ولدج / بنتج بأي مدرسه ؟ وشلون نظام الواجبات فيها ؟

[حلم الطفولة]

السلام عليكم خواتي الأمهات .. شرايكم نستفيد من بعض بخصوص موضوع الواجبات المدرسيه .
سواء عيالكم بمدرسه حكوميه أو خاصه .. أمريكيه أو انجليزيه .. ودنا نعرف شلون نظام مدرستكم في الواجبات؟
هل هي عشوائيه وللا كل يوم شي ؟.. هل فيه يوم للعربي ويوم للانجليزي ويوم للرياضيات ...؟
وحلو نستفيد ونعرض بعض الأفكار الحلوه على إدارات المدارس ,, ومنكم راح تكون الفايده .
يالله ,, ... قولي اسم المدرسه وشلون طريقة الواجبات عندكم .. حياكم ..

:ggdw: :ggdw: :ggdw:

 

[اي اسم]

عجبني الموضوع واعتبره مهم
راح اقولكم عن 3 مدارس
البيان ثنائية اللغة
الجداول الاسبوعية من الاول الابتدائي وحتى الثامن تنزل اون لاين على موقع المدرسة
www.bbs.edu.kw
وفيها الواجبات والطالب يطبع الرسالة الاسبوعية في بيته - الواجبات في البيان قليلة جدا من الاول الى الثالث الابتدائي واللي يقول غير جذي يا اما يبالغ يا اما اهو يحب يسوي شغل اضافي لعياله عشان يقويهم
المهم في الويك اند ماكو واجبات - وبعدين واجب الانجليزي يسلم الاحد للطالب ولازم الطالب يسلمه للمدرس يوم الاربعاء-
في يوم يكون واجب التربية الوطنية او الاجتماعيات لان تدرسهم مدرسة واحدة فيكون هناك واجب واحد للمادتين ويكون بسيط - في يوم واحد يكون هناك واجب للعربي ويوم واحد واجب للماث - نادرا ما يكون في واجب علوم وبعدين في يوم الخميس املاء انجليزي وويوم الاربعاء املاء عربي وبس - يعني الواجبات تعتبر سهلة وبسيطة وما تاخذ وقت طويل ما تتجاوز النص ساعة
وبالنسبة لحفظ الدين فالطالب غالبا يحفظ في الحصة
وبالنسبة لقراءة الانجليزي حسب المدرس بعضهم يطلب قراءة يومية وreading log و بعضهم لا
سهالات
بس ما ادري عن المراحل الاكبر
وما في واجبات للروضة والحضانه
مرات المدرسة في الروضة تعطي الطفل اوراق عمل للبيت بس اختياري عملهم

 

[اي اسم]

الحين بقولكم عن مدرسة الرؤية
في البيان واجب واحد باليوم لمادة واحدة وما في تداخل لان الظاهر في تنسيق بين المدرسين
اما في الرؤية وانا اتكلم عن الصف الرابع الابتدائي فيصادف انه يكون في اكثر من واجب لاكثر من مادة بنفس اليوم - وصراحة هالشي يتعب الطالب ويزهقه خاصة ان الطالب ما يرجع بيته الا على الساعة 3 وبعض الواجبات مالها داعي مثل ان ابلة الانجليزي تقولهم حلو اسئلة الكتاب على الدفتر ومن باجر تخليهم يحلونها في الصف على الكتاب يعني تكرار ما منه فايده والافضل ان هالوقت يستغل في شي افضل
يوم الاثنين على سبيل المثال ولدي عنده واجب عربي وواجب انجليزي وواجب ماث اغلب الايام جذي اكثر من واجب في نفس اليوم بس الويك اند ما في واجبات بس يكون يوم الاحد تسميع قران لانهم يحفظون جزء كامل في كل مرحلة وما يدرسون منهج القران مال الحكومة
وبس

 

[اي اسم]

اي نسيت اقول ان الرؤية يرسلون مع الطالب جدول الواجبات الاسبوعي كل خميس ويسمونه الاجندا

 

[versace]

يعطيج العافية على مجهودج الطيب

 

[حلم الطفولة]

عاشت أي اسم ... بس يالله وين الباجي ؟؟؟
محد فيكم يعطون عياله واجب بالبيت ؟؟؟؟؟

 

[حلم الطفولة]

أي اسم ,,,, نسيتي مدرسة الحياة .. .. أدري ولدج الثاني فيها .. ههههه
يالله أمهات همتكم,,,,,,,,,,....... كتبو .....

 

[msmshasnsn]

انا بنتي بمدرسه خوله طبعا الواجبات على كيف المدرسات سواء في امتحانات والا مافيه نفس الشي والله يغثون
وولدي عاد حدث ولا حرج اذا تشيطنو اليهال بالصف قالت الابله اعناد عليكم بعطيكم واجبات وايد:eh_s(14): مدرسه فهد العسكر

 

[حلم الطفولة]

الله يعينكم msmshasnsn .... بلغتي الإداره ؟؟
لو تبلغون الاداره وللا الوزاره عن هالحالات .. ينفع وللا ماكو فايده ؟؟
عموما كان ودي مشاركات أكثر .. لعل تقترحون على ادارات مدارسكم وحده من الافكار اللي موجوده هنيه ..
ياللــــــــه ... شاركـــــــــــونـــا ,,

 

[ReeMaN]

اي اسم صاجه والله حلم الطفوله جنج نسيتى ولدج الثالث انا قاعده ادور وين اللي ولدها بمدرسة الحياة بس شكلها يبيلها يوم كامل تكتب عن المدرسه حلم الطفوله يمكن ماخلصت تقريرها عنالمدرسه:dddds:

 

[اي اسم]

ناطرينج يا حلم الطفولة تكتبين لنا عن واجبات الابداع
وانا باكتب ان شا الله عن الحياة بس قلت باخذ بريك قبل لا اكمل

 

[قلبي ابيض]

اي نسيت اقول ان الرؤية يرسلون مع الطالب جدول الواجبات الاسبوعي كل خميس ويسمونه الاجندا

نفس نظام مدرسة ولدي << حكومة << الشايع

 

[اي اسم]

الحياة يدزون الرسالة الاسبوعية مع الطالب كل خميس وفيها يكتبون شراح يدرسون واذا في اي نشاط او رحلة او اذا يبون صور ...الخ بس ما يذكرون فيها اي شي عن الواجبات
في دفتر خاص اسمة homework and communication diary وبهالدفتر تكتب الهوم روم تيشر اذا في اي واجب للانجليزي او الماث او العلوم وبعد يكتبون فيه واجب العربي بس غالبا ما يكون كتابه يدوية ولكن ورقة مطبوعة تلصق في الدفتر وتقريبا في يوميا واجب عربي مع واجب انجليزي او ماث
وفي واجب واحد بالاسبوع دين ويكون بسيط جدا ويخلصه الطالب بدقيقة وحدة لانه اختار الاجابة لسوال واحد فقط او تلوين والاستاذ مال الدين يكتب او يلصق ورقة الواجب بنفسه في دفتر الدين

 

[اي اسم]

اللي ذكرته عن الحياة -هذا بالنسبة لاولى ابتدائي
بانتظارج حلم الطفولة تقوليلنا عن واجبات الابداع بالنسبة للروضة والابتدائي والمتوسط
وانت ريمان قوليلنا عن واجبات الروضة في الحياة
وبانتظار مشاركات باجي الامهات

 

[sereen]

بالنسبه لى انا العيال طريقة واجباتهم يومياااااااااااا اااااااا خاصه الحين من مرحلة خامس وسادس والثامن ..... اللى فى المرحله الخامسه مطلع عيون الابلات ينننهم من اول السنه اهمال مايدرى عن هوى دارى , ماشاءا الله الجنطه على عدالها ماصار فيها ولاشى اصلا كتب مايحط فيها الواجبات عبارة عن اوارق مطبوعه تعالى شوفى كل مادة بصوب ماجنه فيه فوووولدر مقسم حق كل مادة , اخر شى وصلنا ان نخلى الولد على المدرسه يقعد ليه بعد الساعه اربع ساعه عشان يكون تحت اشراف المدرسات ويخلص لو جزء من الهوموووركات طبعا قلعته مافى رحلات ولافى بارتيات ....
البنت اشوى زين بس الريااااااااااااااااضيات لعنه خير booklet يعطونها كل اسبوع تخلص واحد وتاخذ جديد عشان اتظل فى مود الرياضيات وتقوى المهارات لها مقابل كل كتيب نقاط تشجيعيه
وبالنسبه للانجليزى كل اسبوع فى حفظ للكلماتالعاديه وال challenge words

حرصت عليها تدخل math club / eagle watch
والحلو فى الامر ان الكتاب خاصه الرياضيات الابلات يعانون من عدم تنظيمه وقالولى وايد اوليا ء اموور يشتكون منه , انزين انا ناسيه الرياضيات صار ان الكتاب له ويب سايت خاص فيه يقدم لكل موضوع تمارين للطالب تختلف عن المدرس وتشرح لولى الامر الموضوع عشان يشرحها لطفله الحمدلله فتكينا
بس الله يعطيهم العافيه بصراحه يلاحقون الطالب ملاحق وبس

 

[أم عبووووود]

سلام عليكم ورحمة الله وبركاته

انا بنتي في مدرسة خولة بنت الازور طبعا الواجبات بس ابلة العربي تعطينا كل يوم اثنين جدول للاسبوع كله ( جزاها الله خير ) والباجي اذا الله هدى ابلة الرياضيات حطت علامة بس بنت الحلال تقولنا اذا في امتحان والعلوم بدعة زمانها عادي تحط علامة استفهام بدون لاندري ان واجب انا معاها قصص من اول السنة وبس الله يعين مع ان ادارة المدرسة قوية واااااايد بس سبحان الله

عيالي الصبيان الله يحفظهم في مدرسة الشايع وهما يعطونهم جدول اسبوعي ويقولون لهم الواجبات كل يوم او اوراق عمل

 

[حلم الطفولة]

اي اسم صاجه والله حلم الطفوله جنج نسيتى ولدج الثالث انا قاعده ادور وين اللي ولدها بمدرسة الحياة بس شكلها يبيلها يوم كامل تكتب عن المدرسه حلم الطفوله يمكن ماخلصت تقريرها عنالمدرسه:dddds:

هاهاهاهاهاها .. هلا ريـمان .. كاهي اي اسم ماقصرت ادخلت واكتبت عن الحياة

 

[حلم الطفولة]

بالنسبه لى انا العيال طريقة واجباتهم يومياااااااااااا اااااااا خاصه الحين من مرحلة خامس وسادس والثامن ..... اللى فى المرحله الخامسه مطلع عيون الابلات ينننهم من اول السنه اهمال مايدرى عن هوى دارى , ماشاءا الله الجنطه على عدالها ماصار فيها ولاشى اصلا كتب مايحط فيها الواجبات عبارة عن اوارق مطبوعه تعالى شوفى كل مادة بصوب ماجنه فيه فوووولدر مقسم حق كل مادة , اخر شى وصلنا ان نخلى الولد على المدرسه يقعد ليه بعد الساعه اربع ساعه عشان يكون تحت اشراف المدرسات ويخلص لو جزء من الهوموووركات طبعا قلعته مافى رحلات ولافى بارتيات ....
البنت اشوى زين بس الريااااااااااااااااضيات لعنه خير booklet يعطونها كل اسبوع تخلص واحد وتاخذ جديد عشان اتظل فى مود الرياضيات وتقوى المهارات لها مقابل كل كتيب نقاط تشجيعيه
وبالنسبه للانجليزى كل اسبوع فى حفظ للكلماتالعاديه وال challenge words

حرصت عليها تدخل math club / eagle watch
والحلو فى الامر ان الكتاب خاصه الرياضيات الابلات يعانون من عدم تنظيمه وقالولى وايد اوليا ء اموور يشتكون منه , انزين انا ناسيه الرياضيات صار ان الكتاب له ويب سايت خاص فيه يقدم لكل موضوع تمارين للطالب تختلف عن المدرس وتشرح لولى الامر الموضوع عشان يشرحها لطفله الحمدلله فتكينا
بس الله يعطيهم العافيه بصراحه يلاحقون الطالب ملاحق وبس

عيل عيالج بالابداع ... مو صح ؟ ..

 

[حلم الطفولة]

الابداع ... ماث بوكليت من رابعه ابتدائي وطالع .. أغلبهم يكون متروس ويسمونه سبتمبر بوكليت ,, أكتوبر بوكليت ..... وتخلصه خلال شهر كل مره المس تقول أي صفحه لازم يوصلون خلال الاسبوع .
الانجليش كل أحد يوصل الكتاب ,, والأربعا أو الخميس يرجع المدرسه محلول ويمتحنون بالكلمات + الشالنج ووردز
المتوسط مقسمين لهم كل يوم شي ,, أدب ,, خطابه ,, تعبير ,, قواعد ,, ...
العربي في الغالب كل يوم واجب ( معتبر ), ماعدا يوم الخميس ماكو
الويك إند ماكو ولا واجب ويحقلج تشكين عالمس اللي تعطي واجب ,, وبالتالي يوم الأحد ماكو امتحانات.

 

[ام حنونة]

المدارس الحكوميه واجبات عاديه مثل أول كل مدرس ما يدري عن الثاني ....مافي جدول واجبات ولا تنظيم ....