ولدي بالصف الثالث الإبتدائي مايعرف يقرأ ويكتب بس ينقل

[سديم11]

تكفين يابدويه اصيله ابي اراقام المدرسين الخصوصين ولدي نفس حال عيالكم :- اختي ام فروحة اشلون حولوج لمركز تقويم الطفل الطب التطوري .ولدج شنو مشكلتة وعادي يستقبلون الأطفال بدون تحويل .

 

[بدوية اصيلة]

خواتى طرشتالكم ارقام المدرسات عالخاص بس عفية لا تنسونى من دوعائكم

 

[همسة شقا]

تكفين يابدويه اصيله ابي اراقام المدرسين الخصوصين

 

[تختوخه بس قشطه]

هلا امهات والله قاعدين تشتكووووون انا معاكم حاسه فيكم لانه مشكلتكم نفس مشكلتى مع ولدى والله انه جنننى ونفس الوقت كااسر خاطرى

شنو اسوى معاه لا عربىى ولا انجليزى لا يعرف يقرا ولا يكتب المشكله حتى من لو ينقل غلط والمشكله الاكبر انه اهو الحين خاااااامسه

ماادرى شنو اسوى معاه حراااااام ماابى اظلمه احس انه فيه طااقه حاب يتعلم ويعطى الى عنده بس يبيله بال طويل اهتمام بروحه يعنى حطينى

بصف بروحى اعرف افكر وادرس اما اذا مو ابروحى انا ماااساااااااااعد صج اهو ما يساعدنى والله اقعد بس اترجم

كتاااابته فى الانجليزى والعربى والله صج معااااااناه مع هالولد المواد الباجيه مشالله تشوفينه


شاطرالا العربى وانجليزى والدين مو مال الحفظ...


ونفس سؤال الاخت سديم 11 للاخت ام فروحه شلون حولوج وشلون طريقتهم الطب التطورى والى يعافيج؟؟؟؟​

 

[ام فروحه]

هلا والله انا عندي ولدي عنده نفس المشكله من يوم دخل اولي ابتدائي وانا ملاحظه عليه عنده صعوبه بكل شي وكنت كل ما ادرسه يشقق الكتب ويكسر الاقلام المهم خليت نص السنه تمر بالمدرسه وطبعا المدرسات خلو حالته تنتكس اكثر من كثر الطق والتعيب عليه جدام الطلاب نفسيتي انا تعبت وقمت دشيت الانترنت وحاولت اعرف شي عن حالته لقيت وايد اشياء بس كان الاقرب له الدسلكسيا لأنه يكتب بالمقلوب المهم سألت قالولي لازم تسويله اختبار ذكاء وكان عمره خمس سنوات وتسع شهور سويتله بمركز الانماءء الاجتماعي بعدين تميت اسأل لين عرفت انه في مدارس خاصه للحالات هذه ومنها مدرسه منارات لصعوبه التعلم الي بالسالميه رحت وسويتله اختبار عندهم تقريبا كان علي اخر السنه الدراسيه اهو للحين كان بأولي ابتدائي اقبلوه عندهم لأنه مايعرف ولاشي واهي مدرسه ثنائيه اللغه والاداره كلها امريكيه مدرسه رائعه لاتشوفين اشلون يتعاملون مع الطفل نفس مدارسنا الحكوميه سبحان الله خلصنا من الاختبار يوم نبي نشوف الرسوم ولا 6000دينار كويتي طبعا المبلغ كان وايد كبير او شي تدفعين 200 تحجزين كرسي عندهم وبعدين المبلغ سألت السكرتيره الي عندهم قالتلي تقدرين تخلين الدوله اهي تتكفل فيه بس لازم عن طريق مجلس الاعلي لشئون المعاقين طبعا الاسم يخرع خذيت منها الطريقه ومشيت بالاجراءات الطويله والممله بس لو في واسطه كل شي يخلص بسرعه المهم رحت اول شي علي المستوصف وقلت حق الطبيب ابي تحويل للطب التطوري الي بمستشفي البنك الوطني بالصباح سألني ليش قتله السالفه خذيت التحويل ورحت قالولي لازم موعد حطيت موعد بتاريخ 19/1/2009 طبعا انصدمت لما شفت الموعد مني مناك دورت واسطه رحت بعده بيومين اول شي يشوفه اخصائي يسويله اختبار ذكاء بعدين تقعد معاه دكتوره تشخص حالته وتقعد مع الام تفهما علي كل وسألتني الدكتوره عندك مشكله في اسم المجلس الاعلي لشئون المعاقين قتلها بصراحه الاسم يخرع بس ال حمدالله علي كل شي انا ابي ولدي يكون بالمكان الصح لأن ماتتحخيلون اشلون تعب بالمدرسه صار عنده عدم ثقه بالنفس واعصاب من ورا هالزفت المدرسه وابي يكون نفس اخوانه مو اقل منهم حولوني علي مركز تقويم الطفل الي بالسره رحت وفتحت ملف عندهم وانصدمت انه مواعيدهم بعد شهرين واهما يحددون الحاله الي عند الطفل والمدرسه الي يحتاجها وللحين ماتخلصين تردين مره ثانيه حق الطب التطوري علشان اللجنه للمجلس ولويه وللحين انا انتظر تقويم الطفل يدقون علي والي يصير بقولكم عليه وللعلم انا ولدي رايح الحين ثانيه ابتدائي مايعرف ولاشي والي عندها بخامس كان في ولد مع ولدي بالمستشفي نفس الشي مايعرف يقرأ ولا يكتب الي شي البسيط وحولوه علي مدارس خاصه والله لا تخلون عيالكم ماتتخيلون شكثر تكون نفسيه تعبانه من هالشي لأنه انت ماتدرين شيصير معاه بالمدرسه يقول الدكتور النفسي الي بالمستشفي الطفل عند ينطق ولا احد يعيب عليه الله يشافي الجميع طولت عليك بمشكلتي الي اعاني منها من السنه الي طافت وادعوا لي الله يفرج همي واي شي انا حاضره وهذه الارقام

مستشفي الطب التطوري 4812634
مركز تقويم الطفل5353681

 

[نداوي]

تكفين يابدويه اصيله ابي اراقام المدرسين الخصوصين ضروري

 

[بدوية اصيلة]

خواتى طرشتالكم ارقامهم عالخاص

 

[تختوخه بس قشطه]

جزاج الله الخير اختى فروجه على طرح تجربتج بس والله معاناة واذيه من مكان لى مكان وشوفى واسطه بعد المشكله

المدارس بدت يعنى ما فى وقت والله كل شىء على الواااسطه مثل ما قلتى والله يعينا ويصبرنا على اعيالنا​

 

[diets]

تكفون حبايبي ساعدوني ولدي داخل الإبتدائي إمبجرالمدرسة بالصف الأول بعدة ما كمل 6 سنين وإلحين إهوا بالصف الثالث من أول الإبتدائي كانوا يدرسونة مدرسين تدرون مو نفس المدرسات وتدريسهم مو ذاك الزوود وإحين هالسنة شالو المدرسين وحطوا مدرسات يعني فيه كتابة وقراءة تعبت معاه بقراءة الأحرف الشي السهل إلي يقدر عليه بس يشوف وينقل ومايعرف شنو قاعد يكتب والحفظ القرآن عندة حيل صعب هالسنة تدرون الرياضيات في كتابة بالأحرف وهم إجتماعيات فيه كتابة وتربية وطنية هم كذلك الشاطر فيه بالحساب والإنجليزي ومتعبني حيل بالحفظ الآيات وإلحين تقريباَ المواد الأساسية كلها فيها كتابة وقراءة :eh_s(2):
عندة مشكلة بالنطق مشكلة الأحرف خاصة الأحرف إلي تطلع من البلعوم مثل ع ك ق وحرف سين يقولي ثين هذى مشمكلته من زمان قولولي شلون أتصرف معاه وإذا تعرفون معاهد أو مدرسين حق مشكلتة تكفون قولولي ويجزاها الله ألف خير إلي تساعدني وراح أدعيلها طول عمري:0bee2e8d89:

اختي اعيال اخوي يدرسون عند مدرسة فليسطينية وايد شاطرة ... اذا تبين ادزلك رقمها راسليني على الخاص ...
اقل من 9 من 10 ما ياخذون الحين ... بس ان شاء الله يكون في عندها مجال ادرسه لان وايد زحمه عليها حييييييل شاطرة ... وهم في بعد امهات مني بالمنتدى الحين اولادهم يدرسون عندها ويدعولي بالخير ...