ولايه فلوريدا اقلطووووو

[& الذاهبه &]

مرحبا يا الغوالي


ابونا بإذن الله ناوي يكمل دكتوراه بأمريكا بولايه فلوريدا

اهو خلص الماستر قبل ثمان سنين بولايه نيويورك جامعه سركيوس وقتهاا كنا معاريس خخخخخخ وناسه مافي مسؤوليه

والله يهديه من ردينا وانا احن عليه يخلص وماله خلق :krkrkr:

الحين بجري عمره ثمان سنين ولد وبناتي ثنتين وحااامل بس بولد هني عقب بنرووح عالصيف الجاي

احس مسؤوليه بتصير علي

وعندي بنتي الصغيره مريضه بالتوحد ودكتورتها قالتلها انه فرصه لها لأن مراكز العلاج والتدريب بامريكا متطوره وراح تستفيد باذن الله

فسؤالي عن مدارس العياال هناك شلون بتكووون

واذا احد بفلوريدا ابي تسألوون عن مراكز التوحد الزينه ماعليكم امر

وهل اقدر اخذ خدامه

بليز بنااات انا اللي مصبرني اني اروووح فرصه علاج بنتي الصغيره

 

[& الذاهبه &]

شدعوه ثمان مشاهدات ولاوحده ردت لوو برفع

 

[اختكم بالله]

هلا اختي شلونج

اول شي والله ماعرف شي بفلوريدا بس ان شاءالله الله يكتب لكم كل خير

ثاني شي الله يشافي بنتج يارب والعلاج هني احسن ومتطور

ثالث شي الله يوفق ابوكم ان شاءالله بدراسته

والحياه حلوه لاتحاتين موفقين

 

[ام عبدالوهاب555]

الذاهبة

يختلف الجواب على حسب

ريلك تخصصه ادبي ولا علمي؟

وبيخلص بسرعة ولا ع الراحة؟

وانتي تحبين ولك خلق شغل البيت ولا لأ؟

و أي مدينة؟


ما نقدر نجاوب عمياني!!

عموما اليهال سهالات مدراس وحضانات للعصر

شقق ملمومة او حتى بيت سهل تنظيفه والاكل فيه وايد جاهز ومطاعم

تقدرين تسوقين وتخلصين شغلك ، بس هم لا تنسين كراسي السيارة ولازم سيارة كبيرة تكفي الكراسي

والخدامة ما انصح فيها ، بس فيه خدم عرب ومكسيكان يجون نص الوقت او حتى ينامون عندك

وفلوريدا عموما متروسة خليجيين وسياحة تونس لليهال

موفقة

 

[& الذاهبه &]

هلا اختي شلونج

اول شي والله ماعرف شي بفلوريدا بس ان شاءالله الله يكتب لكم كل خير

ثاني شي الله يشافي بنتج يارب والعلاج هني احسن ومتطور

ثالث شي الله يوفق ابوكم ان شاءالله بدراسته

والحياه حلوه لاتحاتين موفقين

فديتج والله تسلمين عالرد

والله يوفق الجميع

 

[& الذاهبه &]

الذاهبة

يختلف الجواب على حسب

ريلك تخصصه ادبي ولا علمي؟

علمي هندسه مدنيه

وبيخلص بسرعة ولا ع الراحة؟

على الراحه

وانتي تحبين ولك خلق شغل البيت ولا لأ؟

اوووه اذا ماعندي دواام ابدع بشغل البيت

و أي مدينة؟

ما ادري اي مدينه اهوو مايتكلم بس قالي بفلوريدا

ما نقدر نجاوب عمياني!!

عموما اليهال سهالات مدراس وحضانات للعصر

شقق ملمومة او حتى بيت سهل تنظيفه والاكل فيه وايد جاهز ومطاعم

تقدرين تسوقين وتخلصين شغلك ، بس هم لا تنسين كراسي السيارة ولازم سيارة كبيرة تكفي الكراسي

والخدامة ما انصح فيها ، بس فيه خدم عرب ومكسيكان يجون نص الوقت او حتى ينامون عندك

وفلوريدا عموما متروسة خليجيين وسياحة تونس لليهال

موفقة

فديتج ومشكوره والتوفيق للجميع