ولا خلصنا من سالفة القرقيعان؟؟ ~ والله انعفسنا ..

[Freakya]

بنات شلونكم شخباركم ~

::
::

أمبي من ألحين الناس تقرقع ؟؟

و لي ألحين اليهال يطلعون بروحهم بهالليل سواءً بروحهم أو مع خدم ؟؟

ما تخافون على عيالكم ؟؟

يعني اذا واحد خطف أحد من عيالكم (لا سمح الله) الخدامة شبتسوي ..

بتفنقره بحركات الكاراتيه اللي تعرفها ؟؟ و شبيسوى عليكم ؟؟

و تخلون عيالكم يأذون الأوادم .. انزين ليش ماكو احساس ؟

والله الواحد ما يعرف يصلي كل شوي طاقين باب بيته !!

انعفسنا منهم ..

لي حقرناهم ما يروحون الا اذا رديتي عليهم ..

و اذا رديتي عليهم و قلتي مافي قرقيعان قاموا يشوتون بالباب و يسبون و يخربطون على راسج !!

بتقولون لي أي شي !! أقول لكم أمس صارت فينا هالسالفة البايخة !!

ترا مافيها مشكلة اذا انتوا تيمعتوا و سويتوا يوم تقرقعون فيه داخل بيتكم ..

حفلة صغيرة كل عيالكم جدام عينكم !!


بالنسبة لكم ترضون تخلون عيالكم يطلعون بالليل يفرفرون عالبيوت ؟؟

 

[> Miss M6ereiah <]

< كنت اقرقع وانا صغيرة وما انخطفت
شدعوة ينخطفون الحافظ الله بس صاجة اذا ماعندج قرقيعان الله لا يوريج شنو يسوون لوول

 

[الفيروزيه]

ههههههههههههههه انا بعرف انتي ليش حااااره نفسج؟

شوفي قبل في اماان انا كنت اقرقع وارووح لاخر شوارع بيتنا لوووووووووووول كنت هاايته
اما الحيم انا مااشوف ان في امان مثل قبل
والحين الجهال ثالث بيت وجايينج مع الخدامه
والحافض الله لاتحاتين حبيبتي

 

[ساندريلا]

والله انا كنت اقرقع قبل يوم كنت صغيره
مابطلت تقرقع الا لمن دشينا بيت فيه شباب مراهقين وااااااي بغينا نموت من الخوف قالولنا دشوا داخل احسنلكم خل نقعد معاكم وكنا كلنا بنات والله من الخرعه كل وحده فينا انحاشت بصوب
والحين بهالزمن الي في مصايب تشيب الراس لايمكن اخلي عيالي يقرقعون قبل تخافين على البنت الحين والله تخافين على الصبي بعد
ياحلاة القرقيعان بوسط العايله كافي عليهم

 

[ريميا]

قرقيعان ووقرقيعان
انا بنتى عمرهااا سنه خليتها تقرقع على بيت خالتى عادي بس مع الخدامه عاد تدرين وين بيت خلتى جنبنا ههههه
الحافظ الله حبوبه اذا ماخليتهم راح يحتروون اذا خايفه خليهم يقرقعون على جيرانكم بس

 

[Freakya]

ههههههههههههههه انا بعرف انتي ليش حااااره نفسج؟

شوفي قبل في اماان انا كنت اقرقع وارووح لاخر شوارع بيتنا لوووووووووووول كنت هاايته
اما الحيم انا مااشوف ان في امان مثل قبل
والحين الجهال ثالث بيت وجايينج مع الخدامه
والحافض الله لاتحاتين حبيبتي

انا اللي حارني ان الاهالي ما عندم ضمير يخلون الياهل بره البيت بروحه!!

و انتي قلتي قبل في امان و انا كنت اقرقع و انا صغيرة ..

بس هالزمن صراحة يخرع ~

الواحد ما يأمن حتى من يرانه !!

 

[Freakya]

والله انا كنت اقرقع قبل يوم كنت صغيره
مابطلت تقرقع الا لمن دشينا بيت فيه شباب مراهقين وااااااي بغينا نموت من الخوف قالولنا دشوا داخل احسنلكم خل نقعد معاكم وكنا كلنا بنات والله من الخرعه كل وحده فينا انحاشت بصوب
والحين بهالزمن الي في مصايب تشيب الراس لايمكن اخلي عيالي يقرقعون قبل تخافين على البنت الحين والله تخافين على الصبي بعد
ياحلاة القرقيعان بوسط العايله كافي عليهم

صح لسانج !!

 

[Freakya]

قرقيعان ووقرقيعان
انا بنتى عمرهااا سنه خليتها تقرقع على بيت خالتى عادي بس مع الخدامه عاد تدرين وين بيت خلتى جنبنا ههههه
الحافظ الله حبوبه اذا ماخليتهم راح يحتروون اذا خايفه خليهم يقرقعون على جيرانكم بس

هههههههههههه يا حليلها .. الله يخليها لج !

 

[marimor]

لووووول شدعووه حبيبتي ديرتنا اماان من سنيييييييين واليهال يقرقعون بروحهم
واكيد يعني اهاليهم مايخلونهم يروحون بعييد
يفروون حوالين الفريج عاادي تيكت ايزي

 

[حجيه هيونه]

بصراحه انا من زمان ما اخلي بناتي يروحون يقرقعون كلش

يعني كل سنه اسوي لهم احلى قرقيعان بالكويت اترسه كاكاوات والعاب وهدايا واتفنن فيه عشان ما يتشوقون للقرقيعان بره يكون عندهم احسن شي

الزمن يخوف ولو ما يكون معاهم ريال ماقدر اخليهم يطلعون بصراحه يعني

 

[رمانه كويتيه]

رد : ولا خلصنا من سالفة القرقيعان؟؟ ~ والله انعفسنا ..

بعد حتى هذى العاده بتقطعونها خل يقرقعون اشعليكم منهم كلها يومين بالسنه

 

[ماما نونا]

حسب المنطقه في مناطق تخافين خاصه إذ في عزابيه وايد وبنقاليه وهالفئات صج مرات ازعاج بس هم يا حلوها من عاده عساها ما تنقطع
احنا بيتنا ما يطلعون تصير يمعه فالبيت العود ونقرقع كلنا

 

[chanel N22]

شوفي قبل كان غير والله نقرقع ولانخاف
ااما الحين تخافين على اليهال يمكن يدخلون بيت في واحد مو صاحي او شي او احد يخطفهم اذا بتخلينهم يقرقعون ياجيرانج اللي تثقين فيهم او بيت يدهم اذا يمعه هناك
انا لو عندي ولد ماراح اخليه يقرقع اخاف عليه فديته واهو للحين مايا الله يرزقني ويرزق كل محرومه يارب

 

[سرقت النوم]

اشدعوه القرقيعان الحين نفس قبل الحين القرقيعان صار يكلف اكثر من تجهيزات العيد

ندور فناتق الملابس لليهال و التوزيعات

و قبل بساطه و شي حلوه زبيل فيه هالمكسرات و هالحلاو

الحين اللي يوزع كاكاو لندن و باتشي و غيره من الماركات

الله يعينا و الله انا هالسنه ماسويت قرقيعان لعيالي

اصلا اغلب اليهال مايدرون شنو مناسبة القرقيعان

 

[Um Rashed]

والله عااادي لانه اليهاال مساكين يبوون يستانسون ويطلعوون فعادي نخليهم بس يكون معااهم وااحد كبير ... لازم ما نخليهم برووحهم يهيتون لأ ... وصج ترى على حسب المنطقه احنا الحمد لله الحمد لله منطقتنا راقيه وهااديه واكون مطمنه لما اخلي عيالي يقرقعوون

 

[ToOoTi]

صاجة زمان اول كان في امان غير عن الحين اعوذ بالله الناس تغيرت والزمن تغير
احنا نسوي حفلة بالبيت لكل اليهال وكل وحدة تجيب قرقيعان ويستانسون جدام عيونا

 

[درة أهل الطولات]

رد : ولا خلصنا من سالفة القرقيعان؟؟ ~ والله انعفسنا ..

لو عندي عيال ما اخليهم يقرقعون برااا:bbbiu:

اسوي لهم قرقيعان


بالبيت واعزم عيال خوالهم وخالاتهم:wqedqw:

عيال عمامهم وعماتهم لااااااااااااااااااااااااااااااااااااا:rgewrg:


ههههههههههههههههههههههه

 

[Freakya]

بعد حتى هذى العاده بتقطعونها خل يقرقعون اشعليكم منهم كلها يومين بالسنه

يا خوخة ~ انا مو ضد هالعادة .. لكن يهال بروحهم بالليل ؟؟ لو حد معاهم كبير نقول أشوة ..

نفس اللي قالته أم راشد

والله عااادي لانه اليهاال مساكين يبوون يستانسون ويطلعوون فعادي نخليهم بس يكون معااهم وااحد كبير ... لازم ما نخليهم برووحهم يهيتون لأ ...

 

[عيون السواهي]

انا عن نفسي واهلنا كل اعيالنا انيمعهم بالبيييييييت ويقرقعووووووووون احسن بالبيت مع بعض

 

[Freakya]

اشدعوه القرقيعان الحين نفس قبل الحين القرقيعان صار يكلف اكثر من تجهيزات العيد

ندور فناتق الملابس لليهال و التوزيعات

و قبل بساطه و شي حلوه زبيل فيه هالمكسرات و هالحلاو

الحين اللي يوزع كاكاو لندن و باتشي و غيره من الماركات

الله يعينا و الله انا هالسنه ماسويت قرقيعان لعيالي

اصلا اغلب اليهال مايدرون شنو مناسبة القرقيعان

أما هذي ههههههههه .. الأم قامت تخصص ميزانية بس حق هالمناسبة !

بس أغلب الأحيان يكونون أمهات صغار .. عيالهم ما بو جم سنة ..

من رايي أشوفه تبذير .. حلاته كل شي بسيط نفس أول ..