ولادتي منو المفروض يدفعها!!

[غلأأأأ مغليهأأأ]

الله يهون عليج انشالله اهم شي السلامه

 

[EleGanZa]

الله يسهل عليج ان شاءالله

وانتي تقدرين تقدرين ظروفكم اذا يقدراو لا

 

[نجدية2011]

الله ييسر اموررك

 

[كتكوته نورة]

والله أنا اشوف عادي ما تفرق ونص عليه ونص عليج ،،، المهم ايي البيبي بصحة وعافيه

والا الفلوس تروح و آتيي ،،،

بالسلامة ان شا الله

 

[a7la_7b]

الولاده على الزوج طبعا بس هو مو مكلوووف بالاستقباال بس اذا ماعنده صج وماقدر انتي ساعديه مافيها شي زوجج انتي اذا احتجتي بيساعدج

 

[دلوعة العايله]

طبعااااااااااااااااااااااااا هو دام انه مقتدر والحمدالله وظروفه زينه وانتي ان شالله لو اغنى وحده بالعالم هو ملزووووووم فييييييييج حتى لو ماهمج بتدفعين ومو ناقصج شي بعد هو ملزوم


والله خوووش ريايييل اخررر زمن،،، شو فايدتهم عيل مب كفايه تعب الحمال والولاده والخ اصلا مب بس مفروض يدفع لج الا يدلللللعج بعد

وصحيح كلامج لاتعودينه لازم يتحمل المسوؤليه كاااامل

والسموحه فديتج والله يسهل عليج ياربي

 

[الشيخات]

والله رياجيل هالزمن مايهمهم ولاعندهم إحساس صدقوني عن تجربه

 

[للدموع قصه]

اختي تبين الصراحه

المفروض تولدين في مستشفي حكومي واذا انتي تبين مستشفى خاص انتي الي تحملينه اهو شكو

امه المولود بكل تأكيد اهو الي يجهزه

وهذا هو عين الصواب

 

[dantella]

اذا ريلج زين وشايلج وقايم فيج ليش لاء يستاهل تساعدينه مافيها شي
بس اذا العكس لالالالالا

 

[NICE BABY]

دام انج ولاده قيصيريه روحي حكومه احسن لج رعايتهم احسن بس اذا طبيعي لا روحي خاص والحياه مشاركه ساعديه مافيها شي ريليج هذا وانتي ادري فيه واخذيها نصيحه من اخت محد يعرفه كثرج انتي تصرفي ولا تاخذين راي اي احد بخصوصياتج الزوجيه الزوجه من تسال غيرها عن اي شي يخص حياتها معناتها بدت نتهي حياتها الزوجيه بعيد الشر عنج ولا تخافين بتولدين باذن الله بالسلامه والله بيسهل الامور باذنه تعالي*

 

[المرفأ~~]

وعليكم السلام ورحمة الله وبركاته

نفس الموضوع اللي صايرلي بس انتي احسن مني شوي
انا من عرف اني حامل طبعا " البجر " قال الله يعينج جمعي فلوس ولادتج

تبين خدامه يللا اليوم قبل باجر احطها باقامتي ماعندي مانع بس الفلوس منج ؟؟؟؟؟؟؟؟

اما المتعارف عليه الولاده على الرجال بس انا لو نص بنص راضيه

 

[كتكاته وبس]

هذا ولدج وصحتج وعافيتج يعني انتي اللي بتدفعين ولا تسوين صجه وزعل والله لا يقدر تكبر السالفه والله والله ان ولاداتي كلها علي في الخاص ابي اعيش ما بي مشاكل على اشياء تافهه والله اني مو موظفه بس عندي خير من ابوي الله يرحمه لا يقصون عليج البنات لازم اهو لالالالا بكيفه اذا دفع طيب منه وكرم طعيني خلي حياتج تمشي ولا تزعلين نفسج على شي ما يسوى الفلوس تروح وتجي وانا اختج والله اني على وشك ولاده ولا كلمته ولاراح اكلمه ابي استانس بالمولودمابي شي يعكر صفو حياتي عيشي ولا تخلين وصخ الدنيا يخرب حياتج وبعدين ماينفع الندم

 

[كويتيه شقرا]

طبعا اهو يدفع ولا يبي كل شي بالساهل 100 علي 100 علي 100 يسون شي بس ادا اهو ما يبي شي ثاني لان الي بيي ولده بيشيل اسمه وكبرته ولا تقولين لاهلج يدفعون لان تنتهي مسؤليه الاهل عند زواج بنتهم وموفقه

 

[kim-kardashian]

اذا الزوج الله مغنيه ليش يبخل على زوجته واذا على قد حاله يسوي الي يقدر عليه او يشارك زوجته بالفلوس في كل شي مو بس الولادة مو عيب .. اما الحجي عالزوجات الي لسان هالطوووووووووول وعطني وعطني وهم يدرون شنو وضع ازواجهم الي ما يترس عينهم الا التراب الله لا يبلانا بجنة مثل هالنوعية ..

 

[ماكنتوشه بنفسجيه 12]

مشكورين بنات ماقصرتو
منو انت انا مو بجريه عندي 2 بس ماكنت موظفه وكل ولاداتي خاص لاني اتعب وااجد وهو يعرف هالشي بس مادري شفيه صار بخيل من توظفت وكله حاط عينه على معاشي اني مدرسه واهو لما يتسلف من ربعه مومحتاج يشتري فيهم خرابيط يايشتري طير او سياره سكراب او شي تافه موضروري
واليوم امه قالت ولادة مرتك هديه مني ولما رحت الطبيب مراجعه مادفع ولاااشي حتى الفوليك اسيد ب600 فلس قالي انزلي ادفعي!!!
مدام امه بتدفع ولادتي ليش مايدفع مراجعاتي؟؟ انا موبخل بس مستغربه منه حتى لو معاشي مليون الرجال ماياخذ من مره واللي في بطني ولدي وولده موبروحي؟؟

مااعتقد انه قصر معاج لما ماكنتي موظفه ... وكان يولدج بخاص مرتين !!!

ومافيها شي اذا ساعدتي زوجج .. ترى هذا شريك حياتج مو عدو لج ...

بالعكس اعطيه وعسل على قلبي مابينا سلف ولا غيره .. الحياة تعاون ماوقفت على جم فلس ...

الوحده من تتزوج مصت معاش الرجال ونتفته .. شنو هذا !! وين قاعدين .. غصب الا انت تدفع كل شي .. الوحده ماتحن من نفسها تروح تشتري شغل البيت كماليات البيت .. هالشغله غريزه بالمره ... بس انا الاحظ حريم كلش مافيهم هالغريزه ... كل شي يهون عندها الا انها تدفع فلس عالبيت ولا عيالها ولا نفسها ...

ترى الرجال مايحب هالنوعية من الحريم .. نظام مابي اعوده ... بس بياخذ عن المره فكره انها بنت فقر او بخيله او او او ...
استغفر الله في ناس مادري شلون تفكر ....


كلامي مو موجه لج ياصاحبة الموضوع ... لفئة من الحريم اللي تنتف معاش الرجال عالاخر ...






سبحان الله وبحمده
سبحان الله العظيم

 

[مسؤولة تعيين]

امستشفى عليه طبعاااااااااااااااااا بس باجي سوالف الاستقبال عليج

 

[Kaido]

اذا يقدر عليه اما اذا معاشه على قدكم و جذيه ساعديه مافيها شي فلوسكم وحده واذا تبينا يدفع عيل لاتسوين استقبال هناك يطلع ارخص ؛)

 

[بهبهانيه]

انتي ادرى بوضع زوجج لو شايفه انه مرتاح وعنده فلوس اهو لازم يدفع
اما لوشايفه انه ما عنده وانت تقوليين عنده اقساط يعني مسكين يروح يتسلف من الناس وزوجته عندها فلوس
لا اكيد بتوقفي معاه الدنيا تعاون وانشالله تقومين بالسلامه ويكون البيبي وجه خير وربي بيعوضج انشالله

 

[MzOoOn 22]

تبين الصج انا بالمراجعات ادفع لنفسي واذا الله تمم علي الولاده علي الله مغيني عنه وانا مثلج مدرسه وابي الراحه .

هو اول جم مراجعه كان يدفع عقب موقف بيني وبينه ع فلوس ابد صار مايدفع وكلمته وقال ماراح ادفع ولا فلس لانج بخيله كان وقتها يبي ياخذ سياره ع حسابي اقساطها علي عرفتي وقتله لا ومن حقي طبعا !

المهم وصرت اتجاهله وانا ادفع لنفسي الله يخليلي معاشي وفلوسي ...

ولا قاللي الخدامه عليج قلت احمد ربك ادفع مراجعاتي !!!

واللحين ابي اخذ منه فلوس لليبيي وباحاول فيه واذا ماعطاني صج بقلب السالفه عليه لانه مايصير يشيل ايده

بس ترا ليش اقتنعت انا لانه اذا طلبت شي للبيت مايقصر .. فمابي اخرب حياتي عشان فلوس ترو وتجي وفلوس معاشي بتروح لي وللبيبي الله يحفظه

 

[Miss independent]

امبييييه لا طبعا كل شي عليه
شبقا بعد
منو الريال انتي ولا اهو وعلى شنو القوامه
تحملين وتولدين وتتحملين مصاريفج بعد ياسلام
حدي احترييييت
للعلم فلوسج الخاصه ماله حق فيهم وانتي اذا بتشاركين لازم باقتناعج التام وبكيفج مو اهو يقنعج
والرياييل بالدواويين كلهم يهايطون ويجذبون على بعض
وتلقين اهوا يصرف ع المره كل شي وقاص على رفيجه مرتي تصرف علي
نبهيه لا يخربون حياتكم
والله مادري شلون مايستحون يقولون المره تصرف علينا !!!!!!
عش رجبا ترا عجبا