ولدي فيه رمد

[ديانا سبنسر]

بونجور كويتيات
ولدي عمره 7شهور اسم الله عليه وصاير فيه رمد وديته الطبيب عطاه قطرة ابي انتو شلون تعالجون الرمد اذا حاش واحد من عيالكم بعيد الشر ان شاء الله عنهم بليز اللي تعرف تفيدني والله يعافيكم

 

[ديانا سبنسر]

وين الردود ياامهات

 

[ام طلال]

رد : ولدي فيه رمد

حبيبتي انا ولدي عمره 4 شهور وياله رمد وعطاني الدكتور قطره ومرهم احطه لمن ينام ومايشوف شر وليدج

 

[hneen2]

انا امي اذا عيالي صار فيهم رمد تجمد عيونهم بشاي بعني تسوين ماي دافي تحطين فيه لبيتون وبقطنه غطيه وجمدي عيونه يعني 3 او 4 مرات مايضر ان شالله بس هم سألي اخاف مايناسب ولدج وتدعين علي لوووول

بس هاذي طريقه امي حتي ويانا واحنا صغار وبسرعه نطيب الحمد الله

 

[اخت أخوها]

مايشوف شر ولدجالرمد أحسن شي له إنج تجمدينه بالشاي أو البابونج ما شاء الله وحده بوحده
و هو انج تسخنين ماي حار وتحطين عليه جيس شاي أو بابونج ( بدون سكر ) وتاخذين قطنه وتبلينه بالشاي بس
ديري بالج يكون حار خليه يكون دافي أو فاتر ومسحي فيه العين من داخل إلي بره و قطي القطنة
وكرري بقطنة نظيفة كل مرة
واحرصي وانتي تغسلين عيونه إلي فيها رمد ما تعادي السليمة
هذي طريقتي مع بنتي لأنها من ولدتها من المستشفى وعيونها يطلع لها رمد
ما يفيد معاها إلا هالطريقة أما القطرة و المرهم ما يفيدونها

وسلامتج وما يشوف شر ولدج

 

[الأميرة جوري]

احلى شيء جربته مرهم من الطبيب وقطاره يومين يروح عنه

 

[ديانا سبنسر]

مشكورين حبايبي اللي رديتو علي حنين 2 لاماراح اعي عليج لاان شاء راح ادعيلج

 

[ام سلوم DoDo]

انا بعد بنتي توها مولوده صارلها الحين 9ايام عيونها شوي حمره زتفرز وسخ
وقالولي هذي وسخ بطن وماني عارفه احطلها شاي ولا اوديها الطبيب احسن؟


وعلى فكره الرمد اهم شي المرهم لان مضاد حيوي والقطره غسول للعين وشاي بعد لان واااي راح يريحها 3 مهمين للرمد والتهاب العين

 

[ديانا سبنسر]

وديها الطبيب وسوي لها شاي احسن

 

[بـاسي قــوي]

رد : ولدي فيه رمد

حطيله جيس شاي دافي عصريه و حطيه على عينه لين يروح الوصخ و تفتح عينه و شوي و خلج عالمرهم اللي و صفه الدكتوور و الله يشافيه يابعد عمري

 

[كريستال]

رد : ولدي فيه رمد

مايشوف شر اسم الله عليه

اهم شي المرهم والقطره والله يشفيه لج حبيبتي

 

[عروس شمالية]

اكيد اختي ما حسنتي شعره !!

طريقة البنات صح وسلامته مايشوف شر ،،

 

[ام ناصر 2009]

رد : ولدي فيه رمد

والله اختي انا مره صار بولدي بس خفييف حيل
وقالي دكتور مي مغلي طبعا حطيله من ماي اللي تسوين لولدج رضعه
بس تدفى شوي مو حاره ديربالج دافيه بقطنه ومسحي على عيونه
ولد اختي حييل رمده وقتلها نفس الكلام اللي قالي دكتور وسوتها وماشاء الله راح الرمد
وما يشوف شر حبيبتي
بس لا تمسحين بايدج على عيونه لازم تغسلينها بلأول

 

[ديانا سبنسر]

مشكورين حبايبي على الردود