ولدي وحيدي خمس شهوووور..و يكسر الخاطر

[وتين قلبـي]

مرحبا بالغاليات



والله اني استفدت منكم حييل واكون ممنونه لكم ولنصايحكم
واحنا مالنا الا بعض نخفف عن بعض ونواسي بعض ونبارك لبعض

عسى الله لايحرمنا من بعض ويجزي كل وحده تفعل الخير الجنه يااارب



ابدا بمشكلتي>>>>>ادري عبالكم خلصت سالفتي هالقصه اللي فووق
بس جيكو عالعنوااان


ولدي عمره خمس شهور وقبل اسبوعين تعب حييل من هالبرد جته كحه وبلاعيم وصدره بلغم تنك

علاجته بالصباح وعطوه مضاد ومزيل للبلغم ماااكو فايده زادت كحته حييييل وعقب وديته العرف وعطوه بعد مضاد وشراب الاعشاب برسوبان والحمدلله خفت الحكه وتشاافى








وبعد اسبوع من الشفاء ردتله ازمته مره ثاانيه الحين بعد حييل تعبان وتنك وبلغم
وديته المستوصف قال مااقدر اعطيه مضااد لانه ماخذه قبل اسبوع

ياربي شسوي الحين نايم جنبي ويكسر الخاطر بس يكحك وبلغم يضايقه احسه من صوت كحته مبلعم بس ماياكل مضاد


مع العلم الحين اعطيه دوا بروسوبان وفنستيل وكمام واحس ماافي تحسن




ادري حددي طولتها بس اعذرووني من حر قلبي على ولدي وحيدي وماعندي خبره ابد

 

[om deaj]

حطيله حلبة في ماي المطارة وشربيه من منقوعها مع الحليب عادي وان شء الله تروح منه
صدر ولدج حساس مثل عيالي والعود حاشه نفس الشي كان يختنق ويزرق من البلغم الي على صدره وشريت الكمام وقطينا على الادوية الله العالم وتالي ماراحت الا بالحلبة


الله يشفيه يارب

 

[فاقده حنان ابوه]

انا بنتي كانت جذي وعطوها كمام كل ٨ ساعات عقبها رحت حق دكتورها بالمواساه صرفلها دوه للشعب الهوائيه حده اوك يخليها ترجع البلغم كله بس بعدين تعبت معاها عاد شريت زيت السمسم من الحواي ثلاث ايام ادهن صدرها وظهرها وقاعة ريولها وبالابره احط اقل من رقم واحد والله ان راحت الكحه والبلغ راح حمدالله

 

[وتين قلبـي]

ام دعيج
جزاج الله خير بس الحلبه ماتطلع ريحه بجسمه


فاقده حنان ابوه
يعطيج العافيه ياقلبي
والله جربته زيت السمسم ادهنه واشربه
مااااجاب اي فايده له


ومشكورين على مروركم

 

[@_@_@]

حبيبي مايشوف شر انا بعد ولدي جذي ورفيجتي نصحتني بورق الجوافه تلقينه عند الحواي والحمدالله احسه اشوا من قبل

 

[ناتشوو]

روحي اي طوارئ بالحكومة
غالبا بيعطونج
كمامات
وديكسول
وزيرتك
واطلبي تحويل للعيادة الخارجية دام هالنوبة مو اول مرة تجيه
وبالعيادة بيتابعونه
وبيعطونه علاج يسمونه بالوقائي
كورسات من كمام بولمكورت
وباذن الله بترتاحين
ترى كل هالادوية اللي خذيتيها بس مؤقتة
لعلاج النوبة
بس الوقائي يحميه من حدوثها

 

[فوشيهـ]

اب اب لعيون ولدك


الله يشفيه ان شااءلله

 

[الأميرة جوري]

انا رفيجتى مدحت لي ورق الجوافه وجربته لبنتى ما شاء الله قامت ترجع ونزل كل البلغم جربيه عطيه 3 مرات باليوم رقم 2 نقعيه بماي حال بعد شخليه وحطيه بالمميه او بالابره اذا ماحب يشربه ...ارتحت بعدها مع انها نوموها بالمستشفي ويعطونها مضاد بالوريد ..

 

[ام رينـاد]

عسى الله يشافيه ويعافيه
شوفي ورق الجوافه اللي ذكرته ااميره جوري

 

[وتين قلبـي]

شاكرتكم وجزاكم الله خير الجزاء

حطيتله حلبه بالمطاره


وبجرب ورق الجوافه
وماااقصرتووو حبيباااتي

 

[ليمون ونعناع]

سلامته وماعليه الا العافيه والصحه انشالله

ولدج كبر ولدي اسم الله عليهم

صار فيه كحه وحرارة قالو لي بالحكومه ادول وقطرة خشم وحرام نعطيه مضاد حيوي اذا نزلت الحرارة عشان مناعته
والحندلله الحرارة راحت بس زادت الكحه وصارت بلغم ونشله وبعدين صوته رااااح قام يبجي بدون صووووووت ومايرضع عدل واذا شرب مميه يرجعها تكرمون رديت وديته المستوصف يقولي ماعندنا شي له؟وانا انعديت منه قالي فيه التهاب فيروسي وانا صار فيني بعد وصوتي راح قلت له حرام عطه اي شي يريحه قال ماكو الا بروسبان
بروسبان سواله التهاب مكان الحفاظ
جان ازخه واروح رويال حياه
كلام الدكتورة

لازم ماتثقلين له ملابس

لا تشغلين الدفايه لان تنشف الرطوبه وتزيد الكحه والبلغم
وتخلي الطفل يمرض من اقل شي حتى لو غسلتي ويها يحوشه هوا يمرض

وقالت لان كان يرجع اذا شرب رضعته قالت شربيه رقمين يعني رقم ٦٠ كل ساعتين وادا بعده يوعان يوي بعد عشان يظل الحليب بالمعدة ولمن يكح مايرجع انا اذا شربتيه وايد يكون واصل ليه فرق الحليب وبس يكح راح يرجعه

ولان صوته كان رايح عطته مضاد حيوي

بس ماشالله ادويتهم وحده بوحده

وديه رويال حياه

 

[ام كوثر2007]

حبيبي مايشوف شر انا بعد ولدي جذي ورفيجتي نصحتني بورق الجوافه تلقينه عند الحواي والحمدالله احسه اشوا من قبل

والله انها صاجه .. ورق الجواااااااافه وبس ..


انا قبل كنت متجاهله سالفه ورق الجوافه لين قالت لي عنه رفيجتي عقب ما تعبت وطلعت روحي من الكحه اللى عندي عيالي ..

بس عشان عمره خمس شهور سألي الحواي حبيبتي .. قوليله يصير ياخذه وشكثر الكميه

والله اذا عطيتيه مرتين باليوم خلال ثلاث ايام مافي اثر للكحه والبلغم ينزل بالخروج الله يكرمج

وان شاءالله مافيه الا العافيه .. ​

 

[a-a-alrajhe]

الله يشافيه يارب ويخليه لج.. احسن شي الحلبة بالمطارة.. حتى لعظامه زينه...

 

[الأمل الأبيض]

اول شي انصحج بدكتور محمد سعيد في بوشهري كلينك
العرف فاااشل
ثاني شي طبخي الحلبة ونقعيها بورد. البابونج ربع ساعه وشربيه

خففي عنه الحليب هالفترة لانه بيرجع من البلغم

نوميه علي بطنه عشان البلغم يطلع
وخففي المره حيييييل بماي و دفي مايها وعطه نص ملي بيرجع كلللل البلغم
والله يشفيه لج يااااارب
و ادعيلي بالولد الصالح

 

[ام الحلوااات]

اللـــــــــــه يـــــشــــفــــيــــــــــه

 

[وتين قلبـي]

شاكرتكم شاكرتكم شااااااكرتكم


وجزاكم الله الف خييير

 

[strawbarry83]

حبيبتي والله امبييييييه انا ولدي صار شهر كامل مريض اسبوع وترك حرارة نار والحمدلله الحين احسن بفضل الله واستشارة اختي استشارية حساسية وربو بس بكندا ليلحينها اكتبتي كبسولات الااموكسيل حق الكبار نص كبسولة اذوبها ب5مل حليب واعطيه كل 12 ساعة وشريت كمام ينباع بصيدلية المعالي اسمة airo chamber مع بخاخ كورتزون125 وبخاخ فنتولين والكرتزون كل 12ساعه بختين لمدة 20 ثانية والله الحمدلله

 

[المها الابيض]

الله يشفيه ان شاالله
ورق الجوافه للامانه مو مجربته بس يمدحونه
وليش من الحواي اخذيه من الصيدليه انظف
بس سألي الطبيب اذا يصير على عمر ولدج
ولا لأ
وودي ولدج طبيب ثاني اذا مانفع علاج معاه
انا ولدي وديته اكثر من طبيب لين الحمدلله تشافى
وانصحج بالدكتور مازن العيسى

 

[PinkLulu]

المفروض كل مرة تودينه عند نفس الطبيب...عشان يكون عارف شنو كان معطيه علاج وشلون تطورت حالته

الله يشافيه​