ولدج صغير يأذيكم باليل تنامين بغرفتج ولا تخلين زوجج يرتاح وتنامين أنتي و ولدج بالصاله

[ناتشوو]

شوفي حسب الطفل
اذكر واحد من عيالي
بجي متواصل
راحة ٥ دقايق ويرجع يبجي
وطول الوقت
ابدل حفاظة
مرات اسوي له مساج بزيت
اغسل وجهه وابدل ملابسه
يمكن يسترخي
ماكو فايدة
فمافيها
شي
اذا طلعتي للصاله
لان الزوج وراه دوام
والبجي مو شوي ويرد ينام
علشان يساعدج
فالاحسن
نومتج خليها مقلوبة
لي نام البيبي الصبح نامي معاه
لي رد الزوج
توكم مصحصحين
وانت مع البيبي
شغلي التيفي سوي لج چاي ولا حليب
والله يعينج
فترة متعبة
حاولي
تقلبين البيبي ع بطنه وسوي له مساج ع ظهره
يساعده يتخلص من الغازات
وفي ادوية غازات خل ياخذها بانتظام
مو تنطرين بطنه تنترس غازات
و اذا الحليب سيميلاك غيريه
والله ييسر امورج

بالنسبة لمساعدة الزوج
يرجع لطبع الزوج
كذلك نوع المساعدة
اذا بجي بو دقيقتين
اذا عندي شغل يمسكه ليما اخلص
وترى كل ماكبر الطفل
بيستانس الابو ع شيلته و يحب يساعدج

 

[! بــدويه وآآيــد !]

,


ليش ولدي بروحي؟؟
جايبته من الطوفه ؟؟
لاوالله اقعد عنده او كان نايم واسكت ولدي بفراشه وبسريره ما اطلعه برا يبي ينام برا اهو يروح ينام بالصاله
البيبي كل ماتعبتي فيه كل ماحبيتيه اكثر عشان جذي خل اهو يتعب فيه ويسكته معاي عشان يتعلق فيه عالاقل !!

 

[طيبة83]

انا زوجي هج من الشقة بكبرها وصار ينام تحت عند اهله

والحين بنتي بتكمل السنتين وهو خلاص تعود ينام تحت

 

[مشتطـه]

مرات يستعسر ولدي

يقوم كل 10 دقايق

كنت انام بالغرفة الثانية انا وياه لان

ليش نتأذى اثنيننا حرام


وانا اساسا لما عندي شي ما احب ازعج احد فيه

يعني حتى لو بسمع اغنية اذا اللي وياي مو متقبلها ما احب احس بتأنيب الضمير


ف بس اذا استعسر اطلع من نفسي وانام هناك

 

[Toffeeya]

بنات من صجكم !! لازم الريل يتحمل التعب معاج مو ولدج بروحج اهو
حتى لو عنده دوام مايمنع يقوم يساعدج شويه و يرد ينام

انا اذا ولدي قام بالليل اقوم اسويله رضعته و ارضعه و احنا بالدار و افتر فيه بعد .. يكون ريلي نايم بس يحس فينا و ساعات علما اروح اسويله الرضعه وارد القى ريلي شايله ويفتر فيه و من باجر يقولي يعطيج العافيه تعبتي معاه امس .. لو اطلع فيه بالصاله ماراح يحس بالمسؤوليه تجاه ولده ولا راح يقدر تعبي

 

[اذوب بكلامه]

والله اذا انا وزوجي عندنا دوام مابطلع من الغرفه حالي من حاله كلنا بنصحى بدري
بس اذا ماعندي دوام وبنام لظهر حرام بطلع لين تنام وارجع الغرفه

 

[(دنيتي)]

انا ولدي صار عمره اربع شهور سمله عليه ولازلت انام بالصاله

لانه ريلي دوامه حيل متعب ويحتاج راحه وولدي من النوع مزعج. يعني ماينفع انومه وارده بالغرفه لانه لو بسوي. هالحركه بظل طول الليل طالعه داشه من الغرفه

بس يمكن هالشهر بحاول انام بالغرفه لانه نومته بدت تتعدل

بس مايندرا بعد طهاره شنو بيصير حدي متوتره من هالسالفه!!!!

 

[أميره بلا قصور]

ماراح تصدقون ولديً عمره ٩ شهور ولمن الحين النوم متقطع وبجي له اول ماله اخر


بس نهائيا ما طلعنا برا الغرفه وريلي الحمدلله يساعدني فيه يشيله يرضعه يلعب معاه لمن ينام

 

[أإلع ـشق دلع ـهـأإ]

انا يوم طلعت من الاربعين كنت انام عند زوجي واهو عنده دوام وكانت بنتي مزعجه ماتنام كله بجى ويسكر خشمها وتنافخ وكل شوي قاعده ومشغله الابجوره ومقصره ع التكيف وطقطقت الحليب والماي وازعاج حده !!

حرام ماكان ينام زوجي الا يمكن ساعه او ساعتين !!

اهو يداوم احنا لا عندنا اجازه ليش الانانيه اخليه يتعب معاي !!اهو بروحه تعبان من الدوام

فقلت اشيل اغراضي واروح الغرفه الثانيه حطيت سرير بنوتي واغراضها كلهم وارتحت صرت انام واسوي شغلي ع راحتي ونومتنا صارت الصبح


مافيها شي لو تنامين بغرفه ثانيه ولا تعدل نوم ولدج ردي غرفتج لانه اهم شي يتعدل نومه وتصير نومته بالليل ويكون هادي

انا ٣شهور انام بالغرفه لانه كان نومنا الصبح وسهر بالليل

ويوم تعدل نومها رحت غرفتي وبس اقعد ع حليبها اسوي لها وانام

 

[Q8_QT]

آنا انام بداري عادي بس لي قعد ولدي بالليل اطلع ابدل حفاظته واسويله حليب حاطه شغله برة لأن ماعندي مكان بغرفتي وبس ينام ارد اكمل نومتي بداري وريلي يمسك ولدي عني على مااسوي حليبته ولا اقضي حاجة بسرعة وارد مافيها شي

 

[أم يزيد &سديم&]

أنا ما عندي. أطفال

بس نصيحة مني لاتنامي برا الغرفة ليش هوا ابنك لحالك خليه يحس بتعبك يفيق بليل يشيله معك لو نص ساعة ويرجع ينام جوزك مابيأثر

بصيري يحبو اكتر لأنو تعب عليه بصير يقدر تعبك لأنو جرب وسهر عليه

هيك اذا قصرتي بأي شي ماراح يلومك لأنو جرب المعاناة معك

هذا رأيي
الله يخليه

كلام ورأي سديد أؤيدك ولضد دج