ولدي وويه .. ساعدوني

[دلال العلي]

مرحبا انا اول مره اكتب موضوع بهذا المنتدي المهم مشكلتي انه ولدي الي عمره شهرين كله يشمخ وويه حرام بس افككه حرام يقعد يحك ويهه ويشمخه والله يوم مجرح وييه لبسته دسوس قصيت اظافره والله ما خليت شي كل شي سويته وكريم كل ساعه احط على وييه كريم جونسون الوردي وديته دكتور يوم كان عمره شهر قالي عادي يروح وبعد الاربعين وديته دكتور بدار الشفا لانه جسمه كان كله حبوب قالي عادي اليهال تطلع فيها حبوب وتروح وصج الي بجسمه كله قشر وراح
بس اللحين ويهه مو عارفه شنو اسوي ؟؟؟
وخالتي تقولي وديه الصيدليه قلت لها اخاف يعطونه كريمات تضره

ياريت الي مار عليها مثل حالتي تساعدني

 

[أنفاسي دخون]

بسم الله عليه ما فيه الا العافيه

بس انتي رطبي جسمه ووجهه دايما وقصي اظافره عشان ما يشمخ وجهه

 

[موجة ~ بحر]

حبيبتي استعملي كريم سيباميد حق ألويه اهوا مخصص حق ألويه تلقينه بالصيدليات وااايد زين

 

[مشتاقه لك يبا]

رد : ولدي وويه .. ساعدوني

بسم الله عليه .. لا تخافين حبيبتي ولد اختي كله جذي لحد ماصار وجه شواارع والله ههههههههههههههههههههه
بشرة الجاهل سبحان الله على طول تجدد لا تودينه صيدليات وتخربطين فيه بالكريمات بس خليج على الفازلين او زيت زيتون وبس ما عليه الا العافيه ان شاء الله

 

[Rock & Roll]

رد : ولدي وويه .. ساعدوني

عاااااااااااادي حبيبتي

الجهاااااااااااال كلهم جذي يا قلبي

ربي يخليه لج ويهديه


^_^

 

[نطوووعه]

رد : ولدي وويه .. ساعدوني

حطيله مرطب كيو في طبي من الصيدليه مافيه ريحه احس احسن من جونسون ريحته قويه تهيج الشموخ

 

[دلال العلي]

مشكورات خواتي والله طمنتوني

يعطيكم العافيه

 

[noynoy]

حطيله زبده الشيا

 

[أم عيد]

قوه حبيبتي كل اللي قالوه البنات اتركيه وسمعي نصيحتي لاني المشكله عند عيالي من اول واحد انولد فيهم هالمشكله هاذي مالها الا تروحين المستوصف وتطلبين الفا كورت كريم خالي من الكورتيزون وخفيف حيل كل يوم بالليل غسلي وجهه بماي دافي بعدين لما ينشف وجهه حطي الكريم وشوفي شلون راح يشوف العافيه وراح تدعين لي