ولدي ما يشرب الدوا شسوي ؟؟؟

[معلمه متميزه]

قوه بنات شلونكم ..

الصراحه انا تعبت ومليت من ولدي توه عمره سنتين وثلاث شهور بس اذا مرض لو فيه الموت اسم الله عليه ما يشرب الدوا وهالايام مصخن مع تغير الجو وجسمه حار شريت له خافض حراره من الصيدليه بطعم الكرز لانه مايحب الادول وجربت طعمه شحلوه جنه حلاو يوم تحايلت عليه وعطيته اياه شرب نتيفه ولاعت جبده ورجع الي بجبده كله مع ان بنت اختي يوم شربتها تقولي هذا حلاو وهي كبره ما قالت شي اسم الله عليها بس هو دعله الله يهديه ..

بالله شسوي هذي مو اول مره مهبلني ما يحب الدوا حتى لو طعمه حلو ... عجيب غريب هالولد ..

حطيته مع العصير عرفه وما بغاه حطيته مع الميرندا هم نفس الشي جتفته وعصرته بحلجه بالسرنجه تفله كله وهوشه انا وياه ومعافر والله ماني عارفه ليش جذي باط جبدي والله العظيم ..

بنات احد فيكم عندها نفس حالة ولدي وشسويتي له ؟؟

وتسلمون

 

[xxx]

مشاركة: ولدي ما يشرب الدوا شسوي ؟؟؟

آآآآآآخ يالغشيمة

عندنا وعندج خير

كل عيالي على هالطريقة


اذا احتاجو مضاد حيوي أبر وتعالي شوفي البجي والصراخ وقت الابره

والحراره تحاميل

والشي الي ماله بديل دواء الكحه



بس مره كنت موديه بنتي الهادي مارضى يعطيها ابر قال حرام صغيره

علمني على طريقة احط فيها المضاد الحيوي


اخلطه بقلاص مع حليب الكاكاو

وصج خلطته وشربته حمدالله بس الي عطاني شفاف وريحته خفيف

بس لاتكثرين الحليب علشان يشربه كله


بس الادول أو التمبرا الي بالكرز ريحتهم قويه يمكن تبين


بس انتي حاولي منتي خسرانه

 

[معلمه متميزه]

مشاركة: ولدي ما يشرب الدوا شسوي ؟؟؟

ويييييييي عاد يموووووووووووت على الكاكاو كلشي فيه كاكاو يموت عليه بجرب باجر والله كريم انشاء الله ينفع وياه واذا ما نفع بذبحه هههههههههه

تسلمين بنوته باجر اعطيكم خبر نجحت الخطه ولا ما نجحت ..

 

[xxx]

مشاركة: ولدي ما يشرب الدوا شسوي ؟؟؟

الله يسلمججججججج

ويارب تنجح الخطه

 

[كويتية بالغربة]

مشاركة: ولدي ما يشرب الدوا شسوي ؟؟؟

والله حتى انا اول ولدي يمووووووت على شرب الادوية
بس الحين الظاهر صابوه عين مايشرب الا هو ميت اسم الله عليه من البجي وبعد مايشرب يرجعه تكرمون
يعني مايستفيد منه والحين هو تعبان حيل حرارة واحتقان شديد بحاول اجرب طريقتج اختي بنت الكويت وان شالله يشربه

 

[xxx]

مشاركة: ولدي ما يشرب الدوا شسوي ؟؟؟

كويتية بالغربه

اسم الله حبيبي

والله يكافيه شر عيون النااااااااااس

الحراره عليج بالتحاميل

والمضاد جربي طريقة حليب الكاكاو ويارب تنفع معاه

 

[كويتية بالغربة]

مشاركة: ولدي ما يشرب الدوا شسوي ؟؟؟

اي والله تصدقين كان اذا شاف الدوا مع اي حد يبجي يبي يشرب منه
مشكووووووووووورة بنت الكويت وان شاالله بجرب المضاد مع الحليب
وانا مااقدر احط تحاميل علشان وانتي بكرامة معاه سهال

 

[رفرف]

مشاركة: ولدي ما يشرب الدوا شسوي ؟؟؟

انا بنتي نفس الحالة ..

واذا ماعجبها طعم الدوا حتى لو اشربها غصب اترجع اللي ابطنها كله ...
بس شسوي بالمعافر والله تشرب غصبن عليها ..
او تحاميل وأبر ..
هذا اذا استعصت الحالة مثل الحين ..

 

[MaYoOoma]

مشاركة: ولدي ما يشرب الدوا شسوي ؟؟؟

واهواا نايم قطري بحلجه شوي شوي ماراح يقوم ولا يبجي .. ولدي اذا قاعد يأذيني مايبلعه لما ينام اقطرله شويه بحلجه ويشربه عادي مايقعد من النوم ..

 

[علايه]

مشاركة: ولدي ما يشرب الدوا شسوي ؟؟؟

انا اخلطه مع الحليب
بس لازم اتكون كمية الحليب اشويه مو وايد

علشان تاثيره مايروح

 

[السفيرة عزيزة]

مشاركة: ولدي ما يشرب الدوا شسوي ؟؟؟

انزين ما جربتي تعطينه بالابره
يعني تحطين الابره داخل حلجه
فتكون قريبه حيل
و لما تضغطين راح يبلعها على طول

الله يشافيه ان شاء الله

 

[معلمه متميزه]

مشاركة: ولدي ما يشرب الدوا شسوي ؟؟؟

بنوته .. ثبت شرعا فشل الخطه ههههههههههههه

تصدقين حطيته له بحليب الكاكو وصبيت فوقه زياده صلصة كاكو وذقت الطعم حلو بس لوع جبدي ما شرب الا جم لقمه وخلاه مع انه بالعاده من يشوف شي بني يلطه على طول يموووووت على الكاكاو ..

خلاص استسلمت ما ينفع له شراب .. عاد امس وانا افكر تذكرت دهان قايلتي عليه وحده من اهلنا للحراره تقول عجيب وحده بوحده وموجود عندي بس نا سيته حق الحراره.. اشوه اليوم ماكو حراره بس يحن ومتعسر احس جسمه يعوره تعب الانفلونزا ..

بنات اسم الدهان بولمكس بيبي ريحته ريحة الفكس بس شكله زين انا تمدحه المره الي قالت لي عنه ..


رفرف انا اجتف ولدي واخلي الخدامه تعيني عليه واعصر الدوا بحلجه بالسرنجه الله وكيلج كللللله بره يوصخ هدومه ويتفله كللله ماكو فايده لا بالطيب ولا بالمعافر ..

مايوما طريقتج حلوه شكلي بجربها بس اخاف يشرق الدوا حلو حييل مادري بجرب واشوف الوضع عسى ما يقعد علي بس ..

علايه خلطته مع حليب وجربت العصير حتى المرندا وحليب الكاكاو جربت ماكو فايده ..

عزيزه سويت هالحركه الي تقولين عنها بغى يشرق علي صراحه خفت غي انه الي يتفله اكثر من الي يبلعه.. خليها على الله ..

تسلمون بنات على المشاركه والاقتراحات ..

 

[xxx]

مشاركة: ولدي ما يشرب الدوا شسوي ؟؟؟

ههههههههههههههه افا بس افا

قتلج دوا الحراره مو شي يبين

ليش ماتعطينه تحاميل وايد زينين

 

[معلمه متميزه]

مشاركة: ولدي ما يشرب الدوا شسوي ؟؟؟

التحاميل ماو اواطنهم اذكر معانات امي مع اليهال لما كانت تحط لهم التحاميل ماحبهم بس عموما هو راحت حرارته الحمد لله اذا لاقدر الله وتعب مره ثانيه شكلي بستخدمهم ولا شي بالحلج اغسل ايدي ..

تسلمين بنت الكويت ..

 

[xxx]

مشاركة: ولدي ما يشرب الدوا شسوي ؟؟؟

التحاميل روعه وترى مفعولهم أسرع

ديري بالج تخلينه على ابو مايشرب دواااا


ومايشوف شر ان شاءالله

 

[ام سارونة]

مشاركة: ولدي ما يشرب الدوا شسوي ؟؟؟

حق الحرارة احسن شئ التحاميل
وما يشوف شر ان شاءالله

 

[al7anona]

مشاركة: ولدي ما يشرب الدوا شسوي ؟؟؟

ما يشوف شر

 

[معلمه متميزه]

مشاركة: ولدي ما يشرب الدوا شسوي ؟؟؟

الشر ما اييكم بنات تسلمون

 

[رفرف]

مشاركة: ولدي ما يشرب الدوا شسوي ؟؟؟

غشيمة انتي حطي الدوا وقبل لا يبلعه سيييييييييييده ابحلجه عصير والا ماي بس مو بالقلاص ترى يشرق .. يعني اما عود او ممية (بنتي كبر يدتي وليلحين ممية خخخخ) ...
هاذي الطريقة الوحيدة اللي مررررااات تمشي مع بنتي لأنها قبل ما اتفله او ترجع اسد حلجها بشي ثاني

 

[معلمه متميزه]

مشاركة: ولدي ما يشرب الدوا شسوي ؟؟؟

هههههههههههههههه رفرف شكلج خبره هههههه الله يعين .. بجرب ان شاء الله واشوف .. تسلمين