ولدي عمره سنه ونص وماياكل

[Om.Zayed]

السلام عليكم شلونكم

بنات انا ضايق خلقي ولدي عمره سنه ونص تقريبا وما يحب ياكل تخيلوا بس ياكل وجبة الريوق وبس فالح بالكاكاو والحلاو والبطاط طبعا انا ما اكثرله من هالاشياء

تخيلوا ساعات حزه الغدا ابي اوكله مايبي بعدين يشوف كاكا ولا شي ثاني مو مفيد يبيه



بليز بنات ساعدوني يمكن لاني بجريه مو عارفه انظلمه



علموني شنو جدول كمفي وجبات ريوق و غدا وعشا اتمني انكم تفيدوني

 

[Om.Zayed]

up up up

 

[فتون777]

والله ماعرف الله يعينك
خوفتيني من ولدي

 

[Australia girl]

حتى بنتي ماذيتني بهالسالفه

 

[english muffin]

بنات حرام عليكم
المفروض هالاكل المخربط مايدش البيت اساسا اذا في ياهل

 

[AVE.NJ]

كل اليهال جذيه
انه اتصدقين الحين ولدي ياكل سيريلاك وسالت الدكتور قالي عادي
الغدا سوي معكرونه مع خضار كثري الخضار واخر شي حطي جبن شيدر
العصر حطي له فواكه يحبها واكلي معاه او حطي اليهال ولعب مع الاكل وضحك
وبعدين كافئ بفك نص واحد حطيه بصحن مايدري
وبالليل انه اعطي ولدي نفس الغدا بس اذا بتنوعين عطيه بيتزا فطيره او شوربا شوفان مع خضار
والحليب انه اعطيه الظهر والليل بس
وكثري الماي

 

[فلافل وبطاط]

انا بنتي من صغر ماعطيها الككاو والبطاط والجنك فود

كانت تاكل بفك قبل لا يطلعون ضروسها عدل ومن ال ٦
شهور كنت اطبخ واهرسه واعطيها الاكل ...

حاليا عمرها سنه ونص وتتحرك وتحوس وعنيده مرات
ماترضا تاكل .. ومرات تقعد تجابل الاكل من كيفها ...

لما اكون في بيت ابوي اذا اخوي قاعد ياكل تقعد وفي بيت
حمولتي اذا حماي الصغير ياكل تاكل فعرفت انها تبي احد
صغير ياكل معاها ...

في البيت اكتشفت انها تاكل مع ابوها ماترضا تاكل مني
فقمت اخليها تنطر ليم يوصل من الدوام واقعدها معانا وتاكل

انتي شوفي شنو طريقتها بالاكل ...

الحين من يبت خدامه تبي الخدامه تمشي وراها واتلقمها ...

والككاو والبطاط والحلاو بعديه عنه كثر ماتقدرين ترا مو زين
يغث ويضر صحته واسنانه ...

وجربي تعطينه معكرونه او شوربة دياي يعني هالاكلات وشوفي
شنو يحب ياكل طبخيله بروح غير غداكم

 

[Om.Zayed]

مشكووووورييييين بنااات ماقصرتوا انا ما ادخل البيت هالاشياء بس انا ساكنه في بيت اهلي واخواني واليهال كل معاهم الخرابيط هذي

 

[حرم_الغلا]

نفسس الحااله.. ولدي مايحب الاكل .. تخيلي يقووم ويرووح الثلاجه اللي بالغرفه مالت الخرابيط كاكاوو وبفك عصااير هالسوالف ويطق الثلاااااجه ويبجي ذبحنييي.. وعنيييييد أذا بجى بالمووت يسكت... الله يعيناا عليهم ويهديهم​

 

[ام رينـاد]

الله يعينج عليه
كل اليهال جذي

 

[ام مهاوش]

نفس الحاله بس انا بنتي بزود اكثر تخيلي عمرها سنتين و7 اشهر ماني قادره اقطع الحليب عنها مسكينه ماتاكل عايشه على الحليب تعبتني وانا احاول اوكل فيها انا استغرب ماتيوع مادري شلون
الله يهديهم يارب