ولادتي بالشتاء والحين متوهقه

[غرشة عود]

السلام عليكم ورحمة الله وبركاته






بنات انا ان شاء الله ولادتي في الشتاء وانا بجر وبجهز للطفل من الحين , شنو اشتري له ؟ يعني التبان جم طويل او قصير وشنو البسه فوق التبان مع هالبرد وجم بطانيه ودلاغات , والله محتاره


فطلبتكم كل وحده تقول شنو اشتري ومن وين بالتفصيل الممل وهذي لكم مقدما :tek:

 

[.،:"$الـعـوبــــة$":،.]

رد : ولادتي بالشتاء والحين متوهقه

لا تحاتين ياقلبي ولاشي ،
اللبس دايم يكون كم طويل ولبس دافي عادي ،
ولاتنسين انك بتلفينه بلفة ومهاد ،
يعني ماراح تخلينه بس بالبدلة ،
لاتكثرين الملابس لين يحتر الجاهل ويعرق وبعدها يلفحه الهوى ،
دفيه وبس ، واذا طلعتيه لفيه بلفه ثقيلة ،
عندك سنتربوينت حلو للمواليد تعجبني لفاته ولبسه واغراضه ،
واذا كبر شوي ، عندهم فنايل رقبه له اشكال والوان ،
واذا مالقيتي عندهم ، روحي فاشن مل فوق بمجمع بيروت ، في زاوية فيها محل اطفال ،
تلقين فيها تبانات كم طويل ورقبة وبجايم مخمل وغيره ،
والله يقومك بالسلامة ان شاءالله ،​

 

[ام زاكي]

انا ولدت بالشتا 3مرات وعرف انه البيبي مايبيله ملابس ثقيله اخذي شي قطن متين شويه وكثري لفات ثقيله

 

[noynoy]

اخذي البجامات المسكره من صوب الريول تلقينهم بسنتر بوينت و مذركير و نكست
و اخذي قبعه الراس
و اتسوس اليدين
و لفات و مهادات من سنتر بوينت و المباركيه بس سنتر بوينت اقطانهم احلى
و لحاف حق السرير يكون صوف خفيف تلقينهم بكل مكان بالمهاره على دينارين (المباركيه، المحاميد)
لا تبالغين بتلبيسه على ابو ان يتدفى
و اهم شي تديرين بالج لما تغيرينله و تسبحينه انه يلفحه هوا
و الله يقومج بالسلامه

 

[كويتيه مذهله 87]

للررررررررررفع

 

[eman84]

البنات ماقصروا

 

[mafio98]

اول شي مبروك مقدما والله يجعله من الذريه الصالحه

وثاني شي ترى سهالات ان شاء الله حاولي تاخذين له اكثر شي قطنيات لاتاخذين صوف لانه موزين لبشرة اليهال احتمال يسبب حساسيه اخذي تبانات جم طويل افورولات الي تيي الريل مسكره ، عندج كفرات قطن بس ثقييييله جنه صوف من بروي + مذركير - بالنسبه للطلعه احلى واسهل شي الاوفرول الكامل الي فوق الملابس على احسن من المهاد ايي على اشكال حيوانات تحصلينه بدبنهامز ومذركير ادفى له وطبعا لاتنسين هاينكات+ هيلوهبات+ كابات

 

[أم حمودي**MALL**]

انا كل ولاداتي بالشتا احلى شي
نصيحه لا تشترين مخمل ولا صوف الياهل يعرق بسرعه
خلج عالافراول القطن وقبعه ومهاد ولحفيه وبس

 

[غرشة عود]

جزاكن الله خير

 

[*ماي الورد*]

رد : ولادتي بالشتاء والحين متوهقه

البنات ماقصروا
بس نصيحة لا تاخذين من لاند مارك المقاسات حدها مو مضبوطة

 

[{هتًان}]

رد : ولادتي بالشتاء والحين متوهقه

لحقي على " مذركير " قبل لاتطير البضاعه

والسايزات مضمونه 100%

اخذي لج تبانات
افرولات
مهد
قبعات
أجياس البيبي

وصح البنات قالوا لاتاخذين صوف بس ترى في شغلات تشوق المهم لاتكثرين

وتولدين وتقومين بالســـ:tek:ــلامة ان شاء الله

 

[๓ίşś зśŏłả..!]

رد : ولادتي بالشتاء والحين متوهقه

اب اب

 

[one two 3]

تولدين بالسلامه انشالله

 

[غرشة عود]

جزاكن الله خير

 

[عروس شمالية]

رد : ولادتي بالشتاء والحين متوهقه

يقولون احلى ولاده بالشتا ماشاءالله ماقصروا البنات بالردود السنعه

المهم انتي دفي نفسج عدل الله يعينج وبالسلامه حبيبتي وعساه مواليد السعاده

 

[HearT ChocolaTe]

عادي حبوبه ما يفرق التجهيز لا تبققين الياهل ,,, نفس الشي اللي يختلف بس
اللفات خليها تكون ثقيله اما الباقي كله مهاد وملابس كم طويل وافرولات اصلا مافي جم قصير
ربي يتمم لج على خير