ولدتي بمستشفى السلام و جربتي دسمان دشي

[N0oNa]

السلام عليكم
بنات انا بولد بمستشفى السلام و قلت باخذ اول يوم غرفه عاديه و 2 يوم غرفه دسمان
بس قالولي الدخول يكون لغرفه دسمان الصبح و الطلعه اليوم 2 الساعه 12


؟؟؟؟؟؟؟؟؟؟؟بغيت اعرف الدخول الصبح الساعه جم ؟؟؟؟؟؟

لان انا بقيت اسوي استقبالي الصبح و العصر
متى يمديني ازهب و احط شغل الاستقبال و اييب الاغراض؟

بس اذا ما يمدي الصبح ماكو فايده لان بكون استقبالي نص يوم ما يسوى كلش

ياليت تفيدوني؟؟؟

 

[shoshowoo]

انا اختي جذي سوت خذت غرفه عاديه يوم ولادتها وثاني يوم خذت دسمان يومين وعطوها الغرفه الساعه ١٢ الظهر وخلت استقبالها من العصر لا تحاتين حبيبتي يمدي انتي زهبي شغلج كله عشان سيدا ترتبين
وحمدلله عالسلامه حبيبتي مقدما

 

[ToTa 1990]

انا دخلوني من الساعه 12 بليل عادي بس يمكن لاني ماخذه الباكيج كامل

وعلى فكره حسبي حسابج يحطون فوق المبلغ ماادري ليش لان انا سعر الباكيج مالي دسمان 3 مع ولاده قيصريه 3870 وحاسبوني 4800 تقريبا

 

[^^ مس كيوت ^^]

انا افضل اذا انتي بجر اوكي سوي استقبال اما اذا مو بجر خلج على غرفه حلوه عاديه ولا تكلفين على روحج انا اول ولاده دفعت 6 الاف وتحسفت من عيون الاوادم واذا الله بيكتب لي حمل ماراح اسوي استقبال واتعب نفسي والبجي الي 24 ساعه..البي بيزورني انا في بيت اهلي...لان جذي جذي الناس بتييلج بالبيت فا خليها بالبيت افضل ..بالعقل ندفع فلوس ليش؟؟؟عشان نونس العالم بس؟؟ ونرضي رغباتهم؟؟..مثل ما قتلج كل شي راجعلج وارقى الناس يسوون الي اقوله

 

[دآنة آلرشآيده]

مآعندي فكرهـ
رفع لعيوونج ​

 

[منو انت]

بقولج نصيجه لوجه الله شوفي اذا انتي ربعج واهلج من النوع اللي يلتزمون بالاستقبال سوي لكن والله ااذا مايلتزمون وراح تتخسرين بالمستشفى وتردين تتخسرين بالبيت ليش ؟


انا اشوف دسمان ماله داعي بنات الوحده فينا تدخل الولاده ماتدري تطلع او لا علشان جذي شحلات الغرف بالسلام ليش دسمان بالذات شوفي جناح اللؤلؤه وجناح الدانه وجناح الجوهره ترى كلهم شكلهم حلو وراقي وينفع حق استقبال وفيه وسع وتقدرين تزيدين عدد الكراسي واكيد مو كل الناس راح تكون موجوده بوقت واحد انتي خلي استقبالج يبدي من الساعه 5 لين العشر واكيد كل وحدده ماراح تقعد اكثر من نص ساعه بعد مستشفى مو ملاهي وغير جذي حطي في بالج شكثر ناس راح تعتذر وتقول سوري ماقدرت

واهم شي تقومين بالسلامه ولاتنسين تتصدقين قبل الولاده

 

[N0oNa]

مشكورين بنات على الردود
طبعا هذا مو بجري
بس لان بجري ما سويت شي عدل من ظروف الولاده
و بقيت اسوي شي عدل هالمره عشان بخاطري
ولا الفلوس تروح و تييي
واكيد سلامتي انا و البيبي ضروره عشان جذي اخترت دكتور زين و المستشفى بعد زين و انشالله الله ما يقصر


اليوم كان موعدي و رحت سالت طلعت الدشه الساعه 7 الصبح الحمدلله يعني يمديني الصبح و العصر

توتا ليش خذو منج الف زياده ما سالتي ليش ؟؟؟غريبه مو اميه و لا ميتين اكيد في سبب

 

[dana1986]

لاتسوين استقبالج الصبح وايد تعب والله صدقيني وانا سويته هناك انقلوني الغرفة امبجر على 9 جنه
وبعدين انا كان من 5 لي 10 ومت من التعب لانه الصبح تبين تكونين مع البيبي وخياطج لويه على ماتتريقين وتاخذين دواج وتنامين شوي عشان ويهج يكون فريش .

 

[Om_Ksha]

انا معاهم استقبالي كان من 5 العصر لي 10 ,,, ولو مخليته 9 ابرك

وعلى حظي كان عيد والكل مسااااااااااااافر واغلب اهلي مااايو خبيت نفسي عالفاضي بس الحمدالله سويت وافتكيت لاني بجر اما الحين لا والله ماراح اسوي ولا اتعب نفسي

بس استغرب منكم اللي تقول 6 الاف وغيره !@ اكيد قيصري بس هم ماتوصل لهالاسعار


انا خذيت غرفه عاديه بعدين الباكج يومين دسمان 8 .. طلع 2300 بس وااااااااايد زين توقعت اكثر ,,

 

[♥ SWeeRa ♥]

مرت اخوي كانت عندهم وقيصري ..
كنت عندها بالليل الساعه 12 تثريبا بالليل
راحوو خواتها وامها يرتبوووون غرفتها مالت دسمان
حق باجر ..

اتتوقع من الساعه 12 الي 12