ولدي وهو يرضع المميه يصير الحليب بااارد?❄️

[ريح قهوه]

السلام عليكم ورحمة الله

بنات انا معانات مع هالمميه

اسوي لولدي حليب وهو عمره خمس اشهر اسوي الرضعه دافيه وكل شي تمام وهو يرضع شوي وترد تصير بارده?

خاصتن بالليل وهو نايم يقعد يشرب شوي شوي حيل اعاني من هالشغله انتم شلون انا والله مرات اخليه يرضعها بارده لان اكون غفيت او نمت منو عندها طريقه او تعرف شلون احافظ علي حرارة المميه

 

[Aloe Vera]

بصراحة انا ارضع من صدري كل عيالي و يطلع الحليب دافي طبعاً
بس بحالتج مادري شنو المشكله اذا صار الحليب بارد؟ ماعتقد هالشي يضر!
يمكن في غطا حافظ لحرارة الممية جني مرة شفت

 

[-فلانة-]

عادي ما يضر لو بارد بس إنه ممكن يسبب له شوية غازات، المهم لما تسوين الرضعة يكون الماي دافي على أساس الحليب يذوب عدل، و بعدين خنت حيلي يمكن حلمة الممية ضيجة من جذي يطول بالحليبة لأنه يتعب من المص، انا أول ما يبت بنتي أمي قالتلي أكبر فتحة الحلمة شوي عشان الياهل يشرب من غير عذاب، و سويتها و مشت معاي بس وايد ناس يقولون هالحركة غلط خصوصاً إن البيبي يكون ما يقدر يشرب بسرعة و ممكن يشرق لا سمح الله، يعني اذا بتسوينها انتبهي انج ما تكبرين الفتحة وايد و انتبهي وانتي ترضعينه..عسى الله يحفظه لج و يبلغج فيه و يعينج على سهر الليالي و التعب..مسألة وقت و كل شي يتعدل ان شالله.

 

[موني^^]

في جهاز بسنتر بوينت تحطين المميه وتخليها دافية طول الوقت

امي كانت تستخدمها واحنا صغار

 

[اذوب بكلامه]

نصيحه عوديه على البارد من الحين عشان لاتتعبين ولايتعب هو ويمرض بسرعه
انا بنتي من يوم وهي بالاربعين عودتها على البارد مو البااااارد مره لا بحراره الغرفه والحمد لله مافيها شي حتى الحين بالبرد اطلع الزبادي لها من الثلاحه وااكلها على طول والحمد لله ماضرها وحماتي العكس وولدها على طول يمرض
فالحرص الزايد ممكن ينقلب للعكس

 

[R o o s h]

بسسنتربوينت في تحطين فيه المميه ويحررها

الحليب اذا مر عليه ساعتين ينكب ويتسوا جديد

 

[حوريه ...]

عادي اتوقع الكل مثلج وانا منهم

 

[ريتاج_90]

بناات
موزين تشربون البيبي حليبه بارد
لازم يكون دافي
اخذي الحلمة مقاس ميديم يمكن انتتي ماخذه سمول
وانا طريقتي احط بممية رقم ٨ ماي بارد مٍـٍْ♡̨̐ـِْْنْ مطارته
اخليه لما يبرد
ومثلا اذا مميته رقم ٤ احط له ٣ ارقام ماي دافي ورقم ماي بارد
واذا كان حار حييل احط طاسه فيها ماي بارد واخليه بسرعه تبرد

 

[meen_ana]

في جهاز تحطين في ماي ويسخن لج الحليب للي بالرضعه كان عندي منه

 

[86روعـه]

انتي مو يكون عندج ترمس او مطاره ماي دافي ؟!!
الي تسوين فيها المميه
حطي قلاص يمج واذا ولدج رضعته بردت صبي من الماي الدافي بالقلاص وحطي المميه داخله دقيقه وحده تحصلين مميه ولدج صارت دافيه

انا اسوي جذي وشغله ماتتعب لانه مطاره الماي الحار يمج بس صبي بالقلاص وحطي المميه داخل دقيقه مثل ماقلتلج




دعواتج لي اني اضعف بصحه وسلامه

 

[Manala]

شوفي فتحة الحلمة ممكن انها تكون صغيرة فمسكين تلاقينه يعاني وهو يمص.
اخذيله اكبر او بسجينة وسعي الفتحة. بس جربيها قبل لا تعطينه لاتكونين موسعتها وايد.