ولدي وشهر العسل

[M!$_ $heme]

السلام عليكم

انا عروس عمري 23 سنه وعرسي شهر 5 انشاءالله

وكنت منفصله وعندي ولد الله يحفظه :yaaaaaarb:

وانا من اول ما ولدته انفصلت وكان ولدي عندي يعني ولدي

متعلق فيني حييييييييل وانا بعد ماياكل من ايد احد ولا ينام الا معاي

والله وفقني وبتزوج وزوجي ماعنده اولاد ويحب ولدي وااااايد

على قولته احبه اكثر منج

مشكلتي الي معوره قلبي ان زوجي بيسافر في صباحية العرس

يقول نعرس ونسافر على طول وهذي امنيته وانا ماقدر اسافر

بدون ولدي وبنفس الوقت ماقدر اخذه لان امي زفتني وخواتي بعد

يقولون الريال بيستانس بشهر العسل لاتقثينه وانا ماقدر اخليه عند

اهلي كلششششش لاسباب خاصه وابوه اذا عرف اني مخليته

ومسافره بيرفع علي قضية اهمال بس عشان ياخذه مني

والريال من حقه يسافر بروحه مع ان الله يشهد انه قالي

انا موعيزان عنه واسفره قبلج بس هم لازم احس على دمي

وما امصخها والله اني ما انام بسبب هالموضوع وعارفه ان

ولدي بيتمرمر هني بروحه وهم ماراح استانس وقلبي مع ولدي حبيبي:eh_s(2):

ساعدوني بليييز والمايك لكم:eh_s(4):​

 

[طيبة83]

ولدج جم عمره؟؟؟؟؟؟؟؟

اختي نصيحه لوجه الله سافري مع ريلج بروحكم وخلي ولدج عند امج

ومب لازم سفره طويله اسبوع واحد او اسبوعين يكفي

استودعيه الله وروحي

حتى انتي بتستانسين

والحمدلله الله عوضج وعطاج زوج صالح من حقه اهو بعد يتهنا بشهر العسل

ووقت السفر روحي واستانسي وانسيه وياج ولا اتصيحين واتحنين عليه

الابو اللي اهو ابو يتملل من عياله

انا بنتي عمرها سنه ونص وحيل متلقه فيني لا وللحين ترضع من صدري خخخخخخ

وريلي من ولدتها يبينا نسافر مع بعض بدونها

عاد رحنا يومين

والله وايد استانست وكل يوم اقرى عليها واحصنها وامي تحملت فيها

انتي توكلي على الله وسافري استانسي

وولدج حصنيه بالله واشتريله هدايا صغار وكبار وكل يوم او يومين يعطونه هديه يفتحها

اصلا دكاترة النفس يقولون ان الياهل تقوى شخصيته اذا حس بالاتقلاليه عن امه وتعزز ثقته اذا حس ان امه وان غابت عنه اكيد بترجع له

 

[M!$_ $heme]

اختي طيبه ولدي عمره 5 سنين الله يحفظه

المشكله ان محد بيتحمله وانا لما اخليه واطلع مثلا اكون بالجامعه ارجع البيت اشوف مافي اهتمام والخدم الله ياكافي لوعه

وامي كبيره مالها مقاقة ياهال منو بيهتم فيه ماقدر اخليه والله قلبي يعورني

 

[M!$_ $heme]

خواتي المشرفات ممكن تشيلون الموضوع الثاني الي مافيه ردود النت كان ضعيف عندي وبالغلط طلع الموضوع مرتين

 

[عاشقة الككاو]

موقف صعب




انزين شنو اامن مكان ممكن تخلينه فيه بيت اختج مثلا او شقتج مع زوجج بوجود خدامة امينة + اشراف من امج او خواتج وكل شوي يشيكون علية


وحاولي لا اطولوون وايد

وربي يهنيج يا عروس

 

[Shinexo]

لازم تهدينه و تروحين لاتخربين شهر العسل عشان ولدج , ترى ريلج بيحطها بخاطره و بيقولج انا مارحت شهر عسل بسبته و بيخرب وووو الخ , لاتخلين شي يخترب بسبة ولدج .. ولدج مشالله عليه ريال , عوديه يبات بيت امج مثلا يوم او بيت حد عندهم يهال بسنه عشان مايتملل الولد مايبي ناس كبار يبي حد بسنه , اخوج اختج .. حبيبتي اذا انتي متعلقه بولدج جذي وماتبين تهدينه شاللي حادج تتزوجين عيل ... ؟ ولدج شي و ريلج شي ثاني ترى لاتحطين واحد على حساب الثاني

 

[غآب نورك ~]

اي والله موقف صعب

لازم تخلينه مايصير تاخذينه خل الريال يستانس بشهر العسل بروحكم

ونفس ماقالت اللي فوق ^^ باجر بيقول خرب علينا وماستانسنا حتى لو مافي شي صار بحصله عذر والخ

فأنتي امنعي هالشي أنه يصير لو بنسبة 1%

معروفين الريايل قبل العرس شي وبعده شي ثاني اهو يمكن الريال ماحس بالولد للحيـن كلام بس لما ايي الفعل غير خصوصا عمره 5 سنين حركي وفاهم اكيد اسم الله عليه



خليه لو عند أختج أو أي حد ممكن تأمنين عليها


الله يوفقج يارب ويسعدج

 

[M!$_ $heme]

موقف صعب




انزين شنو اامن مكان ممكن تخلينه فيه بيت اختج مثلا او شقتج مع زوجج بوجود خدامة امينة + اشراف من امج او خواتج وكل شوي يشيكون علية


وحاولي لا اطولوون وايد

وربي يهنيج يا عروس

خدامه مستحيييييييييييييييييييييييييييييل بس اهلي ممكن
ومشكوره حبيبتي

 

[M!$_ $heme]

لازم تهدينه و تروحين لاتخربين شهر العسل عشان ولدج , ترى ريلج بيحطها بخاطره و بيقولج انا مارحت شهر عسل بسبته و بيخرب وووو الخ , لاتخلين شي يخترب بسبة ولدج .. ولدج مشالله عليه ريال , عوديه يبات بيت امج مثلا يوم او بيت حد عندهم يهال بسنه عشان مايتملل الولد مايبي ناس كبار يبي حد بسنه , اخوج اختج .. حبيبتي اذا انتي متعلقه بولدج جذي وماتبين تهدينه شاللي حادج تتزوجين عيل ... ؟ ولدج شي و ريلج شي ثاني ترى لاتحطين واحد على حساب الثاني

مشكوره عالمرور وصاجه الرياييل يدورون الزله

 

[M!$_ $heme]

اي والله موقف صعب

لازم تخلينه مايصير تاخذينه خل الريال يستانس بشهر العسل بروحكم

ونفس ماقالت اللي فوق ^^ باجر بيقول خرب علينا وماستانسنا حتى لو مافي شي صار بحصله عذر والخ

فأنتي امنعي هالشي أنه يصير لو بنسبة 1%

معروفين الريايل قبل العرس شي وبعده شي ثاني اهو يمكن الريال ماحس بالولد للحيـن كلام بس لما ايي الفعل غير خصوصا عمره 5 سنين حركي وفاهم اكيد اسم الله عليه



خليه لو عند أختج أو أي حد ممكن تأمنين عليها


الله يوفقج يارب ويسعدج

صاجه اختي والله انهم يدورون الزله والله يسهل الامور