ولدي حايشه تكرمون إسهال عفيه ساعدوني

[بيتي بوب بس كويتيه]

هاي بنات أخباركم

بنات أنا ولدي طاح يوم الأحد الي طاف مريض كان ترجيع وبعدها حراره
ختمها تكرمون بالإسهال
بطنه وايد تمشي
يقولون الشوفان زين ًاشلون اسويه
ويقولون النشا يمسك البطن شكثر احطله بالحليب وأي نوع حليب استخدم
ومشكورين ادري ما بتقصرون

 

[ام الفهد712]

رد : ولدي حايشه تكرمون إسهال عفيه ساعدوني

مايشوف شر حبيبتي

هذا تغير جووو الناس كلهاا مرضى الله يشافيهم

حبيبتي النشاا واايد زين حطي على الاقل قفشه صغيره مع الحليب واذا ولدج يقدر ياكل البفك خليه ياكل يمسك البطن انا الدكتور قالي عن البفك

وعطيه بطاط مفيوح هم زين

 

[دانة بعين بحاري]

مايشوف شر حبيبتي عطيه حليب خالي من الاكتوز او تركيبه خاصه ولازم تودينه الدكتور عشان يعطيه دوا يوقف الاسهال وتقدرين تعطينه التفاح والموز بس لاتعطينه روب والنشا زين بعد

 

[بيتي بوب بس كويتيه]

اي نوع بفك اقدر اعطيه؟؟!

 

[بيتي بوب بس كويتيه]

مشكورين حبيباتي
كلش مو راضي يأكل بنوديه الطبيب بعد شوي ان شاء الله

 

[بيتي بوب بس كويتيه]

الحليب الخالي من الاكتوز وين القاه

 

[غديران]

رد : ولدي حايشه تكرمون إسهال عفيه ساعدوني

الله يشفيه يارب

وإن شاء الله ماكو إلا العافية

حبيبتي
أهم شي حطي له قفشة صغيرة نشا مع الماي أو الحليب وخليه يشربه

أو ماي العيش بعد ما تفوحينه حطيه بالممية وشربيه

واااايد زين بسرعة يمسك البطن

وروحي الصيدلية إخذي له ماي المغذي

زين

والله يقومه بالسلامة

 

[ماعلى الدنياعتب]

النشأ مع سفن احسن شي للاسهال

وللترجيع ماي مع شوي شكر وشوي هيل وادعيلي

 

[ام الفهد712]

رد : ولدي حايشه تكرمون إسهال عفيه ساعدوني

حبيبتي نوع البفك بفك بولند او فلونه من هالانواع

وطمنيناااا عليه ياقلبي

 

[بيتي بوب بس كويتيه]

مشكورين حبيباتيً اشوه اليوم تحسن بس خف ما وقف
هذا فايروس قوي حايش اليهال وكلهم نفس الأعراض
اول شي ترجيع ثاني يوم حراره ما تنزل عن ٣٨.٧
ما نزلت الا بسباحه
وآخر شي ختمها تكرمون باسهال
والدكتوره الي رحت لها قالتلي انه هذا فايروس قوي
نقدر نوقف الإسهال بس بيرجع بعد يومين اكثر من الحين
لانه الفيروس ينطرد مع تكرمون الاسهال
حبيت أعطيكم معلومات بما انه هالفايروس منتشر
علشان ما تخترعون مثل خرعتي
والمرض ظل معاه اسبوووع

 

[ام الفهد712]

رد : ولدي حايشه تكرمون إسهال عفيه ساعدوني

ياااااقلبي

صاجه انا ولدي العووود حايشه الله يعين اليهال على هالاسهاال بروحه يهد الحيل

الله يقومه لج بالسلامه ان شاءالله

 

[مضاوي55]

رد : ولدي حايشه تكرمون إسهال عفيه ساعدوني

حبيبتي مايشوف شر عندي خلطه فتاكه عالفايروس خوذي فصين ثوم وخمس حبات فلفل اسود مومطحون وقلاص ماي وفوحيهم فوحه وحده وعطي الطفل حسب وزنه مثل الدواء وبالشفاء