ولا خلصنا من سالفة القرقيعان؟؟ ~ والله انعفسنا ..

[غلا الغوالي]

رد : ولا خلصنا من سالفة القرقيعان؟؟ ~ والله انعفسنا ..

ماعندنا قرقيعان :eh_s(3):

 

[ماما نونا]

مشكوره عالقرقيعان
عساكم تعيدونه وكل سنه تصوووومووونه ,,,

 

[pretty sarona]

ليلحين الدنيا بخير ,, والله الحافظ

 

[صمت الروح]

والله عااادي لانه اليهاال مساكين يبوون يستانسون ويطلعوون فعادي نخليهم بس يكون معااهم وااحد كبير

 

[ام شيخوه]

رد : ولا خلصنا من سالفة القرقيعان؟؟ ~ والله انعفسنا ..

صح لسانج

 

[جبنة بيضة]

شخباري منزمان قطعنا هالعادة صرنا نسوي حفلة في البيت و نوزع و خلصنا

 

[Dancing^Queen]

رد : ولا خلصنا من سالفة القرقيعان؟؟ ~ والله انعفسنا ..

هااااااااااااااو ليييييييييييش
خل يقرقعوووووووووووووووووووون
وين قاعدين احنا بشيكاغوووووووووو عشان ينخطفون الحمدالله مناطقنا امان وزينه
ياحلاه القرقيعان
ليش مايعيشون طفولتهم
شدعوا بنطرش الياهل وين؟

بعدين اختي سمحيلي القرقيعان يطلعون اليهال ورا التراويح ! محد يقطع الصلاه
وعيالنا مايشوتون بيبان
والله انا اخلي بناتي يقرقعون ويستانسون
عادات وتقاليد ليش تنقطع
ونسوي حفله ابيت اهلي وحفله ابيت حمولتي
عساها ماتنقطع هالعاده وياحلاتهم عيال الييران لي تيمعو وقامو يمشون مع بعض ويقرقعون والله يفرحون قلوبنا
وماراح يروحون من منطقه لي منطقه
كله الفريج وان بعدو اللي وراه والخدامه وياها تلفون
وتقولين الخدامه بتلعب كارتيه للي بيبوق لاوالله بس الي يبي يسوي شي لي شاف قروب كبير وناس ولمه مايقرب يخاف يعرفونه
لاتصيرون جذي!
اليوم لاتخلون عيالكم يقرقعون وسكرو عليهم بابكم وينخطفون وشدعوا الخدامه بتحميهم
وباجر لا واي شخباري الناس تفتر بالعيد وتسلم !
ذكرو الله
وان شاءالله ماكو الا العافيه

 

[ii DareeN ii]

رد : ولا خلصنا من سالفة القرقيعان؟؟ ~ والله انعفسنا ..

هذي عاده وعساها ماتنقطع وبصراحه استغربت كلامج شدعوة يرفسون البيبيان وماتقدرون تصلين اسمحيلي وايد تبالغين

 

[ScarletteO'Hara]

عساها عادة ما تنقطع ان شاء الله
شدعوة عمرنا ما سمعنا ياهل انخطف و اهو يقرقع
للحين الزمن بخير
و احنا بمناطق داخلية امان
و اذا خايفين على اليهال لا ينخطفون ترى الي بيخطف يقدر يخطف الياهل من جدام المدرسة ماراح ينطر القرقيعان
اقصاه ثلاثة ايام بالسنة
اصلا الحين و انا بالبيت استانست لما سمعت صراخهم يونسون

 

[ضحكه مستعاره]

شدعوه عليج متضايقه عشان يطقون بابج ترى هي 3 ايام بالسنه والله يعيدها علينا بصحه وعافيه

 

[Freakya]

هذي عاده وعساها ماتنقطع وبصراحه استغربت كلامج شدعوة يرفسون البيبيان وماتقدرون تصلين اسمحيلي وايد تبالغين

حبيبتي كل شوي ناس ياية و ناس رايحة .. و أشكال أشكال يعني ..

أقولكم ترا احنا ساكنين بمنطقة يديدة و المفروض تكون كشخة و الناس اللي فيها راقين ..

بس أنا أستغرب من اللي أشوفه صراحةً ..

 

[Freakya]

عساها عادة ما تنقطع ان شاء الله
شدعوة عمرنا ما سمعنا ياهل انخطف و اهو يقرقع
للحين الزمن بخير

و انتوا تبون تسمعون ان ياهل انخطف ولا صار فيه شي يالله تمسكون عيالكم ..

انا قلت الاسباب ليـــش !!

يهال بروحم بالليل .. لو بمجمع جان استنكرتوا .. بس هذول بشوارع من غير ما يكون معاهم احد كبير ..

 

[Freakya]

شدعوه عليج متضايقه عشان يطقون بابج ترى هي 3 ايام بالسنه والله يعيدها علينا بصحه وعافيه

لا هذاك أول .. الحين صار قبل موعده بثلاث ايام .. يعني صاروا سته .. هههههههههههههه

 

[Freakya]

ياحلاه القرقيعان
ليش مايعيشون طفولتهم
شدعوا بنطرش الياهل وين؟

بعدين اختي سمحيلي القرقيعان يطلعون اليهال ورا التراويح ! محد يقطع الصلاه
وعيالنا مايشوتون بيبان

حبيبتي مبين من كلامج انج تخافين على عيالج و معلمتهم الأصول و مربيتهم عدل ..

بس المشكلة باللي ما يدرون عن عيالهم شسوون شنو ما يسوون ..

احنا لو عندنا جرس جان شكلوا عليه ..

ما لقوا جرس شافوا باب جدامهم ..

 

[قلبي ابيض]

لا يمكن عيالي يقرقعون

تسلمين عالموضوع صج القرقيعان الحين رعب بهالشوارع

 

[Dancing^Queen]

رد : ولا خلصنا من سالفة القرقيعان؟؟ ~ والله انعفسنا ..



سمحيلي اختي لااتزعلين
بس جنج تقولين العبايه شي قديم!
هذي مواريث وعادات خذينها ابنا عن جد
والله ياحلاه اليهال لي تيمعو ومشو وقرقعو
وياحلاتهم لي طقو الباب وقعدو يقرقععون كل ياهل يقول الزود عندي ومكشخينه اهله وملبسينه
وتشوفين عيال يرانكم وعيالج يعرفونهم
عساها عاده ماتنقطع
ثلاث ايام او ست ايام بالسنه مو وايد
وحلوه هالعادات اللي ورثناها من عمر

انتي ماقرقعتي يوم صغيره؟
ماستانستي؟
الحين الناس تسوي حفله هالويين! مستكثرين القرقيعان!
سوو حفلات يبا ببيوتكم كلنا نسوي احنا بدال الحفله 3
بس هم مايشبع القلب ولايغني
تلقين الفريج يروش يرووووووش يهال وسبحان الله تحسينه منور غير وزحمه
واكلمج عن مناطق الديره
قرطبه
جنوب السره
الفيحا
الشعب

لاتقوليلي مناطق كشخه يديده راقيه
والله شفت بقرطبه بنات لابسين نفانيف نت اي بورتر ونفانيف انتيك بتيك ويقرقعوووووووون وهذي منطقه كشخه يديده ماشفت احد شات الباب
صج صبيانهم يمشون بقوطي نيدو يطقطقون ويقرقعون بس بناتهم يهبلون

واي وناسه
حسافه اليوم محد طق باب بيتي

 

[بشاييير]

الله يستر عليهم

 

[طير الحب]

رد : ولا خلصنا من سالفة القرقيعان؟؟ ~ والله انعفسنا ..

واى ليش عاده عساها ما ينقطع

الياهل لو بيروح معاه يهال وايد وخدم

والله الحافظ وبالفريج امان باذن الله

عيالى يقرقعون حالهم حالى ايام الصبا

والسالفه مكبرينها شوى كل سنه والناس هذه عادتها شاللى اختلف

والناس بالتراويح اليهال يقرقعون

واى حسيت انه بيى يوم مافى شى اسمه عادات

ومهما كان ياهل يعنى ما راح يسوى شى كبير وويؤذى احد

:jbdwjbd:

 

[غزلان]

ضافت عينج على هالجهال بالله هم الحين ماخلوج تصلين؟؟
يمه شهالعياره
جيس القرقيعان اب دينارين عجزانه تشترين وتعطينهم لا طقوا الباب
عيالج انتي وينهم تنجازين كيفج بس سالفه انهم مايخلونج تصلين تضحك لحد يسمعج تكفين
ومن عمر عيالنا واحنا نقرقع مصاار فينا شي
صج الدنيا تغيرت كل مالنا لاسوء

 

[رنين]

رد : ولا خلصنا من سالفة القرقيعان؟؟ ~ والله انعفسنا ..

و الله عالشعور انا مثلج ماني متخيله اهيتهم يدشون بيوت ما اعرفها....

بس هم لذكرت فرحتنا قبل بها الجم يوم و فرارتنا بالفرجان و المواقف و الضحك يكسرون خاطري
ما تتخيلين شفقتهم عالقرقيعان من قبل لا يدش رمضان و هم حننننننه علي ها الجم يوم

اليوم ما علمتهم ان قرقيعان ماقدرت اوديهم قلت خلهم باجر
دروا من الجرس و اليهال الي يايين و الله ولدي ما بغى ينام يقول بظل قاعد لي باجر لما نروح القرقيعان.....

الي اقدر اسويه اوديهم جم بيت من بيوت اهالينا و اذا قدرت خليتهم يمرون جم بيت من بيوت الجيران و انا ناطرتهم بره و كان الله غفورا رحيما