ولدي عمره 10 شهور ..طريقتي بالاكل شرايكم؟

[قَلبڪْ صًخرْ]

من خلال البحث
بمواقع طبيه




الوجبات المقترحة من 6 أشهر : 12 شهر
الوجبة الأولى: إرضاع
الوجبة الثانية :
(من الشهر السادس - الشهر التاسع): مشتقات قمح أو ذرة + صفار بيض.
(من 10 أشهر : 12 شهر) مشتقات قمح أو ذرة + صفار بيض + حواضر دسمة (الجبن ، الزيتون ،...).
الوجبة الثالثة :
(من 6 أشهر : 9 أشهر) خضار + ارز + لحم.
(من 10 أشهر : 12 شهر ) خضار + ارز + لحم + دسم.
الوجبة الرابعة :
(من 6 أشهر :12 شهر) إرضاع + فواكه.
الوجبة الخامسة :
حتى الشهر 6 أو 7 : إرضاع .
(من 8 أشهر : 12 شهر ) مشتقات قمح أو ذرة .
الوجبة السادسة:
(من 6 أشهر : 12 شهر) إرضاع
نموذج تغذية الطفل من بداية الشهر السادس حتى بداية الشهر التاسع :-
- الإفطار:
وجبة حليب ( رضاعة أو 250 مل)
الساعة 10 صباحاً : 150 غراماً من الخضار المسلوقة و المهروسة (3\4 الأوقية)
ظهراً :
150 غراماً من الخضار المسلوقة و المهروسة (3\4 الأوقية)
2- لحم مفروم و مهروس 15 غراماً ( ملعقة كبيرة) ممزوج مع خضروات مسلوقة و مهروسة.
عصراً:
- عصير فواكه (كأس صغير)
- فواكه مهروسة و مسلوقة.
العشاء:
- حليب ( رضاعة أو 250 مل)
خضار مسلوقة و مهروسة (100 غرام = 1\2 أوقية)
صفار بيضة كامل مهروس و ممزوج مع خضار مهروسة أو مسلوقة أو أحد أشكال المواد الغذائية الصناعية الموجودة في الأسواق.

 

[قَلبڪْ صًخرْ]

يحذرون من بياض البيض بس صفار لا


وحذروا من الروب بالنكهات لان في سكر


وحذروا من الفراوله

 

[قَلبڪْ صًخرْ]

بس روب العادي لا وصووا فيه




والسموحه اذا سببت ازعاج

 

[مشتطـه]

لا ابد ماكو ازعاج

وييي عاد انا شايه له روب بالنكهااات ؟؟؟؟


نورتينا

الحريم وايد يفتوون ؟
تصدقين خالتي قالت وخري عن البيض
وانتي يايبته من النت ان لازم ندخل بأكله

 

[Perfume]

بس روب العادي لا وصووا فيه




والسموحه اذا سببت ازعاج

لانه الروب والبيض ممكن يسببون حساسية
ومثل ماقلتي حبيبتي صفار البيض عادي بس البياض لا

 

[مشتطـه]

بس انا جربت بيضه ما شفت لها اثر

و اوكلة روب الحمدلله ماكو حساسه معاه !!

 

[Perfume]

^^^
خلاص حبيبتي لا توسوسين
انا ما ادقق حيل بهالامور
واصلي اذا ما عنده حساسية
الله يخليه لج

 

[مشتطـه]

فدييتج

صح والله وايد نفكر احنا والله اللي كاتبه بيصير

يعطيج العافيه حبيبتي

 

[Toggi]

مشتطه ليش ماتجربين تعطينه من غداج العادي انا ببنتي لما كان عمرها 8شهور وكنا نتغدى احطها بدراجتها جنبي واكلها من اكلنا كانت تحبه وتستانس عليه عكس بنتي البجر اللي كنت اطبخ لها اكل خاص عيش وكوسه وبطاط مسلوق احس ماله طعم ماكانت تتقبله ولاتاكله جربي قعديه معاج عل غدا بل دراجه عطيه شوية عيش مع بطاط ومرق علشان مايصير يابس عليه وشوي دجاج وهرسيهم بل قفشه بس تاكدي هر سيهم عدل واكليه وشوفي ان ماحبه واستانس عليه وصج خلي بس الغدا وجبه اساسيه وباقي اليوم حليب لان الحليب اهم شي لاتتركينه واذا حبيتي عطيه روب بل فراوله واناا صراحه الحين ولدي صغيربس يكبر امشي معاه هالنظام غداه معاي

 

[مشتطـه]

توقي اي اعطيه من غدانا هالايام بس مو وايد
عشان ياكل عدل

بصراحه استفتدت من هالموضوع

وقمت اعطيه دياي ولحم مع الغدا

وقمت اسويله صفار البيض مع جبن

بس الفواكة لي يومج ما وكلته احاااتي


حياج الله نورتي

 

["دلوعة حبيبي"]

لا قليل اكله احس وجبه المفروض ياخذ 3 وجبات او 2 عالاقل ..

وبعمر ال10 شهور المفروض ياكل من غداكم وعشاكم ..
تقريبا تقدري تعطيه كل شي ما عدا البيض و السمك والروبيان هذول بعد السنه ونص ..

اول ما يصحى عطيه رضعته مع توست منزوعة الاطراف وجبن او لبنه .. كيك مثلا
ممكن تسوي له شوفان بالحليب جدا مفيد ومغذي ..

والغدا عطيه من غداكم رز ولحم رز ودجاج مكرونه يحبوها مره الاطفال حتى وهي ساده بس مسلوقه بس اسلقيه زياده
خليها تلين ..

بالعصر لازم تعطيه سناك والافضل تكون فاكهه او عصير فاكهه طازج ..
اذا ما يحب البسكوت عطيه كيك .. وحتى الزبادي اللي بالفواكه او الكراميل او مهلبيه يعتبر سناك ..

بالليل العشا بطاطس مهروسه او بزاليا مهروسه .. رز ولبن مرره يحبه الاطفال بعد ومفيد و يثقل الراس
او ممكن تعطيه كمان توست او شوفان بالحليب .. كورن فليكس ضيفي له الحليب و خليه فتره لين يصير لين حييل
بعدين وكليه .. مكرونه لو ما عطيتيه عالغدا عطيه عالعشا ..

بالليل قبل لا ينام رضعته حطي فيها راسكس فارليز عشان يشبع وينام والمفروض يواصل حتى الفجر ما يقعد لو اتبعتي هالنظام

 

[english muffin]

انا ولدي 6 شهوروياكل 3 وجبات وسناك
بس لحين مايحب العيش مع خضروات ولا فواكه

 

[نـعـومـه]

اللي يقول حليب كافي مره باليوم غلطانه !!!!

10 شهور لازم اقل اقل شي 3 مرات باليوم واذا يشرب كميه كبيره مره وحده مرتين باليوم معقول ؟!؟؟

 

[مشتطـه]

امبي ولدي ما عنده الا ضرسين وتحت وين ياكل اكلنا ؟

لا وجبتين كافي

والحليب 3 مرات باليوم اعطيه