ولدتي. في خاص أو حكومي

[سعادة قلبي وياه]

مسااااااء الخيررررر فتيات

خبروني بنات اول بيبي لج وين ولدتي حكومي أو خاص

وشنو الأحسن من ناحية العناية

شنو كان ترتيبج شسويتي هل تحسين خسرتي أو لا عادي. ؟؟؟

وهل كل شئ كان على زوجج من ناحيه المستشفى الخاص والتوزيعات واغراضج وأغراض البيبي

كل شئ يعني


يلا خبروني

 

[سندس 90]

اااب
ومازلت آنسسه احم احم 

 

[<miss botamba>]

مو متزوجه

بس اذا تزوجت طبعا كل شي بالخاص لان الحكومه ماكو خصوصيه وقت الولاده

عادي يقعدونج وقت الولاده بغرفه وكلها ستاير و معاج مليون وحده تولد وكل وحده تصرخ من صوب وااي لا معاناه

اشتري راحتي

ودفع المستشفى طبعا عالزوج بس مايمنع المرا تساعده بالاشياء الثانيه اذا مايقدر

 

[M!SS.LOBY]

الله يسهل عليج
اذا كنتي غير موظفة اكيد ريلج بيدفع عنج كل شئ
واذا موظفة اكيد بيساعدج ريلج

 

[قـــمـــرهم]

مساء الورد


انا توني والده ماصارلي شهر

وتوني بجريه اول مولود لي اللهم لك الحمد


ولدت بخاص

وطبعا تجهيز البيبي وتجهيزي

وفلوس المستشفى كلها على زوجي

لاني مو موظفه

وحتا لو توظفت اكيد بساعده

بس اساعده بتجهيزي انا اما تجهيز البيبي والمستشفى

اكيييد عليه الاااا اذا كان ماعنده ونقصت عليه الفلوس

بساعده باذن الله ..

 

[Tom ♥ Jerry]

,


انا متزوجه من 4 سنين و نص تقريبا
ولدت مرتين بخاص مستشفى لندن !

و آكيد الخاص احسن من الحكومي حبيبتي
و بمآ آني طالبه ليلحين طاحسه بالدراسه فـ آكيد كل المصاريف على ريلي

 

[لذه السكر]

انا ولدت بخاص طبعا الحكومه وخرت عنه لان مستوى النظافه والعنايه صفر وعلى طول يقطون البيبي عليج مايمديج ترتاحين

مصاريف ولادتي على ريلي لان كنت وقتها مو موظفه
الاستقبال مارضه يدفع ولا فلس قال انا مو مجبور بالناس فخالتي وامي فديتهم اهم جهزوا معاي الحلو والتوزيعات والموالح بس ماخبيت عمري حيل خصوصا اني قيصري وكنت تعبانه

وانشالله المره اليايه راح اولد بخاص بعد مو عشان شي بس عشان راااااحتي والاغلب راح اختار مستشفى السلام لان سمعت عنايتهم ممتازه ومحد ذمها


بسسسسسسسسسسسسسسسس


ماراح اسوي استقبال ولا راح استقبل احد بالمستشفى ماراح اكرر غلطتي لان كنت تعبانه وعوار والناس عندي وسوالف كان ودي اصرخ اقولهم برررررررررره بررره نفس الافلام خخخخخ
والحين اغلب البنات اسقبالها عقب العاشر كل ويك اند اعجبتني الطريقه

 

[سعادة قلبي وياه]

اي انا من جذي نزلت الموضوع ابي استفيد شنو اسوي وماسوي

لاني موظفة والنص بالنص طبعا لانه قالي اوكي الخاص علي لكن التوزيعات والورد والحلو والمالح هذا مو عليه علي طبعا
اما ملابس البيبي وتجهيزي عليه

 

[SWiiiRZ]

خاص

اول بيبي و الياي بالطريج هم خاص باذن الله ماقدر افيدج ايهم عنايه احسن

لاني راح اطلع جذابة انا ما جربت الحكومة فيمكن الحكومه هم عنايتها زينه

بس عن عناية الخاص اتوقع احسن والبيبي بالتلفزيون 24 ساعه تشووفينه و اذا
على زوجي اهو موظف وانا موظفه نشيل بعض مو ضروري اهو يدفع كل شي انا اشيله و يشيلني

وادعولي اولد بالسلامه

 

[sweet-rose]

السلام عليكم

انا في بجري ولدت بالصباح ، واللي تقول ما فيه خصوصية ، يحطونج بغرفة مع وحدة ثانية وبينكم ستارة ويعطونج ابرة ظهر اذا تبين ، انا ما خذيت كنت خايفة وكنت الوحيدة اللي اصيح واصرخ اما باجي الجناح هدوء بس كل ساع تسمعين صوب ياهل يصيح. الثاني بعد ولدت بالصباح واخذت ابرة الظهر والحمد لله سهالة بس الخياط مو ذاك الزود عشان جذيه بالثالث رحت رويال حياة وولدت عند الدكتورة دلال السالم

 

[كستنائيـة ع ـسل]

خاااص واهوا اللي دفع لاتي بعدي طالبه

 

[دانة_ دبي]

انا ولدت بحكومي ف دبي بس عندا ف دبي المستشفيات الحكومية حلوة و نظيفة و بمستوى الخاص

التوزيعات و الهدايا و الاكل و التجهيز علي و عليه شوي مني و شوي منه

 

[جوري الصالح]

خـــــاص ااهـــو دفـــع لانــــي طـــــالبـــــة

 

[سارووونه22]

ولدت بصباح والحمدالله كانت سهاله الممرضات يهبلون مادري انا عجبوني وماطولت ثاني يوم طلعت التجهيز والاستقبال وكل شي كان على ريلي الاستقبال سويته عقب ولادتي بيت اهل ريلي كان حلوو حيل

 

[omaseel]

الله يسهلك ولادتك

 

[امـ خــزامـى]

انا ولدت بخااص وماعندي خلفيه عن الحكوومي
بس جربت العناية الحثيثه للاطفال الخدج الحكوومي والخاص


فررررررق السما عن الارض

اول 10 ايام بنتي كانت بالخاص بس شفطوونا فلسووونا الليله كانت ب2000 ريال من غير التحليل هذا بس حق العنايه

وعقبها نقلناها للحكوومي وجلست 10 ايام انجنيت لي طلعتها
عناايه زففففففففففففففففففت هذا وهي عنايه مركزه
مادري كيف الحضانه العاديه


وزوجي قام بكل شي هو وابوه الله يخليه لنا مااقصر معنا عساااه بجنة النعيم ويجزيه ربي خير الجزاء

 

[سعادة قلبي وياه]

الحمدلله على سلامتكم حبايبي البنات