ولدي طلع فيه الحصبه :'(

[Behtar2]

السلام عليكم
بقولكم شلون بدا اول 3 ايام حاشته حراره تةصل 40 يالله تنزل بتحاميل
وادول بعدها قام يطلع طفح بجسمه وينتشر ويكون داخلهم مثل الماي مكانهم حاار
وتحكه حيل ولما يحمه ينبطون ويصير جنه محترق حبيبي تعبااان
انا وديته اول شي ايام الحراره للطواري وقلت لهم مو مزكوم عشان تعطونه مضاد
انا اعرف ولدي هذي مو حرارة نشله مارضوا يحللونه
يوم الطفح رحت ثاني مره للطواري ولا دكتور منفس ماله خلق يتكلم حسبي الله عليه
الي خله ولدي يتاخر بالعلاج قال هذا فايرس بالجلد ومشى !!!! ووكاتب بالوصفه
مضاد وكريم حساسيه !!!!! يوم حطيت له مافاد بالعكس زاااد حيل
وحطيت له موعد حق باجر ان شاءالله استشاري جلديه
عاد سويت بحث عن اعراضه وطلع حصبه فعلا نفس الي بولدي
انا خايفه عليه عفيه عسى موخطر عليه ومايصير له شي ؟
ومتى يروح وشنو علاجه شنو احط له يعني ينفع زيت زيتون اسبحه ولالا
مادري شسوي عشان يخف لان حيل تعب وجسمه حار ويعضض بايدينه تحكه
اهو عمره سنتين وشهرين انا طعمته من الحصبه وعمره سنه ليش ياله مادري

 

[PuPa^^SWeeT]

وديييه خاااص



و قوليلهم حصبة




بس ترا عيالنا يتطعموون من الحصبة من وين ياله ؟؟؟؟

 

[ام الحلوااات]

مــــــــاعـــنــــدي فــــكــــــره

عـــــســــى اللــــه يـــشـــفــــيـــــه

 

[lailosh]

يمكن نفس أعراض الحصبة بس مؤ حصبه وديه خاص وأصري ان يحللونه الله يشفيه يااارب

 

[Behtar2]

ايه عشان جذي استغربت ولدي مطعمته من الحصبه حتى العنقز طعمته عنه
الله يستر عليه حبيبي ويشفيه
ان شاءالله اليوم موعدنا مع استشاري جلديه يارب يكون هين ويروح بسرعه :'(

 

[زين ودلال]

ان شاء الله مافيه الا العافيه يارب

الله يسخرلكم الدكتور اللي يعرف حالته يارب

الله يطمن قلبج

 

[لميس نفسي]

يااحيااتي مايشووف شرر


بس انا بنت خالي طلع فيها حصبه بس من اهم اعراض الحصبه شوفي حوالين عيونه حبوب بيضه اذا مافيه يعني معناته الحمدالله ماكو شي


يمكن متحسس من شي ماعليه اخذيله موعد


وعسي ربي يشافيه ويعافيه


وعفيا بشرينا عنه


وترى اكثر الامراض اعراضها متشابهه

 

[بنت^كآليفورنيآ]

ها شصاار ؟

 

[ام غازي 2012]

الله يشفيه ويخليه لج

 

[متواضعة]

سلامته الف سلامه الله يطمنج عليه

 

[Behtar2]

مشكورين عالسؤال حبيباتي
لله الحمد طلع موحصبه مرض فيروسي مشابه له
وللحين باقي اثار بجسمه ومع الدهان ان شاءالله يخف وبروح
الحمدلله ياارب

 

[ام الحلوااات]

الـــحـــمــــد للـــــــه عــــلـــــى ســــلامــــتـــــــــه
وزيــــن انـــــج تــطــمــنــتــــي عــلــيـــه

 

[M!SS.LOBY]

عسى الله يحفظه لج
ويتمم عليه الصحه والعافيه