ولدي فيـــــــــــــه قمل .. مادري شسوي :(

[..كويتيه..]

السلام عليكم

بقولكم السالفه

انا كنت موديه ولدي للحلاق قبل اسبوعين تقريبا

وبعدها بيوم بدا يحك راسه بمكان معين
وبعدين قام يزيد بالحكه ويحك ويحك كل مكان

وافتش براسه ماشوف شي على بالي حساسيه او شي

واليوم وديته الطبيب جان يقول (قمــــــــل)


حدي ضاق خلقي انا الحمدلله مهمته بنظافه ولدي واسبحه وانظف شعره بس الظاهر من ادوات الحلاق

بليز بنات منو تعرف شلون انظفه لان الدكتور قالي تعالي الصبح اخذي تحويل تروحين للمستشفى ينظفون شعر ولدي هناك


وانا بعد صرت احك شعري اخاااااااااااف فيني بعد :eh_s(1):

شورو علي شسوي :0bee2e8d89: :0bee2e8d89:

 

[love love]

في دوا بالمستوصف اعتقد او بالصيدليات يروحه

او روحي مثل ماقالج الدكتور الموعد وينظفوونه لج


واذا ماتبين ماكو الا تقرعيينه وبيرووح

 

[جـــواهر]

عادي لا تتضايقين هذيل جهال ويلعبون ويعرق راسهم ولا تنسين انهم يحتكون بجهال ثانين انتي بس تبين نصيحتي دامنه ولد حلقي راسه ع الصفر وافتكي لا ادويه ولا شي احسن لا يعديكم ... والله انا ولدي حلقت راسه لمن بدا الصيف لان ولدي من النوع اللي يعرق واجد وخفت يجيه قمل وحلقته ع الصفر وافتكيت بعد احسن عشان يتهوا​

​

 

[naba6a]

ماحبيت اطلع بدون لا ارد بس دام انه صبي حلقوه عالصفر

 

[ام حسون]

وي حتى بناتنا كلهم حايشهم بس اشوه ولدي فلت منها مافيه

 

[عروسة]

غريبه من شنو الدنيا كلهم قمل؟؟؟
اذا ولد نصيحه حلقي راسه مايعيبه شيء
واذا انتي شاكه بروحج روحي خذيلج شامبو اعتقد خاص بالقمل ومشط ضروسه وايد صغيره وحطي الشامبو ومشطيه بالحمام ونفظي المشطل على كل خصله بالمغسله وبعدين سبحي اتوقع يروح ان شاا ءالله

 

[shai5at al3arab]

وي للحين في قمل بالديرة @@

اي منطقة هالحلاق @@

امبي

انزين صح مثل ما قالوا البنات حلقوه على الصفر يرتاح خصوصا الحين صيف

 

[بنت باباتي]

وانا اقول القمل انقرض
اتوقع المفروض بما انه ولد قرعيه وانتي اذا خايفه من العدوه في دوا بالصيدليه ما اعرف اسمه ناخذه حق الخدامات اول مايوصولن تنظيف واباده المصيبه شعرج اذا صار فيه الحقي على نفسج ورشي شعرج حتى لو مافيج احتياط

 

[ام المزايين]

ابيه معقوله للحين القمل موجود
امانه اي صالون هذا اخاف اودي عيالي له

بس نفس ما قالوا البنات حلقيه على الصفر

 

[حور العيون]

شوفي حبووبه يانج تحلقينه عال الصفر او في دوا بالصيدليه رش بعديت
شامبوو تحطينه لمده خمس دقايق وتسبحينه معاه مشط اسنانه صغيره



ومشطي فيه وطفيه وغسليه يمكن تستمرين عليه 3 ايام
ومافيه الا العافيه بس للأحتياط انتي واهل بيتكم كله تسبحو من الشامبوو اخاف يعديكم

 

[عمة فاتو]

عادي لا تتضايقين هذيل جهال ويلعبون ويعرق راسهم ولا تنسين انهم يحتكون بجهال ثانين انتي بس تبين نصيحتي دامنه ولد حلقي راسه ع الصفر وافتكي لا ادويه ولا شي احسن لا يعديكم ... والله انا ولدي حلقت راسه لمن بدا الصيف لان ولدي من النوع اللي يعرق واجد وخفت يجيه قمل وحلقته ع الصفر وافتكيت بعد احسن عشان يتهوا​

​

انا مع الاخت...... او في شامبو بالجمعية

 

[عهود الحب]

شدعوة تحلقينه عشان قمل ؟؟؟؟

القمل يجي مع الخدم الجدد بالبيت او من المدارس ولاتقولون انقرض القمل يجي كل فترة وفترة من المدارس ومن اكثر شي منتشر

بما اني مدرسة فعندي خبرة وبما اني ام عيال فاتصير عندي هالسالفة شكثر


شوفي الحل


روحي للصيدلية وطلبي بخاخ بارا ومري على العطار واخذي مشط معروف اسنانة صغيرة وبلاستيك


وامسكي ولدج وبخي على راسه وعلى راس الخدامه وكل الي بالبيت لازم تبخين لهم لانه يمديه انتشر خلاص
حتى انتي شنو المشكلة ترى قمل مو جدري ولاطاعون لاسمح الله



وبعدها تسبحوا حسب تعليمات العلبة مالت البخاخ


وبعدين مشطي شعره بالمشط وتحرررررصي وجيكي عالكل

شتسوين الشكوى لله

 

[زهرااا]

الله يعينكم
البنات ما قصروا انشالله

 

[بطاط مهروس]

الله يعينج ........... صج مشكلة
فية دوا بالصيدلية ....... حطية على شعرة ...... ترا ينتقل القمل لانة يطير

 

[السهله]

اذا عنده اخوان ديرى بالج خلى العلاج للجميع لايكون معاديهم وانتى ماتدرين

 

[رشة الفانيليا]

الله يعينك بس يا تحلقينه عالصفر اومثل ما قالوا البنات اشتري دوا للقمل من الصيدليه ونظفي شعره وشعور الموجودين في البيت

 

[..كويتيه..]

يزاكم اللـه خير

الله يبرد قلبكم مثل ما بردتو قلبي


تسلمون ما قصرتووووووووو واللـه

 

[^^أم تركي^^]

في شامبو اسمه بارا ينباع بالصيدليه او بالجمعيه
وفي رش بعد
وترى عادي لو استخدمتي انتي بعد لانه القمل يطير ...
بنت اختي لما صار فيها قمل ما ادري من شنو .. اختي شرت هالشامبو وكل البيت تسبحو فيه
والحمدلله على طول راح

 

[sara999]

بصراحه غلطانه يختي انا اودي وليدي الحلاق بس حاطتلي جنطه حليوه فيها العده كامله من فرش ومكاين وشوطه وكل شي مو خوفا من القمل بس تدرين ساعات يكون في الاطفال اقزيما او حالات والامراض هالايام غريبه وشوفي وليديج انتي الله يخليه لج حاشه قمل منهم
فانا راييي عليج وعلى كل الامهات يا انكم تحطون عده حق عيالكم وتكون خاصه وتنظفينها بدياتج والا خليه كشه ابرك
واذا خايفه عليه من الادويه وتوه عنونو كل البنات قالوج حلقيه وانتي بعد روحي اشتريلج ادويه وخدامتج والابو كلكم سووو تصفيه وسوي جرد ونظفي شراشف سريه وغيري المخده الي ينام عليها وكل شي سوي رفرش حق العابه عشان القمل لعين تره يعادي و
وربي يعينج

 

[غلاي غير]

بقولج شي لاتضحكين
اذا جتنا خدامه جديده وفيها قمل حطينا البف باف الفليت مخصص للقمل على الشعر ومافيهم الا العافيه

قبل يقولون القمل تمشي بالليله على 7 بيوت والحين كل البيت معاديهم

رشي على شعوركم كلها ولفوها وبعدين تسبحو عادي ودهنوهم بزيت زيتون وتسبحو من باجر وخلاص مافيهم الا العافيه