس لاتزيدون الغلط بالغلط
الطق ابددددد ماراح يجيب نتيجه

وهذا الدلع الغلط .... تعلمو ان الدلع من مضامين التربيه

وابو ٧ سنين
وام ٤ سنين

يبيلهم عقاب الحرمان من كل شييييي وانج تطنشيييينهم وتعلمينهم السبب

وتضغطين ع نفسج لفتره لين يتعدلون

الله يعييييينكم

 

[*peace*]

تقريبا نفس مشكلتي بس بنتي ماتطق لا تسب خخخخ

اهيا الحين خفت سب اهون من قبل اذا قالت لي جب اخزها واقولها لاتقولين جب عيب صح؟ يلا قولي اسفه

عاد تقول اسفه قبل كلش ماتقول اسفه الحمدلله الحين احسن من قبل

جربي هالطريقه كلميه بدون صراخ بس بنظره تخرع وقوليله عيب صح؟؟خليه يرد عليج