ولدي عنده ( تأخر عقلي متوسط ) ، شنو أحسن مدرسة له ؟

[معلمة منقهرة]

السلام عليكم .

ولدي عنده ( تأخر عقلي متوسط ) ، أبي أحسن مدرسة للولد ، وأنا ساكنة في المنطقة العاشرة ، يعني أفضّل إن المدرسة تكون في المنطقة العاشرة باستثناء ( الرسالة ) و ( أبو حليفة النموذجية ) .

وما عندي مشكلة أبداً إن المدرسة تكون بره المنطقة العاشرة ، بس أبي مدرسة تستاهل .

أرجوكم تساعدوني ، لأن الولد تأخر في التعليم بسبب المدارس السيئة .

 

[فوفو22]

يعني بطي تعلم او صعوبه
فوفو

 

[مروج الصحاري]

الله يعوضكم خير وياجرك ويعظم لك الاجر بتربيته
الله يحفظه لكم ويفتح عليه يارب

ان شاء الله الله يغير حاله لاحسن حال

الله يقويك حبيبتي

ان شاء الله تلاقين احسن مدرسه ويتعلم ويصير معلم فيها

 

[كويتية222]

هلا اختي ممكن تقولين لي منو شخص حالة ولدج وجم كان مستوى ذكاءه واي اختبار تم طبيقه عليه ؟

 

[معلمة منقهرة]

الولد سووا له فحص في الطب التطوري بس ما اذكر اسم الدكتور اللي فحص عليه ، كان يلبس نظارة ومكتبه أظن رقم 8 ، لما تدخلين للطب التطوري وتبين تروحين للاستقبال يكون مكتبه على الممر اللي على اليسار ويكون مكتبه على اليسار ، لكن سوينا له تقييم قبل سنتين وكانت نسبة الذكاء 38 % ، والسنة اللي فاتت سوينا له تقييم ثاني وطلعت نسبة الذكاء 53 % .

وآخر فحص له كانت اللي تفحصه الدكتور إيناس في الطب التطوري .

وكان الاختبار اللي سووه هو اختبار ( ستانفورد بينيه ) .

الولد حالياً فهمه ما هو سيء بالمرة لكن ما هو طبيعي ، والمشكلة عنده صعوبة النطق ، يعني يتكلم عادي ، بس لسانه ثقيل ، ما تطلع منه بعض الحروف بشكل صحيح ، الولد عمره 6 سنين ، ويدبر نفسه بشكل طبيعي ، ويعرف يلبس ويشرب وياكل ويمشي ، ويتعلم على الرسم بس مو بشكل كامل ، الولد لي الحين ما يميز بين الألوان ، علمناه على ثلاث ألوان ولحد الحين يغلط فيها في بعض الأحيان ، وتكون إجاباته صحيحة في الغالب .

يعني عنده صعوبة تعلم .

 

[زيـــنــه]

رد : ولدي عنده ( تأخر عقلي متوسط ) ، شنو أحسن مدرسة له ؟

انا ان شاء الله براجع لولدي بالتطوري
لأن رحت راجعت الدكتوره عبير وقالت لي مافيه توحد بس فيه حساسية كازين (الحليب)
عطتني حميه وفيتامينات وبس !!

صراحه ماتحسن ولا واحد بالميه نفس عدم التركيز والعصبيه وما يتكلم
فقلت لازم اروح مكان ثاني يشوف لي ولدي

وجزاج الله خير شرحج وافي بروح ان شاء الله الطب التطوري بس شلون مواعيدهم؟؟
طولو عليج؟؟ وخذو منه تحليل دم والا لأ ؟؟
واختبار الذكاء شلون كان؟؟

أسفه طولت عليج بالاسئله بس ولدي عسر شوي من ناحية التحاليل والجلسات
عشان جذي سألتج شنو سوو حق ولدج؟

ومشكووره

 

[ام نوونه]

الله يكون بعونج حبيبتي

والله يسهل اموركم انشالله

 

[الصابرة المحتسبة]

وعليكم السلام

الله ياجرج ويبلغج بوليدج

وبخصوص سؤالج المدارس كلها والممتازة منها لازم يقيمون ولدج ويسوون له اختبار

وانتي تقولين انه متأخر بالتعليم يعني يبيلج مدرسين خصوصي بالبيت ويكونون ثقة وعلى مستوى
وبعدين عندج التربية النموذجية بشرق

والحياة ممتازة بالسالمية بس ما أدري اذا يقبلونه لأن راح يسوون له اختبار.

وبشرينا أول بأول .

دعائي لج ولوليدج بأن الله يوفقه ويسهل أمره.

 

[راعية الطويلة]

الله يوفقج حياتي و يشافي وليدج و كل مرضى المسلمين


الصابرة شلونج غلاي
حسب علمي مدارس الحياة و اللي على شاكلتها
ما يقبلون اللي عندهم بطؤ تعلم أو بطؤ في النطق
و الإختبارات اللي يسوونها
تقولين إختبار توفال ماستر مو إختبار روضة أو مدرسة!!
يا ليت اللي عندها علم بوجود مدارس في الكويت
متخصصة للحالات اللي عندها بطؤ تعلم ؟؟!؟!
و الله يجزاها خير
تفيد غيرها

 

[راعية الطويلة]

فوووووووق لعيونج

 

[سويت فانيلا]

اب اب

 

[shjoon]

ياليت اللي عنده معلومه عن مدارس الحياه يكتبها اول مره اسمع عنها وهل هي تابعه للمجلس الاعلى ولا لا

 

[الصابرة المحتسبة]

ممتازة مدرسة الحياة وهي للدكتور الخليفي

وتابعة للهيئة.

 

[راعية الطويلة]

الصابرة تقصدين الحياة يستقبلون اللي عندهم بطؤ؟؟
و وين مكانهم؟
و كم رسومهم؟
تسلمين حبيبتي

 

[الصابرة المحتسبة]

السموحة راعية الطويلة

الحياة تسوي اختبار قبل التسجيل

 

[رومــآ]

فيه مدآآرس كثثثثثثيرة مثل ام هآآني والقبس والجآبر الآآهلية لذوي الاحتياجات الخاصة

بس على مآآ اعتقد متخصصة هالمدآآرس لبطئ التعلم وصعوبات التعلم والتخلف العقلي البسيط والمتوسط وبس

وعلى ما اعتقد كل مدارس الاحتياجات تابعه للهيئة

 

[الصابرة المحتسبة]

رفع

 

[هبونه]

اختي انتي روحي هيئة المعاقين يعطونج لسته كامله بالاسامي واذا عربية او انجليزيه وشوفي المدارس ودخليها وشوفي اللي يناسبج وتناسب حالة ولدج وبعدي عن المدارس الحكومية (القبس و...) ماراح يفيدونج مافي اي اهتمام ​

 

[ام رحيم]

السلام عليكم
حبيت افيدج في مدرسة النبراس للاحتياجات الخاصة بالجليب ومدرسة دار السلام للاحتياجات الخاصه بمنطقة الفروانيه
وسلامتج والله يوفقج لما فيه الخير:yaaaaaarb:

 

[الصابرة المحتسبة]

رفع