ولاده طبيعيه ولا قيصيريه

[auoma]

منو الي تقول الطبيعي له آثاره والقيصري احسن وشق صغير
انتي جربتي القيصري اول عشان تحكمين
انا جربت الطبيعي كذا مره وهالمره جربت القيصري
والله ادعي حق كل حامل الله لا يراويها القيصرية والله يسهل ولادتها وتولد طبيعي
القيصرية عذاااب عذاااب والم تحسين انج عاجزه
يمكن الي من اول ولاده قيصريه ماراح تحس بكلامي لانها ماجربت الطبيعي
الولاده الطبيعيه من ثاني يوم بالمستشفى والله اقوم واتحرك ولا في شي عادي
اما القيصري لي ٢٠ يوم ابي احد يقومني من الفراش ابي احد اتسند على ايده
الله يسهل على الجميع

اختي صاحبة الموضوع روحي حق الدكتور حيان الاحمد وانتي مغمضة لان اخر همه الفلوس
ومايفكر بالقيصريه انا بواحد من عيالي كان مقعدي وكنت انا الي ابي قيصريه واهو قعد يقنعني للولاده أني اولد طبيعي والحمدلله الياهل افتر و ولدت طبيعي

 

[beauty rose]

انا جربت القيصرية حمدلله سهله و ما تعبت فيها
بس انا اقولج ليش مو زينة القيصرية ؟
القيصرية مو زينة حق اللي تسويها كذا مرة لان تسبب التصاقات بالرحم تضر الجنين
و التئامها صعب مو نفس الطبيعي بالاربعين تخلصين
القيصرية لازم تقعدين 6 شهور عشان تتأكدين ان العملية التأمت

 

[ام اغلى الناس]

حبيت انبهج انه فيه فتوه حرمت انج تولدين عند دكتور رجال بارادتج

انا ماجربت الا خالده المجيبل حبوبه
وواجد يمدحون نزهت بالسلام

 

[Laymo0ona]

اراجع عند دكتور حيان والده عنده من قبل شاطر

 

[attoosh]

انا جربت القيصري والله مافي شي احسن من ما اشقشقوني من تحت صج اول يومين حركتج صعبه بس بعدين عادي بس في ناس يدلعون شوي وسوون عمرهم كلش بموتون من العمليه مو لهل درجه يعني انا ولدت قيصريه وبعد 5 شهر حملت مره ثانيه والحين انا بالشهر الثامن ولله الحمد مافيني الا العافيه وهم بولد قيصريه ولو اخيرونب ابي قيصريه على الاقل اظل كاني بنت وضيقه ولا وصاخه بالاربعين ولا دماميل رحمي منظفينه بالعمليه وجرح صغير ما ابين ولما اخلص اعيالي في جلسات ليزر تقلل اثر الجرح بنسبة 70 %

 

[Laymo0ona]

جربت الولادتين وشتااان الطبيعي وايد احسن من القيصري واريح بس اسمه طبيعي من الله
ماله داعي تولدين قيصري وانتي مافيج الا العافيه
ومن ناحية الشق الخياط اللي تحت يردج مثل اول ويختفي الجرح نهائي ولا اثر ولاهم يحزنون

 

[auoma]

اي والله ليمونه الخياط التجميلي يردج اضيج من البنت بعد
اما القيصرية واااي عوار مو صج
Atoosh
لاياعمري غلطانه
انتي ماجربتي الطبيعي عشان تحكمين
وااي الطبيعي اريح
بس اول اسبوع يشد الخياط وبعد اسبوع مافيج شي وترضعين البيبي وتشيلينه عادي وتشتغلين وحياتج ترد طبيعيه
اما القيصرية لا تظلين تحافظين لي٦ شهور ممنوع تشيلين شي ثقيل ولا تشتغلين وتشيلين وتحطين والرياضه ممنوعه وغير الكرشه وع وع ولا تقدرين حتى تريدين بطنج

 

[بشر]

اي والله ليمونه الخياط التجميلي يردج اضيج من البنت بعد
اما القيصرية واااي عوار مو صج
atoosh
لاياعمري غلطانه
انتي ماجربتي الطبيعي عشان تحكمين
وااي الطبيعي اريح
بس اول اسبوع يشد الخياط وبعد اسبوع مافيج شي وترضعين البيبي وتشيلينه عادي وتشتغلين وحياتج ترد طبيعيه
اما القيصرية لا تظلين تحافظين لي6 شهور ممنوع تشيلين شي ثقيل ولا تشتغلين وتشيلين وتحطين والرياضه ممنوعه وغير الكرشه وع وع ولا تقدرين حتى تريدين بطنج

والله يا حبيبتي انج حاسه فيني
مشكوره علي الرد وشكلي من كلامج باستقر عند دكتور حيان

 

[بشر]

لبنات مشكورين علي الردود
ليمونه حبيبتي ردج بس كافي انه يحمس الوحده انها تولد طبيعي مشكوره حبيبتي
واللي رفعوا الموضوع الله يرفع مقامكم انشاء الله

 

[Fmzg]

انا في بجري ولدت قيصرية ولما صار عمر بنتي ست شهور حملت بالبنت الثانيه والحمدالله ولدتها طبيعي عند دكتورة ليلى اشكناني تصبر عالوحدة ووايد مراجعاتها اتريح مضبوطة بمواعيدها وخياطها حلو انصحج اتروحين لها الله لايبلي وحدة بالولادة القيصرية والله الم موطبيعي غير الغازات والاكتئاب بسبة البطن المنفوخ وماحسيت بالقيصرية الا لما ولدت طبيعي الحمدالله رب العالمين نعمه والله الحركة سهله والوحدة اتصير كانها بنت اضيجونها من تحت وكل شي يرجع طبيعي والبيبي تقدرين اترضعينه من غير الم ولما تكحين ماكو اي الم او تعطسين مو نفس القيصرية

 

[بشر]

انا في بجري ولدت قيصرية ولما صار عمر بنتي ست شهور حملت بالبنت الثانيه والحمدالله ولدتها طبيعي عند دكتورة ليلى اشكناني تصبر عالوحدة ووايد مراجعاتها اتريح مضبوطة بمواعيدها وخياطها حلو انصحج اتروحين لها الله لايبلي وحدة بالولادة القيصرية والله الم موطبيعي غير الغازات والاكتئاب بسبة البطن المنفوخ وماحسيت بالقيصرية الا لما ولدت طبيعي الحمدالله رب العالمين نعمه والله الحركة سهله والوحدة اتصير كانها بنت اضيجونها من تحت وكل شي يرجع طبيعي والبيبي تقدرين اترضعينه من غير الم ولما تكحين ماكو اي الم او تعطسين مو نفس القيصرية

والله صدقتي على القيصرية
مشكوره حبيبتي علي الرد
والله يحفضلج بناتج ويرزقج الولد يارب