وقت فراغ ؟!

[فجوره البطه]

السلام عليكم
مادري بأي قسم اكتب موضوعي قلت خل اكتبه اهني

انا توني متخرجه صارلي شهر وحاسه بملل مو طبيعي
ماني عارفه شلون اشغل وقت فراغي
خصوصا اخواني واختي كله دوام البيت فاضي
ملل مادري شلون اشغل وقت فراغي
ماعندي هوايات وحاولت اكتشف هوايات فيني مالقيت
لاتقولون قراءه ? ماحب القرايه
ماقدر ادش نادي يبيله فلوس وانا ماعندي اعانه وما ارضى اخذ من اهلي فلوس
احب اعتمد على نفسي فكرت اسوي مشاريع صغيره بالانستقرام
بس ماتوفقت مالي حظ
شنو تنصحوني اسوي بوقت فراغي ابي شي مايكلف وبنفس الوقت يشغل وقت فراغي يمكن بعد ست شهور اتوظف
ويمكن سنه مايندرى فودي اشغل وقت فراغي لين اتوظف
ادري طولتها عليكم بس صج متملله

 

[الـكـايـدة]

اممممم حاسة فيج وباللي قاعده تمرين فيه
بس نصيحة من اخت لي اختها لاتهملين نفسج وتضيعين وقتج في اشياء تافهه
انا اقولج مثلا اذا عندج سيارة دشي شريكه مع وحدة تعرفينها والتوصيل عليج هذا مكسب لج
شوفي وحدة من رفيجاتج وسوو لكم مشروع على قدكم
تاجري في شي معين اممم عسى الله يسر دروبج

 

[د-سوسه]

انتي مسكرتها بويه نفسج ...ماحب القراءه ..مالي حظ ماكو مشاريع ...ماعندي فلوس ادش نادي ...حبيبتي جربي كل شي وعطي فرصه حق كل شي ... السالفه هاذي لازم تتعبين عليها عشان ذاتج ..الدوام مراح يشغل كل وقتج
الطريقه الصحيحه مثلا ماحب قراءه الكتب التاريخيه بس احب اقرا القصص والروايات -ت احب كتب التنميه الذاتيه وتطوير الذات
القراءه لها مجالاتها اقري لما تكتشفين شنو اتحبين ...
-جربت مشروع بلانستقرام ..اشوف ليش فشلت ماكو شي اسمه حظ اكو شي اسمه اسباب اعرفها وابتعد عنها الي نجحو مو احسن منج بشي ترا في بنات حتى تسطير الكشاكيل سوو مشروع .
-ماعندي فلوس ادش نادي اكو تمارين بليوتيوب سوي سيرج تلقينهم وسوي رياضه بالبيت .
-طلعي امشي بحديقه قريبه او ممشي.
- اكو برامج حلوه لتطوير الذات باليوتيوب حق ناس وايد سمعي واكتشفي نفسج شنو اتحبين عشان تستانسين بحياتج .
- تابعي مسلسل هم بالنت وحطيلج جم ساعه باليوم حق هالشي .المسلسلات التركيه تاخذ وقت وايد .
- زوري بنات من الاهل او صديقاتج وخليهم يزورونج -اذا كنتي تقرين او تتابعين أي شي من المجالات راح تصير عندج سوالف تونسينهم وتستانسين معاهم-
- تطوعي بالقروبات الشبابيه راح تتعرفين علي ناس يدد وتكتشفين في نفسج اشياء تحبينها ومنها تاخذين اجر وترى في ناس انفتحتلهم افاق وووايد من هالشي انتي بس تحركي وربج اييسر .

-

 

[بيبي2014]

الله يحظج انتي بنعمه كبيره مو حاسه فيها ههههه شنو احلى من النوم

العطله الي طافت قظيت عطلتي كلها نوم واكل ومسلسلات

باليل اتابع مسلسلاتي الكوريه والتركيه
والفجر انام .. والعصر اقعد اسويلي ذيج القهوه الي تعدل الراس مع الحلا وقعد مع حلوة اللبن انطقها سوالف

 

[Pink_Roses]

تطوعي بالمركز العلمي روحي لوياك شوفي شنو برامجهم والا دوري لج شركو واشتغلي كمتدربه

 

[اميره بكلمتي]

انا اشوفلج تشتركين بنادي صحي عشان لايزيد وزنج بوقت الفراغ وإذا تعرفين شي بالخياطه والحياكه وهالاشياء سوئها وأعرضيها بالاستغرام وأيد مشروع ناجح سوي ربطات وباندات وتيجان بناتيه وإذا تطور مشروعج سوي أطقم مواليد مهادات أطفال مع قبعات أشكال فنكيه اهنئ راح تبين مواهبج صدقيني ماراح اتحسين بالوقت

 

[مرتبة]

مدام عندي فراغ
عندي فرصه وكنت
هو حفظ لو جزء من القرآن
وهذا أهم هدف لازم يكون عندك