ولدي مايبي المدرسه شسوي توه مداوم اولى روضه

[ركااز81]

ولدي داوم يوم الاحد اول يوم ركبت معاه الباص ودخلته صفه بعدين انحشت وجاني زوجي ورديت

وهو رد معا الباص مابكى ثاني يوم ساكت ووقفت برا الشارع ننطر الباص لما جا شافني ماركبت معاه بكى بس اخذته الخدامه اللي بالباص غصب

ثالث يوم بكى الصبح يقول مابي اروح دقي على راعي الباص لا يجي وقعد يبكي ووديته غصب بس سكت هناك دقيت عليهم
ومن اول ما جاء الظهر لين قبل لا ينام وهو يقول ماابي اروح شسوي

ســــــــــــاعــــدونـــــي

 

[Om.MeMe]

ولدج بأي مدرسه ؟؟ انا بنتي توها مداومه صارلها اسبوع تقريبا بالمدرسه البكستانية الانجلزيه اولى روضه ال كي جي

نوعها ما تبجي الحمدلله لانه كانت بحضانه بس لما دشت المدرسه انصرعت بجي بجي الله وكيلج قعدت وياها لي الساعه 9 ونص يمكن الصبح يالله قدرت اطلع و بجت بس بعدها اسكتت بس لي يومج هذا الصبح لما انقطها المدرسه تقعد تبجي مدددده و مابي و مادري شنو و انا اساحلها و ابوها يساحلها اخر شي انخليها و نمشي صدقيني شوي شوي بتعود ان شالله و المشكله انه الصبح تقول مابي و بجييييييي بس الظهر لما امي الي اهيه يدتها اتمر تاخذها لا عادي تكون مستانسه وتقول انا رحت المدرسه و من هالكلام فنطري ما يخالف قعدي مع ولدج سأليه شكو ماكو قعدي وياه بروحكم انا كلا اسوي ويه بنتي جذيه لانه اخاف يكون احد امأذيها و يطقها لانه ثاني يوم دوام واحد صبي دق بنتي طراق اسبوع كامل الله وكيلج و انا يوميا الصبح انكلم التيشر مالتها انوصيتها انا و ابوها طبعا عرفتي ولله يهديه ان شالله ​

 

[ركااز81]

انا اليوم وديته وما خليت الباص يمره مابكى بس لما وديته الصف يقعد يبكي يقول لاتروحين او اخذيني معاج ؟؟؟؟؟

يا بنات اللي عندها تجارب جذي تقولنا متى يتغير الجاهل والله حدي متضايقه لانه ولدي الوحيد وما اتحمله يبكي

 

[وشاح الذكريات]

الله يعينج انا من الحين قاعده احاتي ولدي لما بيدش الروضه شلون بيعذبني انا ولدي حيل لازق فيني ومو اجتماعي مادري شسوي بحاول بدخله الحضانه بالصيف الله يعينا صج يقطعون القلب بالبجي

 

[حروف من ذهب*]

يمكن ما يتعاملون وياه او ما يهتمون له
انتي كلميه قوليله ليش ما تحبها تبيني اوديك مدرسه ثانيه اذا قال اي يمكن شايف شي بس اذا قال لا عيارت يهاال

 

[حرم سي السيد]

الله يهديها انشالله