هذه معاناة الموظفات دايما ازواجهم حاطين عينهم على الراتب ورفيجي سوى ومرته عطته وموال ماله نهايه يقهرون ويرفعون الضغط رفيجتي تشتكي من زوجها يبي ياخذ منها بطاقة البنك ويتصرف بالراتب ويعطيها مصرفها بيدها يقول علشان يحس ان رجال البيت
شوفي اختي مصاريف الولاده والتجهيز والمراجعات على الزوج ومن حقوقج الشرعيه وماله حق يجبرج تتحملين تكاليف الولاده او المراجعات وابدا لا تتنازلين عن حقج اهو زوجج ومسئول عنج وعن البيبي ومصاريف تجهيزه حابه تساعدينه عن طيب خاطر لا مانع بس يجبرج ويغثج لا والف لا وانتي بإسلوبج و ذكائج تخلينه يتحمل. مسئوليته كامله لكن اهم شي بيني له انج ما تقدرين تتحملين اي مصاريف لان عندج التزامات والمفروض زوجج ما يعرف تفاصيل راتبج لانه شكله دارس الموضوع وعارف شكثر تصرفين وشكثر توفرين
انا مو موظفه زوجي عرف اني من النوع اللي يوفر صار يحط كل شي على راسي حتى تكاليف الولاده قالي انتي تدفعينها هذا وانا مو موظفه عاد خبرج بكيد النسا رحت فتحت حساب من وراه واحط اللي اوفرهم فيه وحسابي الاول مكشوف عنده و صرت اطلب واقول ما عندي وما اقدر اشتري واجهز نفسي لين الاخ غسل ايده مني وتحمل مصاريف الولاده وتجهيز البيبي وطلاعتي بعد واللحين خايفه من الوظيفه اتوظف وافتح على نفسي باب ما يتسكر
اما سالفة السلف لا تسلفينه لانه انتي اخر وحده يفكر يرد لها فلوسها خاصه وان بعض الازواج يعتقد ان حلال مرته هو حلاله ويحق له يتصرف فيه من غير رضاها وانسي شي اسمه تاخذين قرض او سلفيه علشانه هو الرجال وهو يتحمل مسئوليته كامله يمكن البعض ما يعجبه كلامي لكن صدقيني كل كلمه قلتها هي نتيجه تجربه عشتها وعانيت منها الزوج يحب يحس برجولته لما يشوف حاجة زوجته له اما اذا لقى العكس فما راح يطوف اي فرصه حتى لو كانت صغيره علشان يستفيد منها وما يهمه النتيجه المهم انه يستفيد في شغله لفتت نظري ان زوجج عادي عنده يتصرف براتب امه هذا والمفروض هو اللي يعطيها ما ياخذ منها يعني هانت عليه امه !!
انصحج تقرين قصص ناعمه الهاشمي تكلمت عن هالامور واااااااايد واحنا للحين نطيح بنفس الغلط وما نعتبر من اخطاء غيرنا
وارجع واقول اذا انتي حابه تساعدينه بطيب خاطر ساعديه لكن بعد ما تضمنين انه ما يقصر معاج ويحط كل شي على راسج ترى كل رجال يختلف عن الثاني في اللي ما يرضى ياخذ من زوجته حتى لو انه محتاج وفي اللي بالطالعه والداخله هاتي هاتي وانتي بذكائج تعرفي على الاسلوب المناسب للحوار مع زوجج واللي تحسين انه بيعطيج نتيجه وتحاوري معاه بكل هدوووء
والله يسهل ولادتج ويقومج بالسلامه
