ولدي عمره شهرين وفيه كحة يعور القلب!!

[كـلا كـلا]

السلام عليكم شلونكم امهااااااات

انا قايلة ماني داخلة المنتدى برمضان بس شسوي مالي بعد الله الا انتوا


ولدي حبيبي عمره شهرين ويكحكح يكسر الخاطر
وديته المستوصف اسغترب قال حرام هذا صغير شعطيه
قالي غطيه بسسسسس واحد ميللي زيرتك مرة في اليوم
عطيته يومين وماكو فايدة الكحة قاعدة تزيد
اليوم قالت لي وحده عطيه زعتر عجيييييب
عطيته مرتين هم احس ماتغير شي


عفية اللي مارة بهالتجربة تنفعني
انا في انتظار ردوووووووووودكم

:eh_s(8):

 

[الفريدة]

ياحياتي مايشوف شر وليدج توه عنونو على الأدوية بس أعتقد يحتاج لرعاية وعدم تعريضه لتيارات هوائية ، وبما أن الجو هالأيام ابتدى يتغير والتكييف صار بارد فلازم تدفينه وتدهنينه بزيت زيتون على صدره وظهره وإذا سبحتيه سوي نفس طريقة أمهاتنا سبحيه في الغرفة وسكري الباب وسكري التكييف وسبحيه بسرعة لاتطولين 0000 ولاتسبحينه كل يوم بس مسحيه بقطنة فيها ماي دافي أو لوشن أطفال00000
والظاهر إن ولدج كان منشول لأن العادة الكحة تجي بعد النشلة مثل مانقول تنزل على الصدر
وإذا كان لازال منشول عالجي النشلة بقطرة الماي والملح تلاقينها في الصيدليات ونظفي خشمه دايما بعود الإذن المغموس بزيت الزيتون000
مايشوف شر وليدج

 

[ام نواره]

مايشوف شر وليدج بس انا اقول وديه طبيب خاص اهما يعرفون حق الياهل عدل ولا تسكتين عليه احسن من الطبيب العادي مال الحكومه

 

[بوران]

تبين نصيحتي
روحي حق دكتورة اطفال اسمها سيلفيا شحيبر

تخصص حساسية الصدر انا اعيال خالي اثنينهم صار فيهم كحة يعورون القلب

لما يودونهم حقها تعطيهم ابرة يومين و يطيبون ماشالله

 

[كـلا كـلا]

اشكركم عالردود
والله انكم ماتقصرون

نفيشة شلون اعطيه النشا؟؟؟؟ جربتيه من قبل؟؟
من جنه النشا حق السهال؟؟

 

[توته الحلوة]

حبيبتي ما يشوف شر وليدج الله يخليه لج
اول شيئ حاولي تعطينه ماء دافي منقوع فيه اشويه حلبه
وبعدين اذا تغطينه بكمبل فرو ( البطانية العادية ) شيليها منه لانها تسوي حساسية
وبعدين كثريله من الينسون ترا وايد حلو مع الكراويا .

 

[كـلا كـلا]

هلا والله توتة

انا والله ما اغطيه بكمبل فروووو
ولا بطانية

زين الحلبة زينة حق الكحة؟
وعادي اعطيه حلبة او يانسون بهالعمر؟؟
وشنو الكراويا؟

عفيه بانتظار ردج

 

[توته الحلوة]

حبيبتي الكراويه نفس الينسون تقريبا أطلبيه من العطار نقعيه في ماي حار وبعدين صفه وعطيه حق البيبي
وهل اشياء ياخذها البيبي وهو بالاربعين اتفيده ما تضرة
وحاولي ما تحميمنه وايد يوم الجمعة كفاية ومسحي جسمة بالكلنس المعطر يوميا

 

[سحيله_الحلوه]

بعد عمري والله
مايشوف شر انشالله ... الله يشفيه !

 

[أم جوري]

السلام عليكم ورحمة الله وبركاته

ادهني صدره وظهره بزيت السمسم تلقينه عند العطار
وشوية براس القفشة الصغيرة شربيه بالليل قبل ما ينام من الزيت
بس ديري بالش بسوي لش نافورة من البلغم على الفجر يعني حطي تحته شي وانتبهي له طول الليل يعني لما يكح لا تخلينه نايم على ظهره خليه على جنب
واذا قاعدة جنبه نوميه على بطنه ولا تتركينه بروحه ...
ان شاء الله بحيل الله بيكون بعافيه

واذ تبين دوا شغل عدل عندش البروسبان النقط مو الشراب ... وايد زين لهالعمر ..

 

[كـلا كـلا]

ياعمري والله انكم ماتقصرووووووووووون

عطيته امس حلبة
واليوم عطيته ماي منقع فيه اللبان
يقولون زين للبغلم

ام جوري
وبالنسبة لبروسبان اليوووم قايلي دكتور بدار الشفا
قالي اخذي تحاميل ماركة البروسبان شغل عدل على قولتش

وسالفة زيت السمسم بجربها اذا مانفع معاي الدوا

شكرا حبايبي وعساكم ماتشوفون مكرووووووووه يارب

 

[زهرة اللوتس]

انا ولدى لا فاد فيه زيت ولا تدهن
كانت كحته جايدة نفس ولدج احسن شى
فاد وياه تحاميل ملوت البلغم وايد زينين
تحطينله وحده بالليل ووحدة الصبح وراح
يطلع انشاء الله بحفاظته وصفلياهم طبعا
دكتور خاص.
الله يشفيه يا رب

 

[كـلا كـلا]

صج زهرة اللوتس؟؟

الله يطمنج
انا اليوم بروح اشتري التحاميل
لاني مستمرة على الزيرتك ولا اكو فايدة

 

[توته الحلوة]

التحاميل ترى زينه جربيها وما يشوف شر ان شاء الله

 

[اسكادا]

اختي دهني صدره بزيت زيتون دافي وضهره الصبح وباليل يوميا ولاتسبحينه لمده اسبوع مسحيله بمنشفه بس ولا تعرضيه للهوا والبراد ابدا واعطيه ينسون مخفف الصبح وباليل وانشا الله بيتعافا لاني مجربه هالشي في ولدي

 

[bedour18]

ما يشوف شر حبيبي. انا وليدي عمره 3 شهور و توه طاب من الكحه
صج صج يكسر الخاطر جنه قطو يكحكح

وديته المستوصف و كملت كورس الدوا و ما نفع فوديته عند عياده دكتور خالد بوحيمد و كان فيه استشاري اسمه دكتور احمد و الحمدلله واااااااااااااايد استفاد ولدي منه.

 

[زهرة اللوتس]

لا تنسين طمنينا على ولدج

 

[nono78]

بنات شسم التحميله ؟؟؟