ولدي نومه مخربط !!

[أميرة بحرينية]

يا امهات يا حلوين

ولدي عمره 19 يوم ونومه كلش كلش مخربط:eh_s(16):

فيني صداع من قلة النوم:eh_s(2):

كلكم جذي؟ وشنو الحل ومتى يعتدل نوم الياهل عادة ؟:eh_s(2):

 

[جبنة بيضة]

الصراحه الله يعينج على قولتهم ياهل النفاس صعب تحكمين في و لازم يقوم كل ساعه خاصه اذا كنتي ترضعين الأنه ينهضم بسرعه الحليب و غير غازات بطنه

و دايما يقولون متى ما نام نامي معه

 

[om al ghaleen]

حبيبتي عادي النومه متخربطه عند الياهل
بعد الشهرين تتنظم النومه
حاليا راح تتعبين بس بعدين بتشوفينه كل نايم

 

[miss_7sawiya]

انا كنت نفس حالتج فترة الاربعين رااسي كلا يعووورني وابجي لاني ما انام عدل
بس الحمدالله ياارب بعد الشهرين شوي شوي تتعدل النومة

 

[iLLuMinaTion]

عادي حبيبتي

 

[opera]

شي طبيعي انتي نامي على نومته وقومي معاه

او خلي احد يمسكه ساعتين زمان نامي فيهم شوي عشان تريحين

 

[دنيتى زوجي M]

اناا بعد كنت جذي وكنت ابجي لان بروحي وذبحنى الصداع

بس الحمدالله فتره وتعدي ميخالف حبيبتي تحملى واذا عندج احد يساعدج خليه عنده على ماتريحين جم ساعه

 

[shai6ona19]

والله حتى انا نفس الحاله بنتي عمرها ٢٥ يوم ونومها ع مزاجها وحيل مخربط ماتخليني انام
بس انا احين عند اهلي وامي ياحياتي شيلها عني وتخليني انام
اللي احاتيه لا رديت بيتي شبسوي

تكفوون بنات شوروا علينا احنا الامهات الجدد شلون انظم نومها ونخليهم ينامون طووول الليل
ومتى يتعدل نوم البيبي ؟؟

 

[أميرة بحرينية]

مشكورين بنات على تفاعلكم

والله يعينا على فترة النفاس وان شاء الله مثل ماتقولون بعد الشهرين تعتدل نومته

تصدقون ولدي صارله ساعتين نايم الحين بس انا مافيني نوم:eh_s(16):

شسوي يعني ماقدر انام غصب:eh_s(11):

 

[shai6ona19]

ماعليه بحرينيه الحال من بعضووو

صج الجنه تحت اقدام الامهات

من التعب اللي نشووفه وكل شي بأجره

انا الحين ماراح اسوي شي
ان شاء الله لا رديت بيتي واستقريت بعودها على نظام معين للنومه والقومه

لان الحين ماكوو استقرار بالنفاس اولآ البيبي صغير ثانيآ حريم طالعه داخله

الله يعين