ولادتي بمستشفى عاليه ,,والنصب الي نصبوه علي

[& ام خالد &]

شلونكم بنات وشخباركم ... انا أول مره أشارك بموضوع معاكم ...
وبدخل بالموضوع على طول ...

أنا الحمدلله ولدت بالسلامه وكانت ولادتي بمستشفى عاليه الدولي ...وكانت لله الحمد سهله ورعايتهم حلوه ...لكن الي ماعجبني نصبهم علي ...شلووووون ؟؟؟

دخلت عندهم على ان الولاده ب 425 ...وحطيت في بالي 500 ...
المهم بعد يومين من اقامتي عندهم ولما جيت اطلع دفعوني زياده 190 دينار ...
لييييش ؟؟؟ لما استفسر زوجي عن المبلغ هذا ..قالوله ... ادويه وابر ودرب ...
ومرور الدكتوره عليها بغير وقت عملها !!!!
ومرور دكتور عليها بغير وقت عمله !!!! ((مرني وقال مبروك وطلع ))
ومرور دكتوره العلاج الطبيعي عليها !!!!(( هنديه دخلت علي وعطتني ورقه تمارين وطلعت !!!))

واشياء كثيره قالوها لزوجي وهودفع بدون كلام ...

بعدين قالو الولد نسبه ابو صفار عنده مرتفعه حيل ولازم يقعد عندنا بالحاضنه ..
كم يوم لما ينزل ابو صفار معاه ...قلنا مو مشكله ...كم الحضانه ؟؟
قالو اليوم 40 دينار ...وخليناه عندهم ...ثاني يوم استخرت وقلت لزوجي روح طلع ولدي
ولما راح يطلعه طلبو منه 170 دينار ....
لييييش ؟؟؟؟؟ قالو دوا وتحاليل دم ومرور الدكتور بغير وقت عمله ودربات ومستلزمات

يعني ولادتي طلعت علي بحدود ال800 ...لو حاطه هالمبلغ في افخم مستشفى كان احسن لي ...
الي يقهر انهم ينكبون الناس وطلعت مو بس انا الي دفعوها دبل المبلغ ...
لا فيه ناس واجد صارت معاهم ...طيب انا زوجي ميسور وقدر يدفع المبلغ ..
غيره ماعنده الا ثمن الولاده الي متفقين عليها ...

اعذروني على الاطاله ...:hjy5jewf:​

 

[" ام حمود "]

آمبيييييه شنو هالنصب ؟
لو رايحة السلام او دار الشفا ابرك لج وايد من هالمستشفى هذي ..
المهم حبيبتيء حمدالله ع سلامتج ومبروك مايااج ..

 

[منيرة خالد]

حمد لله على سلامتج ، ومبروك المولود يتربى بعزكم



وهالمستشفيات الخاصه ما تتسنع الا اذا انفضحت اساليبهم ، الله يعينج


واي وحده تتعرض لعملية نصب واحتيال لازم تفضحهم علشان يتادبون وبعرفون انه الناس صارت مفتحه باللبن مو عميه

 

[السنافيه]

صاجه حتي رفيقتي ولدت طبيعي
ب ٩٠٠ دينار بس اقعدت ٣ ايام استقبال

 

[Travel^Lover]

الحمدلله على سلامتج وعلى سلامة المولود .. يتربى بعزكم يارب

المستشفيات الخاصة دايماً جذي يقولون لنا سعر وحزة الدفع يطلع لج مبلغ ماتدرين وين :eh_s(14):

اهم شي سلامتج حبوبه واهم الله حسيبهم :yaaaaaarb:


​

 

[المها الابيض]

الحمدلله على سلامتج والبيبي
واغلب اذا مو كل المستشفيات الخاصه
تنصب على قولتج
انا ولدت بالشفا المفروض ولادتي
ب٨٥٠بس دفعت ١٦٠٠ صح ولدي
تتوم بالشيشه بس تكلفتها ٤١٠ مع الادويه وكل
فحوصاته والباجي نهبوا مني ومني لين وصل المبلغ
١٦٠٠

 

[sosowaty]

يا بنت الحلال اهم شي سلامتكم

و الفلوس تتعوض
اما من ناحية النصب

تقريبا الحين الاغلبيه جذي

 

[منتهى الرقه89]

قطيعه مستشفي فاشل والله شفت حالتين دشو سليمين طلعو مساكين حالهم يرثي لها الله يرفع عنهم ولا يبلانا ياربي

 

[كتالونيه]

حمدالله ع سلامتج اهم شي
والله كريم
انا انشالله ابولد بلندن وخايفه
من النصب بس ابدفع كاش اول ماادش
بس حبيبتي اخاف نظام الليله ب٢٠٠
واليلتين ب٤٠٠
بس اهم شي قومتج بالسلامه

 

[& ام خالد &]

الله يسلمكم بنات الي تحمدولي بالسلامه ...
وصاجه اختي ام حمود ...انا كل مره اولد بدار الشفا ماادري هالمره شقطني عندهم ...
وصاجيين الفلوس تروح وتتعوض ...بس همن االواحد مايحب احد يستغفله ...

ومشكورين على ردودكم الحلوه ...​

 

[لورا 22]

الحمد الله على السلامه شتسوين وهذي ثاني حاله اسمع ان السعر يكون شي وبعدين يصير شي
في مستشفى عاليه بس بسأل منو دكتورتج عاليه ولا غيرها منو اللي عندهم؟؟

 

[مسك اسود]

الحمدلله على السلامه حبيبتي

 

[قطوووة]

حمدالله ع سلامتج

بس عجبتني سالفة مرؤرر الدكتؤر

 

[mirrorsweet]

محسن طلبه



الله يسامحه دمرني نفسيااااا جسدياااا

وصدمني بمبلغ خيالي



وانا مالي شغل بلمستشفي ويسعر بكيفه

 

[shak!shoka]

شهالدكاتره الا كل مرورهم بغير وقت عملهم

عيل متى وقت العمل انشالله ؟؟

مصخره و اعذارهم بجيبهم
يطلعون لج مسميات غريبه عجيبه

عاد ما لقيتي الا مستشفى عاليه

انا راضيه اي مستشفى يقص على و ينهبني الا هالمستشفى وع


الحمدالله ع سلامتج يا معوده و ياعل الفلوس الي خذوها دفعة بلا عنج و عن ولدج

 

["Om 3AzOoZ"]

الحمدالله على سلامتج ومبرووك البيبي ، بس صج نصابين حبيت مرور الدكتور عليج غير وقت عمله اذا بالله مو اللحين دوامه شيايبه ياي يقول مبروك ويطلع شنو هالنصب مالت عليهم والثانيه يايه تعطيج ورقه تمارين لو مطرشتها مع السستر وايد احسن خل يولون لاتروحين لهم مره ثانيه بس ترى المستشفيات الخاصه لازم الواحد يحط زياده فوق المبلغ عشان مايتوهق.

 

[أم توته]

امبيه اي شي ياخذون فلوس على كلمه مبروك ,, ما يشوف شر الدكتور مابيه يدش ويباركلي كافي اهلي هههههههههههههه امبيه اعذارهم تنرفز ..الله يعين ,, الحمدلله على سلامتج وسلامة البيبي ,, ومشكوره عالتنبيه

 

[& ام خالد &]

والله يابنات صاجات بسالفه ...شنو وداني لهم !!!!

والله ما ادري شوداني لهم ...وانا كل ولاداتي بدار الشفا ....ومرتاحه عليهم ...حتى لو يبوقوني ...

بس هالمستشفى غير واعذارهم غير ...

والله يابنات يقولون لزوجي مرور الدكتور بغير وقت عمله ...طيب شكو جايني ؟؟؟

انا دكتورتي كانت هبه رمزي ...وبعدت عن دكتوره عاليه لما البنات بالمنتدى قالو انها نفسيه وماتعطي وجه ...

بس الي جبر بخاطري ان ولادتي الحمدلله زينه والخياط هم زين ...ورعايتهم حلوه ...

بس المشكله عمليه النصب هذي ...حرام والله رفيجتي كانت بتولد عندهم وهونت ...تقول زوجي والله يذبحني

اذا بيدفعوني دبل المبلغ ...بيعوفني بالمستشفيات الخاصه ..



​

 

[& ام خالد &]

والله يسلمكم البنات الي تحمدولي بسلامتي وسلامه ولدي ...

وان شاالله الي ما ولدوا يجيبون بالسلامه ...ويهون على كل من نقلته ...آميييين ...​

 

[الكوويت]

الحمدلله ع السلامه ومبرووووووووووووك المولود وجعلها ان شاءلله دفعة بلاء عنج وعن البيبي