ولادتي منو المفروض يدفعها!!

[الدلال]

ماعليه تناصفي تكاليف الولاده بينج وبينه

 

[زوجة عزيز]

اذا عندج حاليا دفعي وان شاء الله اهو بيعوضج والله يقومج بالسلامه يارب ويقوم صديقتي الغاليه فوفو بالسلامه يارب ويسهلها عليكم

 

[قطوووة]

كلن حسب ظرؤفه
الله يسخره لج

 

[بخـــارى]

معاشج مقابل هدتج لبيتج وعيالج وانا اشوف انه هالشي يصير بالاتفاق مابينكم اذا ماعنده خلاص انتي تدفعين انتي قاطه على نفسج وراحتج وصحتج
والله يسعل عليج ويقومج بسلامه

 

[جديده 1]

اهو مجبور يدفع تجهيز البيبي و تجهيز النفاس 100% .. و الباجي مو مجبور .. لان اكو مستشفيات حكوميه يقدر يقولج اولدي فيها انا ماعندي .. مثل ما قالوا البنات انتي ادرى بحال ريلج ووضعه المادي .. ان كان صج يقدر و لكن يبيج تقاسمينه المصاريف " اشوف انه من حقه " فعادي قطي معاه .. و ان حسيتي انه هالشي راح يجر وراه اشياء و طلبات وايد مثل " قطي معاي اجار الشقه ولا ماجله البيت " لا يبه اشتري راحتج و اولدي بحكومه عشان لاطلبج قولي له انا ماعندي ادفع لولادتي عشان اعطيك .. موفقه

 

[لباسةالعقد]

ياحليلكم مراجعاتي وولادتي بخاص وتجهيز البيبي كله مني

 

[سكوتي بذوقي]

هو المسئول

بعدين لايقارن حياتكم بحياة ربعه

 

[Om mriom]

الحياه الزوجيه شراكه يعني اذا مايقدر ساعديه لاهو عيب ولاحرام وهذا زوجج وابو عيالج اذا انتي ماوقفتي معاه منو بيوقف معاه
خلي سالفة الماديات عنج توكلي ع الله وترا في ناس مايدفعون الفلس بالولاده ع الاقل انتي بيساعدج

 

[عيوني مودي]

والله بالنسبة لي ولا ريال دفعتة
من المستشفى الى الاستقبال ولبس البنت كافي علي الحمل والولادة وتعبها
بعد بيعصر جيبي واعتقد حسب الاعراف فية ناس عندهم عادي وناس عيب هي
تدفع وتساعدة والفلوس الي يوفرها يمكن يتزوج فيها عليك ههههههه
الله يهون عليك

 

[ابلة لولوة]

حبيبتي نصيحه لج من وحده اكبر منج بالعمر

لاتعودين ريلج على البخل

مصاريف ولادتج اهو يتكفل فيها

اما الشغلات الثانويه من اكسسوارات الاستقبال والكفر والحلو هذي حسب مقدرتج سويها

لكن شي متعلق بصحتج انتي والبيبي لازم اهو يقوم فيها

خل يزعل اذا قلتيله جذيه

لكن صدقيني عقبها راح يتعدل

كلنا عانينا من موضوع مصاريف الولاده

يستسبعوون باول ولاده اللي يقولج دفعي واللي يقولج اولدي بحكومه

بس احنا موبكيفهم

اهم شي صحتنا وصحه اعيالنا بالدنيا

سوي نفسي : فلووس المستشفى قولي ماعندي

وذا قالج روحي حكووومه قوليله انت ترضى انكشف على ريال

يمكن اذا رحت يكون الشيفت دكتور ريال يولدني .. انت ترضاها

ولا يمكن اييون طلبه الطب عشان يشوفون الولاده ويتدربوون عليها

تبي تنكشف عورتي جدامهم ؟؟

ولا تبيهم يجربوون فيني انا وولدي ؟

خليج مصره على رايج وانشالله ربي بيهديه .​

 

[Cute_Buni]

المفروض اهو يدفع بس اذا صج ماعنده ساعديه ..
والحياه الزوجيه شراكه !

 

[ياليتهم يشعرون]

شنو فيها دام عندج عطيه لاتقولين انج مو بخيله طبعا بخيله شنو تسمين هذا انزين تقولين كل شي عليج كا انتي معودته وخالصه
الله يهديج هذا ابو عيالج

 

[أم ميميتو]

حبيبتي اذا ظروفكم ما تسمح ترى مستشفى الحكومه ما يشكي من شي انا ولدت بالحكومه احس ما فيها شي لا تحملين الريال فوق طاقته بصراحه هو مو مجبور يدفع حق مستشفى خاص دام تقدرين تروحين مستشفى حكومه هذا رايي و تقبليه

 

[Om_Ksha]

سالفه انه مايدفع كووووم

وسالفه انه يدعي على ولده اللي مانولد كوم ثاني ,,

والله لو انا اسويله سالفه ,, ماكو شغل يدعي على ولدي اللي مانولد وكل هذا عشان شنو وصخ دنيا !!
في ناس يقطون بالالالالاف عشااان ظفر بيبي وهذا مستكثر عليه جم فلس

 

[بنوته كيكه]

شوفي المفروض انتي ادرا وابخص في ريلج عليه اقصاد وديون اوكي حبيبتي
يعني لزم تقدرين حالته الماديه محرجه ادري انه المفروض اهو يدفع بس عليه ديون
اما بخصوص قروض نصيحه لا تاخذين الدينا ما ينقال عليها شي بكره الايام
ومثل ماقالو سو قطيه بينكم انتي وياه والحياة تعاون

 

[Loloki]

وليش خاص وليش ماتروحين حكوومه قوليله خلاص انا بروح حكومه وشوفي شنو ردت فعله.

لاتنسين هدوم الياهل وحليبه وكل يوم مراجعه حقه وبتدفعين اقل شي راح ترفعون 3000 حرام والله والحكومه مافيها شي

انا معاج خلي مراجعتج بالخاص واذا وصلتي التاسع فتحيلج ملف بالحكومه عند دكتوره عاليه لان وايد زينه والله فكري

واذا تبين تسوين استقبال لازم توفرين فلوس حق استقبالج لا تنسين يبلج هدوم حق استقبال وكفر وكاكاو وبوفيه وحلو رايح راد يعني لويه

نصيحه من اختج فلوسكم خلوها لوقت الاسود. وانتو بصير عندكم ياهل لازم توفروله بدال ماتهاوشون ع خاص روحي حكومه.


ان الله لا يحب المسرفين

 

[كراميلا مرة]

مع اني ماحب اللي يستغل زوجته
بس من كلامك زوجك محتاج ويتسلف من ربعه
انتي اقرب له من ربعه
ساعديه والحياه تعاون
اما اذا كان عنده بس الموضوع بخل
لا خل يتحمل مسؤؤليتك ومصاريف ولادتك ملزوم بك

 

[عزاااه]

حبيبتي تري والله شوي شوي يقتنع بس انتي صبري عليه

 

[Queenleo]

مادري شفيهم الريااييل جنه كاهم الفقر :/
اغلبهم ميتين عالفلوس استغفر الله
انا اقوول استخيري بالاول اذا تساعدينيه اوو لا
وعقبهااا قرري
الاستخاره افظل حل
والله يقوومج بالسلامه ان شاء الله

 

[Queenleo]

كاهم = حاكهم