ولدي طبعة وصخ مادري شسويلة .. ساعدوني

[الكويتية28]

شلونكم بنات شخباركم
بنات ولدي عمرة سنتين وشهرين وسمالله علية طبعة وصخ كلة يبجي ودلوع اقولة لا تبجي انت ريال وما يهتم يزيد . فوقة بنتين واحس بناتي اجرأ منة . ساعدوني شلون اعدل حالة واخلية يوقف بجي ويصير جريئ ؟؟
تكفون لا تخلوني لاني صج تعبت من هالسالفة

 

[ShoOog el3YoOoN]

الله يعينج حبيبتي ... بس هذا طبعه خلاص ماتقدرين تغيرينه انا اخوي كان جذي ولما كبر تغير من نفسه ..

 

[الفنانه79]

رد : ولدي طبعة وصخ مادري شسويلة .. ساعدوني

اشدعواااا حبيبتي ترى الولد عمره سنتين انا قاعده اقرا قلت يمكن الولد عمره عشر سنوات حددده صغير ومايقدر ايعبر عن شي الا بالبجي ليش تبين اتكبرينه خليه يعيش طفووولته يعني ياهل ماتبينه يبجي حتي ولدج مو عمر الروضه اصغر بوايد انا اعيالي بيروحون اولى ابتدائي ولحد الحين اذا تهاوشوا مع بعض يبجون عاااااادي خليه يطلع اللي بقلبه موزين جذي اتعلمينه مايبجي يخش اللي داخله
تالي اشوي اذا كبر علميه ان موكل شي تبجي عليه انت ريال بس الحين حدددده صغير يمكن حتى لحدالحين يلبس بامبرز
عموما هذا راييوالله يخليه حقج

 

[ديانا سبنسر]

حمدلله والشكر ياهل شتبين منه اقول لاتعقدين الولد ولاتقارنين بينه وبين خواته لان صج راح تضيعينه سامحيني على اسلوبي وتقبلي ردي برحابة صدر

 

[قمر2009]

اسم الله عليه جاهل بيكبر ويتغير

 

[بـاسي قــوي]

رد : ولدي طبعة وصخ مادري شسويلة .. ساعدوني

حبيبتي حرام عليج تقولين عن طبعه وصخ انا قلت الحين مسوي مصيبه ,, ميخالف بعده صغير و مارده بيتعود يتجرأ بس انتي قوي شخصيته و حسسيه انه قوي و بطل و انه الكل يحبه عشان يروح عنه الخووف ,, و قولييييييله قصص كل ليله متعلقه بقوة الشخصيه و ذكري اسمه بالقصه خليه اهوا البطل و بعدها راح يصدق عمره و يتغير انشالله

 

[دندووون]

وانا مع راي البنات الصبي توه نونو مايدري شسالسالفه
واخاف يبي يلفت انتباهج مو قادر فأستعان بالبجي شوفي شنو محتاج شنو يبي يوصله
والله يخليه لج

 

[أم يزيد &سديم&]

بدري عليج
لسا صغير الولد أميد شيء طبيعي يعبر عن اللي يبيه بالبجي
وانتبهي احذري تقارنينه بأي أحد سواء خواته أو غيرهم
لأن بيصير شخصيته ضعيفة أو عديم الشخصية
ولا نتسي أنه طفل فلا تحرميه طفولته

 

[مسك81]

حبوبه ولدج اسم الله عليه صغير الله يحفظه يمكن في شي يعوره موقادر يوصفه لج بنت صديقتي عمرها سنتين ونص كله تبجي وامها تزفها سكتي فشلتينا اقولها حرام يمكن فيها شي بس ماتعرف تقوله لما ودتها الطبيب اسم على وليدج طلع فيها التصاق في مصران المعده والحمدلله لما تعالجت وكل امورها صارت طيبه تعالي شوفيها تهبل

 

[hneen2]

ابييييييييييييه قاعد تشرهين علي ياهل بو سنتين والله عبالي صج ريال عمره 11 ولا12 ههههههههههههههههههههههه


وحرام تقولين عنه طبعه وصخ ياهل المسكين انا اقول اقري قران عليه وسمي علي بالرحمن وان شالله ربج بيهديه

وشلون اللي اصغر منه احسن ؟؟؟ جم اعمارهم اسم الله عليهم اذا ولدج الكبير سنتين وصغير بعده !!!!!

الله يهديج بس ...........

 

[فيونه المزيونه]

لاتهتمين له اذا بجى عشان مايزيد