ولدي ما ينام الا جمبي !!

[pusy cat]

السلام عليكم ورحمة الله وبركاته

ابي حلولكم يا امهات

ولدي من كان بفترة الاربعين واهو ما ينام بالليل يقعد لي 7 او 8 الصبح يالله ينام
ارضعه وانومه على صدري ومن ينام احطه بسريره ياخذ خمس دقايق غفوه بعدها يكتشف انه بسريره ويبجي وارد انومه ومن احطه بسريره يبجي وهكذا لييييي الصبح

بعد فتره اكتشفت انه يبيني انام جمبه وصج لي نمت جمبه ينام نومه عدله ومايسهر لي الصبح بس يقوم يرضع ويرد ينام

الحين عمره شهرين وينام معانا بالسرير
اشلون اخليه يتعود ينام بسريره بدوني ؟؟

ابي من تجاربكم

 

[noo7a]

نفس الحاله
بس في طريقه جربيها
انا للامانه ما جربتها بس نصحوني فيها
خلي قطعه من ملابسج فنيله نفنوف شيله اي شي
يمه بفراشه راح يشم الريحه و يحط بباله ان انتي يمه

 

[bnoota-kw]

وانا بعد ويااااااااكم ما تنام بنوتي االا بفراشي مو شرط بحظني

 

[AVE.NJ]

انه ولدي عمره سنه وخمس شهور وينام يمي
وماعندي اي مشكله
حاولت انومه بسريره طول الليل ماانام كله قلق كله افكر انه ينام كله يتهيا لي ينقمت بالليل
مااقدر شي بوبايدي
حتى ريلي ساعات يقولي ذبحنا ترفس
بس ماقالي لاتحطينه علشان جذيه مو متحمسه كلش

 

[طيبة83]

نفس بنتي بالضبط
دايما الياهل اللي يدضع يصير جذي

اذا انتي تستخدمين مخدة الرضاعه حطيها معاه في السرير يعني نوميه عليها
بس ديري بالج لا يتحرك وتطيح عليه

 

[اطياب طيبه.أم عبدالله]

نصيحه اذا صغير مهديه وحطيه بالفراش صدقيني وعن تجربه بينام نومه حلوه باذن الله

 

[نافحة العود]

سبحاااانك اللهم وبحمدك

 

[the note book]

انا ولدي الحين سنه و نص و ما يرضا نام الا بفراشي و فوق هذا لازم بيني و بين ابوه ما يرضا ينام بروحه

 

[الحلم اللطيف]

هههههههههههههه ياحياتي
انا بعد بنتي جي
لانهم مايحسون باالامان
غير عند امهاتهم
الله يلوم اللي يلومهم

 

[om-3abodey]

الله يعينج

 

[DeSeRt RoZe]

لازم تعودينه من الحين عشان ترتاحين واهو يرتاح بالنومه ما ينفزز كل شوية
انا امي من ولدت قالت حزت نومته ابد لا تجيسينه بس لما يقعد شيليه ولعبيه ولميه ولعبي وياه
ولما يتعب خلاص مهديه وحطيه بفراشه
والله الحمدلله مرتاحه الحين عمره سنة و3 اشهر تعود يلعب وياي طول اليوم ومزعجني حياتي اهو اسم الله عليه وبس يحس بتعب ياخذ مميته وينسدح وينام بروحه
وااااي انا بالدوام الحين وشوقتوني عليه
بعض خدوووووووده

الله يخليلكم عيالكم ادري قرقت بس والله بفيدكم

 

[ورد الطايف]

انا ولدي سنتين يحب انام بحضني

 

[فـراوله]

نفس ولدي عمره سنه وشهر ويحب ينام بحضني

وعادي مو مضايقني هالشيء

توه صغير خله يشبع من حناااااااان الام



​

 

[om Firas]

عبالي بس انا اللي جذي بنتي تمشي ب٣

وللحين تنام جمب تعبت معها بس شسوي
استسلمت وكاهي تنام جمبي

 

[المها الابيض]

توه صغير بيبيج اسم الله عليه
جربي تمهدينه حيل وحطيه بسريره
وان شاالله ينام نومه هنيه

 

[PuPa^^SWeeT]

اشتري دبدوووب


و لبسيه بدي من بدياتج او بجامة بسس


ولما اتنومينه


حطي عالفراش ويا الدبدوووب

 

[ام رينـاد]

اسمالله عليه توه صغيره