ولدي وحرف الرررررررراء

[ام ارجوان]

مساكم الله بلخير

ولدي عمره 5 سنوات وعليها وماينطق الحروف زين مثلا حرف (الراء) ينطقه (ل) هل يستمر معه كذاء ولا لا ؟

بلرغم من انه في السا بق حرف (ث) ينطقه(ت) و(ش) (س) وتحسن عنده نطق هالحرفين

لكن احس لمن يتكلم ولدي كأنه يبذل مجهود كبير بمعنى ان صوته اكبر من عمره وكان حاجه داخل حلقه مخنوق فيها لمن يتكلم

حبيباتى اللي عندها فكره عن هالموضوع تفيدني ولكم خالص تحياتى

 

[عهد الامل]

حبيبتي ادا حرف الراء بس لمايكبر ممكن تتغير وهداعن تجربة شخصية


واناصغيرة الراء كنت انطقه غاء بس بعدين لماكبرت الحمد لله


انطقه عادي من غير اي مشكلة لكن ادا علي صوت شوفي دكتور يمكن عنده



جيوب انفية


وانشاء الله البنات يفيدونك اكثر الله يخليه يارب

 

[ام ارجوان]

الله يعطيك العافيه ياشهد وييسر لك امورك على الافاده

 

[( درّه )]

ويييييييييييي أم أرجوان

آن ليلحين فيني لدغة

تخيّلي

كنت أقول الراء " وا" لووول

عاد مع الوقت بدت تتحسن

وألحين إذا دققتي تعرفين فيني لدغة

لا تحاتين حبوبة

وترى اللدغة حلووة عالصبي ") لوول

موفقة حبوبة

 

[pure.soul]

لكن احس لمن يتكلم ولدي كأنه يبذل مجهود كبير بمعنى ان صوته اكبر من عمره وكان حاجه داخل حلقه مخنوق فيها لمن يتكلم

يمكن فيه لحمية او لووز ؟!

 

[طيبة الكويتية]

ماشاءالله
عندي و عندج خير الحمدلله.
اعيالي الأثنين الراء ضايعه عندهم واحد يخليها ل و الثاني و
يعني الفراوله تصير فواوله عند الصغير و فلاوله عند الكبيره. الكبير خمسه و نص و الصغير عمره 3 و نص
اتمنى يتعدل النطق عندهم لأنه الكبير حبيبي حرام يتضايق لما احد يتطنز عليه و مرات يبجي.
الله يخليهم ان شاءالله لنا يارب و ما يتأثرون باللي يتطنزون عليهم. خو الزمن هذا اليهال ما يخلون احد بحاله لازم يعلقون على بعض و يضحكون وهذا اكثر شي يبط الجبد والله.

 

[اخصائية احتياجات خاصه]

ممكن توديه لاخصائى تخاطب افضل بس يكون ثقه علشان يكون امين معاكى مش يخليكى تديله جلسات تخاطب وتدفعى فلوس والولد يكون مش محتاج

وربنا يعينك

 

[أم عبووووود]

حبيبتي انا ولدي قبل كان جذيه لما يتكلم جنه مخنوق ولما ينام يشخر وتحسين مرات جنه النفس بينقطع عنه لما وديته الطبيب طلع عنده تضخم في اللوز شديد حتى اذكر الدكتور قال اذا ماشالهم احتمال يختنق وهو نايم (اسم الله على وليدي)
المهم عقبها شالوا له اللوز صار صوته حاد ومزعج لكن بطل شخير وصار طبيعي الحمد الله فراجعي الطبيب أفضل وان شاء الله مافيه الا العافية

 

[Miss Cherry]

راجعي مختص بالتخاطب والنطق جايز فيه شي عضوي واذا تاكدتي ان شالله ان ما فيه شي خلاص لا تحاتين مع الوقت تتعدل مخارج الأحرف عنده اهم شي يكون سليم