وقت ترجيع الاجنه!!

[N0oNa]

3 ايام وايد بروحها المستشفى تييب النفسيه و احنا مو ناقصين نص ساعه كافي
و اهما على الحمام عادي بس انا بتحمل كثر ما اقدر

اليمعه يردونهم و انا حدي مو متفائله و يائسه من الحين الله يستر لي درجه افكر ارد الكويت قبل التحليل و هذي اخر محاوله حقي

 

[هالة الصباح]

بشرينا حبيبتي شصار عليج الله يوفقج إن شاء الله الله يثبت أجنتج وتحمليين يا الله

 

[mosta7eel]

عسى ربي يرزقج ويثبت اجنتج

 

[|Diamond|]

حبيبتي لو تقعدين دقيقه تري الاجنه تظل يومين بالرحم تسبح وعلي الله ثباااتها

والله يعوضج ان شالله خير

ابي اصحح المعلومه

الأطباء يقولون ان اول ربع او ثلث ساعه من ارجاع الاجنه هو الوقت الي تثبت فيه الأجنه و هذا ما يمنع انج ترتاحين ساعتين بعد ارجاع الأجنه

في بلجيكا يقولون ارتاحو ساعه او ساعتين بعدها تطلعين من المستشفى.​

 

[N0oNa]

هلا بنات الحمدلله رديت الاجنه اليمعه و قلت حق الدكتور بقعد نص ساعه و قالي اوكي
و ناطره الحين موعد تحليلي يوم الاثنين الياي 28 و انشالله خير

 

[نيبال الايمان]

هلا بنونا هلا وغلا فيج

حبيبتى ترى الرزاق الله حتى لو قعدتى يوم كامل انتى بس خلى اتكالج كله على اللى عينه ما تنام ويا عساه يرزقج ويجبر بخاطرج ويقر عيج بتوووم اللهم امين ياعمرى


وان شاء الله ما يجى تاريخ 28 الا وانتى مبشرتنا باحلى خبر خبر حمالج اللهم امين يارب

وعسى الله يرزقج ويرزقنى ويرزق كل محروم ومحرومه منهم اللهم امين يارب العالمين امين امين امين

 

[cute_angle]

مااعتقد له علاقة .. اذا ربج كاتب لج حمل بيثبتون ان شاءالله
انا مرتين قعدت ساعه بغرفة العمليات وساعتين بغرفتي بالمستشفى
وبالمرة الاخيرة قعدت ساعه بغرفة العمليات و5 ايام بالمستشفى وما حملت ولا مرة الحمدلله على كل حال
وكانت وحدة معاي مرجعينلها جنين واحد وقامت عقب ربع ساعه رجعت بيتهم مشالله حملت والله رزقها
الطبيعي انج تقعدين ساعه بعد ترجيع الاجنة حسب كلام الدكاترة
والله يرزقنا بالذرية الصالحة

 

[N0oNa]

مشكورين حبايبي و ما قصرتوا على الدعاوي الحلوه و الي تريح البال
انشالله الله يطمني و يطمنكم و يعطينه الذريه الصالحه السليمه لازياده فيها و لا نقصان و انفرح بعض انشالله

 

[أحلى عيون]

اختي الغاليه انا بعد ما يرجعون الاجنه من عندي انام على بطني وانام ربع ساعه عند الدكتور

 

[N0oNa]

يارب يثبت هالمرا و ارتاح و توأم انشالله و الحمدلله و الشكر عليهم كافي