ولادتي منو المفروض يدفعها!!

[** باربي **]

قوليله انت سو العملية وخل يشقونك شق وابرة ضهر وادربات وطلق لا شق بطن على كيف كيفك
ووانسدح بالمستشفى ألم ومسكنات وتالي لويه ياهل وونفاس وترضيع وتغير حفاضات وزقة ياهل وقبلها حمل 9 اشهر وحارج وثقل وزلال وألم وما تقدر تقلب
وانا مستعدة ادفعلك كامل ولا مع هدية عقب الولادة ما تقل عن ألماس

خل نشوف يستحمل هالشي !! وعقبها قوليله تخيل انا اهي اخذه زاهب مزهب ومسمه بأسمي واقولك ادفع كل معاي !!

شنو شعورك يا بوقرض على حرمة!!

 

[** باربي **]

وحطي ابالج انه بيتعود عليج بكل الولادات وبكل شي بيقولج دفعي
ريلج على ما تعودينة
تالي لي ما لبيتيله بينظقر وبتطلعين الشينه
من اول مرة صكري الباب عن مواضيع الفلوس حق سفراتهم مشالله تطلع الفلوس
وقوليله يكفي باجي الكماليات علي
اذا حبيبك حلو لا تاكلة كله عاد

واذا قارناج بحريم ربعه والخمة الي يشيشونة
قارنيه بزوج رفيجتج اختج اي رفيجة خياليه وقولي ريليها شيسوي لها
فوق معاشها يمشي لها مصروف وكل شي وولادات وسفرات
يقولها يا حبيبتي كافي عليج دورج كمرة الي ما يستحملة ريال
يقارن ..قارنية
هذا اهو السلاح للمقارنة لين يوعى انه حتى اهوا مقصر ومو معيشج مثل غيرج
لانه اذا عند كل مقارنه بتدقمين تنازلات
ترى كل مرة يقارنج فيج تنازل بشي معين
اهو كل ساع بيقارنج بوحده يعني تقدمين كل انواع التنازلات على حسب امزاجة باللي يبي يقارنج فيها
وتلقين نفسج سويتي عن الي سووة هالحريم كلهم بشخص واحد الي اهو انتي
حطي ابالج الريال ابهالموواضيع ما ينعطى ويه عودية على انه اهو المسوول والقوامة عليه بكل شي مو بس بالتحكم

 

[&&&&&&&&]

اختي العزيزة

ارجو ان يكون الكلام عن الوقائع التي نعيش فيها

الحياة الزوجية لا تقف عند حد المال وانما السعادة الزوجيه في المساعده وانا من رأيي ما فيها شي لو دفعتي وانتي اكثر وحده تعرفي ظروف زوجك

اختي العزيزه

باربي

حرام كذا تعمدي الزوجه على زوجها شكلك مو مجربه الحياة اللي عايشتها اختنا

​

 

[حبيبي مالكني]

اذا ريلج مقتدر عليه
بس اذا لا وانتي تبين مكان كشخه وغالي فاكيد لازم انتي تدفعين

 

[RowTow]

إذا ولادتج خاص اسمحي لي بس المفروض عليج.
إذا يبي يدفع فضل منه, و إذا ما يبي بكيفه.
و لوازم المولود الأساسيه عليه, شوفي قلت الأساسيه مو ملوت التفشخر و الكشخه.
و نفس الشي لوازمج من أكل و جسوه و غيره عليه, هم الأساسيه مو ملوت التفشخر و الشغل الأوفر.

أما تلميحاته عن القروض و مادري شنو تجاهليهم ليما يكلمج صراحه, ساعتها قوليله الحق.

آنا مدرسه, و معاشي أكثر من معاش زوجي.
و يمشي لي بالشهر 100 من قبل لا أتوظف ليما ألحين. نعمه و لله الحمد, هو مجرد شي رمزي عشان يكون قايم فيني و بحاجاتي.
خدامه ما عندنا ألحين بس لما كانت موجوده معاشها عليه, مره بس عطيتها آنا معاشها لأنه كان محتاج, و ردهم لي إذا ما كنت غلطانه.
ماجلة البيت عليه.
إذا احتجت ما يقصر, بس بالغالب آنا بعد أعطيه و ما أقصر معاه لأنه يفلس قبلي. بس مو قروض و خبال لأ.
احتاج 10, 20, 100 أكثر. أعطيه.
لأن أدري إن اهو يعطيني و لو معاه ما يقصر علي.

شرالي سياره و هو سيارته مكسره و آنا موظفه و قسطها عليه.
في ناس تستاهل الطيب.
و عسا زوجج يكون منهم.
بس انتي بعد صيري طيبه معاه.

إللي ملاحظته على الحريم إنها الشغلات الأساسيه تتنازل عنها و تمسك بالرتوش.
يعني اهي اللي تدفع أجار الشقه و هدوم عيالها و ماجلة البيت, و رايحتله تبي منه فلوس تشتري فيهم جناط و ساعات.

نظمي أمورج بالمنطق و حطي النقط على الحروف.
و إن شاء الله ألحين تكونين ولدتي بالسلامه و مافيج إلا العافيه

آاا و نسيت أقول, مراجعاتي النسائيه بالخاص مني آنا.
آنا ما أتعالج بس أراجع, و التحاليل علي.

 

[فرفورهـ]

خلي امه تدفع او اهو شكو انتي

 

[مسؤولة تعيين]

استغرب من الي تقول المدرسات رواتبهم قويه وبس يبون الريل انا مدرسه ومتزوجه ولازم يدفع ولادتي شنو ليش مطيحين من حظ روحكم وبعديت اتجبجون ريلي مايعطيني ومايسويلي ياسلام يا اولد بالحكومه يايتزوج علي الصراحه الي منطقها جذي هذي اساسا قاطه روحها قط عالريال شالسالفه لي هالدرجه الوحده ميته عالريل والله زين

 

[Miss independent]

مسؤوله اصلا هذا ريال وفيه عقد ع الحريم وقاعد يطلعها اهني لووول
للعلم مال الزوجه للزوجه لو عندها ملايين وزوجها عنده دينار مو ملزومه تدفع فلس واحد للبيت
الحق عليه اهو
اهو الي يدفع
هذا بالشرع بعد قولو الشرع مو عاجبكم

 

[بطوووطة$بيضة]

يااللي فوقي يكون ابعلمك

في رياييل لماتخطب تقول عندي وعندي واملك

وحزة الزواج يقول ترى انا عندي ديون وقروض !!!!!

ولما تساله عن شنو هالقروض ؟؟؟؟؟!!!!!يقول والله كنت اسافر وايد وكنت شاري سيارة بلمبلغ الفلاني بس اندعمت وماتصلح !!!!!!

هذوووول اشلووون تتفاهم معاهم ؟؟؟؟!!!!

انته ريال مثلهم رد علي وقول اشلون؟؟؟؟*

 

[رق رق]

لا مو ملزوم اهو يدفع

واللي تقول لازم يدفع مو ولده

ليش اهو مو ولدج بعد ؟ شرايج تروحون الشؤون تاخذون ولد واثنينكم تفتكون من مصاريف الولاده

مو احسن ؟

شالحجي اللي ماله معنى

انتي تبين خاص تحملي , انت اللي راح تعانين مو اهو , اهو قاعد بالدوانيه ناطر تلفون وقاعد يلعب كوت مايدري عنج

اذا انتي تشوفين الخاص اريح و الولاده سهله وماتحسين بشي خلاص انتي تحملي التكاليف

وله الولاده ما تتأجل , اذا وصل يومج خلاص بعد , يقولج حكومه ياعمري , خاص ماعندي

بتقولين لا ماراح اولد لما تودين خاص وتدفع ؟

مو كيفج , اذا وصل الطلق بتقوليله يامعود ودني حتى لأم سعيد ولاده بالبيت المهم فكني

راح تشوفين ردود بعض البنات يقولون لا غصبن عليه اهو يدفع

واللي تقول معاشي ماله شغل فيه اهو يتحمل كل شي

صدقيني هذوله يتكلمون من ورى الشاشه ولا تدرين عنهم , ماتدرين اذا جدامج هني مسوين روحهم يعني اللي مقطع السمكه و ديلها

واهي ما تتجرأ تحط عينها بعينه , وعمره مادفع لها دينار , وهذا حاله اللي فيهم نقص وحتى من خلف الشاشات مانسلم من الجذب

شوفي يااختي اللي تكدس معاشها وماتدفع دينار لا لبيتها ولا لنفسها ولا لزوجها هذي مافيها خير

وتبوس ايدها ان صابر عليها ومتحملها وله والله انها ماتقعد عندي دقيقه وحده دام طبعها البخل و جمع الرواتب وبالنهايه شاريه جنطه ب500 دينار او لاعبه فيهم بالمجمعات وزوجها من عزه نفسه مايقول لها محتاج عندج فلوس

تشوفينه يروح يتسلف من امه و خواته واهي مايقرب صوبها , اذا شفتي زوجج وصل للمرحله هذي

اعرفي ان مالج اهميه بحياته , و قعدتج معاه نفس روحتج لبيت اهلج , ولو تقعدين عندهم سنه مايحس بفراقج ولا يهتم حتى

متزوجه ليش ؟ عشان تاخذين واحد يكد عليج وبس ؟ طيب ليش موظفه اساسا , يعني هاده بيتج وعيالج ومسؤولياتج المنزليه ورايحه دوام عشان تكدسين فلوسج وتطيرينهم عالخرابيط

واخر شي تقولين الولاده على منو ؟ الحكومه حاطه مستشفى للولاده , يقطج هناك ولا عنده فيج بتقولين مابي

اقعدي بالسياره لين تولدين , وطبعا ماراح تقعدين غصب عليج تنزلين وراح تزعلين

وزعلج ان طول راح يكون فتره الاربعين بس وبعدين راح تعرفين انج غلطتي وان مو كل شي تجميع الفلوس بالحياه الزوجيه

ان كنتي للدرجه هذي بالبخل لا تتزوجين , او قدمي استقالتج وقوليله مابي اداوم , شرط ماتطولين سنه الا انتي مفصوله عنه

تدرين ليش ؟ يقول اولا انا ما استفدت منج يوم كنتي موظفه , كل اعباء الحياه علي وانتي ولا همج شي غير التسوق واللعب بالفلوس

والحين زدتي الطين بله وطلعتي من دوامج يعني حتى كروت التلفون راح تاخذينهم مني

شاللي حادني و جابرني عليج , اشوف غيرها 100 وحده والمدرسات ماشاء الله راتب قوي و يبون المعرس بس , اخذ بطاقتي مالت البنك بس تزوجني

وهذي حقيقه ترى , وكلكم تعرفون الشي هذا وكلكم مروا عليكم بنات مستعده تتنازل عن كل شي بس انها تتزوج

يدزج بيت اهلج ويشوف مدرسه تعرف شلون توقف مع زوجها وتعرف مصرفها ولا عندها خرابيط مثل خرابيط هالايام جناط و نعال تكرمون و ساعات واكسسوارات

ياخذها وتعطيه اللي انتي ماعطيتيه , تدري شنو تعطيه ؟ تعطيه الحب و المسانده وماكو رجل مايبي هالشيئين

تعطيه الحب لأن ماعنده مشاكل معاها والمسانده اللي كل ما قال أ سده حلقه ببطاقتها وقالته البطاقه وصاحبه البطاقه تحت امرك

اما انتي شنو تعطينه ؟ متكدر طول اليوم , كل شوي شاريه شي مايسوى وكل شوي ابي فلوس وابي فلوس واغراض البيت عليك والاطفال عليك ومصرفي عليك و الخدامه عليك

مو ناقص الا تحطين مصرف اهلج عليه بعد , والحياه مولعه نار والاسعار كل يوم تزيد , ماراح تكون نفسيته حلوه حتى معاج دام سوالفج كلها عن فلوس معاه

بس انتوا مشكلتك تبون تصيرون الاقوياء بس , كل وحده تحاول توري الثانيه انها مسنعه زوجها وله بالصج ماعندها ماعند جدي

هذا الواقع لاتقصون على بعض , واي وحده فيكم حاطه كل شي على زوجها والله انها ماراح تستمر معاه طول العمر

راح يجي اليوم اللي يدزها بيت اهلها ويشوف غيرها سنعه تعرف شنو معنى الزواج , حتى لو ما طلقها وتزوج عليها , راح يتعرف على غيرها , لأن الرجل ان حس ان في نقص 1% من زوجته راح يبحث عن النقص هذا بغيرها

واغلب المشاكل عندنا بسبب هالسوالف , كل مشاكل المتزوجين بالكويت بسبب الفلوس والمصرف

ولكن المشكله الكبيره ان اغلبكم ماتتعلم من تجارب غيرها , واغلبكم تحب تأذي زوجها عشان تسولف عند البنات او رفيجاتها انها مسنعه زوجها و انها امرأه قويه مسيطره

وماتدري ان الرجل مايتشكى منها جدامها , راح يسكت ويشيل بقلبه , واهي على بالها انه مرتاح على الوضع و تظل تتمادى لغايه ما يطيح الفاس بالراس

وحزتها ماكو شي يشفع لها جدامه لأنها ما عملت اي خير بحياتها معاه سوى حب التملك والسيطره العمياء على زوجها

وصدق القائل

قد اسمعت لو ناديت حيا ولكن لا حياه لمن تنادي

معاااااها مليوووووون بالمئه
عندنا مستشفيات حكومه امخلينها للاجانب واحنا بالاف ندفع حمدالله وشكر
المشكله الخاص مايتحمل مسئوليه يعني اذا صار فيج نزيف بتموتين ولا الياهل ، علطووول مع السلامه روحي حكومه اذا ماصار فيج شي بالطريج

 

[123tootaa_q8]

يعني لازم خاص روحي حكومة. ?

 

[قمرية الفيس]

انا اول شي قال كل شي علي بعدين قام يمدحلي مسلتشفى الحكومة قلت يبا اهوى حرام تو شاري سيارة ونزلغ زلغة خن اامن على نفسي وادخل جمعية وخليها عند امي وياولدت الا مضبطة عمري عن الصدمات وخليته يقوم بتجهيز البيبي وغرفة الاستقبال وكل شي والله اهوى حبيبب بس لانه مومايد المستشفى الخاص فخفت يوهقني

 

[! بــدويه وآآيــد !]

،


والله اعرف وحده ولادتها بـ ألف وهي بالمستشفى دقت على زوجها قال لها ماراح ادفع قالت له اوكي ولبست وشالت قشها وطلعت من المستشفى وخلت البيبي بالمستشفى قالت له اذا تبي ولدك روح ادفع فلوس ولادته وطلعه انا دوري خلص وراح دفع ولحقها للبيت وعطاها الولد لووول والله ماينفع معاهم الا العين الحمرا !

 

[Business Girl]

الولادة المفروض ان الزوج يدفعها بس اذا وضعه مايسمح مايمنع ان الزوجة اتساعده

 

[ليمونة وزيتونه]

انا بقولج سالفتي انا قلت ابيك تدفع لان حملت عقب سنه ونص من زواجنا ان فرحتنا وجذي تدرين شنو قالي
قال امي وخواتي وحريم اخواني كله حكومه شكو انتي خاص ماراح ادفع لان مو شي الزامي في مستشفيات حكومه
وانا دفعتها لاتصدقين كل وحده تقولج غصبا عليه يدفع ولاتساعدين هذا ضناج اشتري راحتج ياقلبي
والفلوس تروح وترد بدون معنا بس اخذيها من غير الولاده لاتخرببن ع نفسج وسلااامتج

 

[مكتومه]

البيبي لسه مسكين ما طلع على الدنيا وانتو هواش اجل لو جى وبعدها مسؤليه

ملابس وحليب حفاظات علاجات مدارس و و و و ؟؟ وش بيصير ؟؟ هونيها تهون
صعبيها تصعب .. الحياه لا زم فيهاا تضحيات وصبر وحكمه مو كلا شي نبيه ع الكيف يستوي .. الله يكتب الى فيه الخير

 

[رجفة وهم]

طيب عادي وش فيها إذا ولدتي بمستشفى حكومي بدال الخاص مافيها شيء لاعيب ولاحرام

بتبذرين فلوسك خلي فلوسك للأشياء المهمه بعدين

ولاتعودينه أنك أنتي تدفعين بيتعووود بعدين لاتصيرين مثلي نصيحتي لك

والله يسهل عليك ويقومك بالسلامه

 

[الغـــــزال]

أذا مقتدر مافيها شي يدفع حساب الولاده...لكن أنتي تقولين عليه أقساط وعارفه ظروفه
أن جينا للحق تراه يقدر يقولك أولدي في مستشفى حكومه...بس زين منه أنه قالك الحساب بينك وبينه

فأنا أقول الولاده أهم من الآستقبال وباقي الكماليات

والله ييسر أمرك و تولدين بالسلامه

 

[^^Rq8^^]

حبيبتي نصيحه لج من وحده اكبر منج بالعمر​

لاتعودين ريلج على البخل ​

مصاريف ولادتج اهو يتكفل فيها ​

اما الشغلات الثانويه من اكسسوارات الاستقبال والكفر والحلو هذي حسب مقدرتج سويها​

لكن شي متعلق بصحتج انتي والبيبي لازم اهو يقوم فيها​

خل يزعل اذا قلتيله جذيه ​

لكن صدقيني عقبها راح يتعدل ​

كلنا عانينا من موضوع مصاريف الولاده ​

يستسبعوون باول ولاده اللي يقولج دفعي واللي يقولج اولدي بحكومه ​

بس احنا موبكيفهم ​

اهم شي صحتنا وصحه اعيالنا بالدنيا​

سوي نفسي : فلووس المستشفى قولي ماعندي​

وذا قالج روحي حكووومه قوليله انت ترضى انكشف على ريال ​

يمكن اذا رحت يكون الشيفت دكتور ريال يولدني .. انت ترضاها​

ولا يمكن اييون طلبه الطب عشان يشوفون الولاده ويتدربوون عليها ​

تبي تنكشف عورتي جدامهم ؟؟ ​

ولا تبيهم يجربوون فيني انا وولدي ؟​

خليج مصره على رايج وانشالله ربي بيهديه .​

انا معاها

 

[مزيان الروح]

الزوج هو اللي يتكفل بمصاريف الولادة ... بس حبيبتي لا تضغطين على ريلج اذا هذي امكانياته ولا يقدر مثل ما قلتي عنده التزامات واقساط وانتي اذا مو حابه تشاركين معاه لا تحملينه فوق طاقته وخلي الولادة تصير بمستشفى حكومي ولا مستشفى اسعاره معقوله ... والغرفة اللي بيتج مايحتاج تسوينها الحين واذا على استقبالج اللي يبيج يزورج عندج امج وانتي تتنفسين عندها ... مد ريولك على قد الحافك