ولا خلصنا من سالفة القرقيعان؟؟ ~ والله انعفسنا ..

[z.Q8IA]

رد : ولا خلصنا من سالفة القرقيعان؟؟ ~ والله انعفسنا ..

شدعوة ينخطفون عاد !! كلنا قرقعنا واحنا صغار محد فينا انخطف وبعدين ترا احنا بالكويت مو بامريكا !! واليهال اذا بيقرقعون يقرقعون بالفريج كلنا جيران واهل فريج واحد ما كو خوف عليهم ويا حلات عاداتنا الكويتية ويا حلات فرحة اليهال بالقرقيعان ولا انتو كل شي فيه فرح ووناسة بتمنعونه من الديرة!!

 

[تعبتوني]

رد : ولا خلصنا من سالفة القرقيعان؟؟ ~ والله انعفسنا ..

القرقيعان بدعه وصار الحين تكاااااليف وخرابيط مو نفس بساطة اول

 

[Tutti-Frutti]

رد : ولا خلصنا من سالفة القرقيعان؟؟ ~ والله انعفسنا ..

اذا معاهم احد كبير غير الخدامه اوكي

بس بروحهم مع خدامه انا ما أأيد الصراحه

الواحد يقعد يحاتي ويخاف
خصوصا من هاللي نقراه ونسمعه

 

[Tutti-Frutti]

رد : ولا خلصنا من سالفة القرقيعان؟؟ ~ والله انعفسنا ..

القرقيعان بدعه وصار الحين تكاااااليف وخرابيط مو نفس بساطة اول

يا ربي شكو شكو بدعه

بعد جم سنه يقولون العيد وفرحته ومادري شنو بدعه :eh_s(13):

 

[.:!:. ونس .:!:.]

ههههههههههههه
عاد تدرين عيال جيرنا قبل رمضان باربع ايام جايين يقرقعون ياحلوهم

بعدين تخيلي واحد رمضان 2 رمضان 3 رمضان 4 رمضان جاونا يقرقعون وكل يوم نعطيهم من اللي عندنا مره ككاو مره حلاو مره ماعندنا شي عطيناهم لقيمات

،
انا خواتي مايخلون عيالهم يقرقعون يعنييي تخيلي يلبسون ويقعدون في البيت بس بحاول اقنعهم اليوم حرام خل يستانسون <<فديتهم

بس الصراحه مالومهم يخافون على عيالهم

وانتو وصو عيالكم مو اي بيت يقرقعون عنده بس جيرانكم اللي حيل معاهم

 

[Tutti-Frutti]

رد : ولا خلصنا من سالفة القرقيعان؟؟ ~ والله انعفسنا ..

القرقيعان بدعه وصار الحين تكاااااليف وخرابيط مو نفس بساطة اول

شكو بدعه
من كانت الكويت هالكبر يسوون قرقيعان
ومو بس الكويت
اغلب الدول الاسلاميه تسوي هالمناسبه

وااي بعرف شنو بالقرقيعان شي عشان يقولون عنه بدعه !!

 

[♥MaSteRiyA♥]

رد : ولا خلصنا من سالفة القرقيعان؟؟ ~ والله انعفسنا ..

يا حلو القرقيعان والله
احنا ولا مرة قرقعنا برة.. بس نسوي و اللي يطق بابنا
نرحب فيه و نعطيه..
غالبا انقرقع اببيت يدتي الله يخليها مع الخالات و عيالهم
وازعاجهم لوووول :ggdw:

الله لا يحرمنا من هالأيام الحلوة ان شالله​

 

[miss-winter]

شدعوا بينخطفون للحين الدنيا بخييير

 

[Sayounara]

رد : ولا خلصنا من سالفة القرقيعان؟؟ ~ والله انعفسنا ..

ووي مشاءالله على عيالنا ماينخاف عليهم لوول
والله اللي يكلمهم يا أنه بيتحسف..
وانا بعد لين كنت صغيره كنت اقرقع..:botetoo:
بس ولا مره مروا علي اليهال اللي يرفسون الباب ومادري شيسون بعد!!
بس انا عيالي فالمستقبل هع مب مخليتهم يقرقعون الزمن صار يخوف صراحه
واصلا احنا يوم القرقيعان نتيمع فبيت يدي ونستااانس ع اللمه
ونلبس ونكشخ بلبس القرقيعان:n2006107:

 

[ملآمح يوسفيه]

رد : ولا خلصنا من سالفة القرقيعان؟؟ ~ والله انعفسنا ..

عادي قلبي يقرقعون بره
بس عند جيراناا وجم بيت


​

 

[فرفوقه]

حرام عليج والله يونسيون
بس انا اذلهم ذل اخليهم يغنون باسمي
واذا طلعو قالو مالت عليكم وعلى قرقيعانكم>>>>>>>صج يحرووووووووووووون

 

[MoonDiamond]

والله خطر
احنا مانخليهم يطلعون
نسويلهم قرقيعان بالبيت بس

 

[بيتي بوب بس كويتيه]

نخليهم يقرقعون بس عند الجيران الي حوالينا والله
وانا اطل عليهم من الدريشه مع الخدم اذا باعدو دقيت على الخدامه ردي لا تروحين بعيد فترد>>احس تقول بقلبها نعم شتبين

 

[منيرة خالد]

وووووووووووووويه اشدعوه انتي موسوسه هالكثر

من عمرنا نقرقع ولا سمعنا احد انخطف بالقرقيعان ابد ما صارت


وفوق هذا حسب المنطقة اللي انتي ساكنه فيها اذا اليهال كلهم طالعين يقرقعون تبيني احبس عيالي ما يصير


واحنا مستعدين للقرقيعان ونحسبله من اول يوم رمضان فرحه لليهال


يا حلو عيال الجيران ما اشوفهم الا من قرقيعان الى قرقيعان


الحياة حلوه بسنا نكد خل الفرح يعم الديرة السكة والبيت مو كله غلقه وتحلطم


نبي نفرح نفرح

 

[Freakya]

مشكورين بنات على هالتفاعل ..

صج ونستوني !!

و بالنسبة حق اللي تقول بدعة ..

بصراحة مادري .. يعني اهيا تعتبر مناسبة مثل أي مناسبة ثانية !

و بالعكس لها جانب ايجابي اللي اهيا صله الرحم .. و تهادوا تحابوا ..

و شنو اثباتج على انها ما تجوز ؟؟

 

[انصاريه قمره]

وااااااااي شكلكم تزبروون عاليهال من عذره يشوتون بابكم احنا ايوون لنا نعتذر بكل ادب وفي ناس يقرقعوون شحاارج عادات وتقاليد مو انتي اللي تمحينهم تدرين ليش رديت عليج بهالاسلووب لانه اسلوبج بالطرح مماثل له

 

[Freakya]

حبيبتي أول شي احنا نعرف الأصول و مو من الأصول الحريم يردون على اللي يطق الباب ..

انا انادي أخوي يرد عليهم ..

و حبيبتي مشكورة على اسلوبج ..

انتي الوحيدة اللي اسلوبج حلو من بين اللي رددوا على الموضوع ..

و بعدين على اي اساس قلتي اني ابي اقطع هالعادة ؟؟

انا وضحت وجهة نظري .. ردي اقري الموضوع مرة ثانية شكلج ما فهمتي القصد منه ..

على فكرة احنا نسوي حفلة حق القرقيعان ببيت يدتي و كلنا نكون متيمعين !

 

[اسرار الغلا]

انا هالسنه منعتهم يقرقعون بالشارع وقاموا يحنون ويتحلطمون

شنسوي الدنيا صارت تخوووووف

 

[Freakya]

انا هالسنه منعتهم يقرقعون بالشارع وقاموا يحنون ويتحلطمون

شنسوي الدنيا صارت تخوووووف

صح !!

أول شي كل وحدة لها وجهة نظر تختلف على الثانية ..

يعني في ناس صج عارفين هالدنيا و بلاويها و يخافون على عيالهم ,, عادي يسوون حفلة قرقيعان ما فيها شي !

بس مو معناته إن اللي تخلي عيالها يقرقعون يعني مو خايفة عليهم ،، ما تخليهم يطولون برة أو يبعدون و تخلي احد كبير معاهم !

أنا تكلمت عن الفئة اللي تخلي عيالها يهايلون بالشوارع بروحهم بدون أحد كبير ..

و تكلمت عن اليهال اللي اهلهم مو ماسكينهم .. قليلين الأدب اللي يسبون ..

لا تقولون يهال .. ترا انا شايفة وايد يهال محترمين لسانهم عسل !!

 

[خاشووقه]

عسآهآ عاده ما تنقطع علينا