ولدي وايد متعلق فيني ولازم يقوم بليل يبجي يدورني!!!

[متواضعة]

حبيبتي بسالج سوال عمرج تركتيه وسافرتي ؟

 

[متواضعة]

ملاحظه اللي يخلون عيالهم ويسافرون يصيرون جذي

بس مو دايما طبعا

اقريه عليه الفاتحه مره و اية الكرسي مره والمعوذات 3 مرات الصبح بعد صلاة العصر قبل صلاة المغرب وقبل لا ينام او لين نام حطي يدج على راسه واقري اسبوع وان شاءالله تحصلين نتيجه عن تجربه

 

[A boss]

وين دوامج عشان اشوف حضانه ابطريجك

 

[عاشقة الككاو]

متواضعة

ما تركته والله اخذته معاي

وبالسفرة الثانية كان مع اختي ووايد متعلق فيها وكان مستانس مادري والله





aboos
دوامي بشويخ
وبيتي اشبيليا


والحين حبيبي مريض كان معاه ازمة ربو تنوم بالمستشفي والحين رد مرض التهاب الاذن الوسطي ورينا للمضاد


اخاف بالحضانه تزيد علية امراضة

لانه الله يحفظة بدون شي وماكو مناعه

 

[عاشقة الككاو]

upppppppppp

 

[Q8_QT]

حبيبتي نفس مشكلتي مع ولدي لا وولدي اكبر من ولدج بعد بدع فيني دخل الابتدائي واهو لي الحين يقوم من نومه ويطق الباب مرات جربت احقره اطقه كل شي ماكو فايدة اهو حيل خواف لاااازم يقوم بالليل مارتحت الا لما الله رزقني باخو حقه وخليته ينام وياه يالله طخ




وايد انصحوني اخلي الخدامة تنام وياه بس انا ماحبيت هالشي اهو ماعنده مشكلة اي احد ينام وياه المهم ماينام بروحه ليش ماتحطين بداره كاميرا عشان تشوفينه اذا قعد وخليه الخدامة تنام وياه فترة جربي شوفي يكمل نومه والا يقعد

 

[جذابه بنت ذيابه]

هلا وغلا شخباررج لج وحشششه







تدرين نفس مشكلة بنتي اللي كبر ولدج �� عمرها ٣ سنوات وللحين متعلقه فيني حيييل و وقت النوم انومها بسريرها تخيلي وين القاها القاها تحت سرير اخوها الصغير اللي معاي بالغرفه .. عمره ١٠ شهور و مرات تنام مع اخوها الكبير بسريرها بغرفتها بس تبجي طول الليل لين تقعدنا يعني تعالو عندي .. اهلي قالو بنتج حيل غيرانه قلت لا اهي من زمان جذي من جبتهاا كله متعلقه فيني حتي لما اقعد اعطيها ايبادها ابيها تلتهي عني شتسوي !! تقعد يمي او اذا قمت من مكاني اجيب ماي وارد تبجي لين اجي يمها و اذا جيت يمها تقعد بالمكان اللي كنت قاعده فيه هههههههه والله مرات احترررر ياربي جننتني بس شهر ٩ بتذخل الروضه وبنشوف الله يسترر تعبتني

 

[عاشقة الككاو]

الخدامة كانت تنام يمة بس مو حنونة ما تقوم له يبجي واذا قامت تقول روح حق ماما
وعندي اخوة عمرة 10 شهور ماقدر اتركة بغرفة وياه لانه يبي يرضع كل جم ساعه ومافيني حيل اروح وارد ((((



والحين الخدامة مشيناها اول امس قامت تلطم واطق راسها تقول ودوني مكتب
عاد طناقر الاثيوبيات ما تغشمر رحت راضيتها ولميتها قتلها حااااااااااااضر الي تبينه
وخشيت السجاجين كلها وقفلت الباب علي طبعا طووووووووووول الليل تبجي وتكلم الفون جنه احنا معذبيها ولا طاقينها
المهم

حاليا ينام بسريري (((

 

[عاشقة الككاو]

هلا وغلا حبيبتييييييييي شخبارج وشخبار العنون فديته والله

والله تعبت لازم يوميا بجي بليل الا ينام يمي ودي يسحبها للصبح

فكرت ادخله حضانه
اهو الحين اسم الله عليه سنتين و 5 شهور

 

[Q8_QT]

حبيبتي دخليه سنه مناسب للحضانة يمكن تساعدج هالطريقة

 

[ام رينـاد]

ذكرتيني ببنتي اسمالله عليها وايد متعلقه فيني وتمت لازقه فيني لي ال3 سنين ..وديتها حضانه ..على ساس يتغير طبعها .. ما أنكر ان قلبي يتقطع يوم اسمع صوتها وتبجي حيل ..بس لااازم اعوددهاا .. واول اسبوع كنت اخذها مبجر ..عشان لاتشوف اليهال واهلهم وتستاحش .. والحمدالله تاقلمت مع الوضع ..

يعني حطي في بالج انج بتتعبين معاه اول الايام بس لازم تمسكين نفسج وان شاء الله بيتعود

 

[عاشقة الككاو]

ناوية ادخلة واشووف الله المستعان

مشكورين حبايبي

 

[انتيكا]

نفس معاناتج مع ولدي ماقصرتوا بنات حتى انا فدتوني بنصايحكم