ولدي ما يبيني :(

[طيبة83]

مس والله ذكرتينا بايام التجمع
لا تخلين طليقج ياخذ البيبي اذا يبييه اييه البيت ويمكن منها يحن ويرجع لج

 

[مألوفة]

لميه حيل عندج واقري عليه وحاولي تقرين بصوت عالي يهديه وجابليه لا تخلينه ويا الخدامه لا كان نايم حطيه ولا قام اول وحده يشوفها انتي

ولا تغفلين عنه ولا تخلين الخدامه ترضعه او تجابله وايد لين يعرفج عدل وانتي حاولي لا تحطيين عطورات قوية خل يشم ريحتج قلبي خليه يمج وحضنيه حييييييييييييييل ولا نام نامي على ظهرج وخليه ينام على صدرج ترى يحس بالامان

 

[Melazlaza]

عمره شهرين وتشيله الخدامة! ديري بالج ترى ياما طاحوا منهم اليهال بال الخدم مو مع الشغل مشغولين بنت رفيجتي الخدامة طيحت بنتها و مسكينة خياط وحالتها حالة حرام بهالعمر نتيفة لحد يجيسه غيرج انتي و الكبار الفاهمين من الاهل
ترى يبيها لانها تشيله وتتمشى فيه عدل؟ الياهل يبي الي يمشي فيه بهالعمر
انتي تمشي فيه ولا تعطينه لها توه عنونو يا قلبي

 

[om MaRyooM]

من قال مايفهم بو شهرين !

بالعكس يحس باللي تشيله ويعرف من الريحة والصوت


ميخالف انتي حاولي تبعدين عنه الخدامة كثر ماتقدرين .. وانشالله بتشوفينه يبيج ومايبي الخدامة

واقري عليه كثر ماتقدرين وحصنيه

اسمالله عليه انشالهل مافيه الا العافية .. والله يخليه لج

 

[om MaRyooM]

تذكرت

واحيانا يكون في سبب ثاني ان الياهل مايبي امه

هالشي قريته من كتاب

يقولج الياهل يعرف ويحس بالشخص المتوتر فيتوتر معاه ويبجي وشي طبيعي الام دايما متوترة

عشان جذي نلاقيه يسكت عند الغريب اذا شاله لأن مايحس بالتوتر والعصبية ويهدى

والحل ان الام تهدي نفسها وتشيل الياهل

 

[جوزائيه مغروره]

الله يعينج

حاشني هالطشار بس الحمدلله بروحه نسى

 

[جلكسيه اس 3]

انا بنتي متعلقه فيني و بالخدامه بنفس الوقت الحمدلله ثلاث اشهور و بتسافر و افتك منها

ميس انا اقولج شتسوين لاتخلين ولدج يشوف الخدامه و حتى لو بجى ورفس عادي او حاولي اتلهينه بشي ثاني عشان ينساها والله يعينج

 

[Daleela]

واي عاد انا اكره هالحركه حيييييل تنرفزني

بنتي كانت جذي كله تبجي وتحن
قمت العب معاها ولمن يصير شي ما اخلي الخدامه تشيلها وادلعها على طوووووووووول
وتغيرت

بس صج تنرفزت من بنتي وقتها شكو تروح حق الخدامه