وقت الطلق بالمستشفى تنادين خالتج أم ريلج ؟؟؟؟

[ضحكة الدنيا]

انا اول ولاده لى كل العالم دروا قبل لااولد وخالتى كانت عند راسى تواسينى وتهون
عليه
وثانى ولاده امى راحت معايه
وثالث ولاده رحت بروحى مع زوجى ومادروا الا عقب مادخلت غرفة الولاده
وانا بالنسبه لى احسن شى محد يدرى بس حق المحاته واهم مابيدهم شى
وكلها سهالات من رب العالمين

 

[سوسو الأموره]

بما إنه أول بيبي لي فعلى حسب إذا أنا بيت أهلي أكيد أمي بتوديني وماراح تعلمهم إلا بعد الولاده عشان مايحاتون

وإذا أنا عند زوجي فأتوقع زوجي مع خالتي أو حماتي هم إللي بيودوني

بس حريم إخواني دايمن أمي تكون معاهم
والله يهون علينا إنشااالله

 

[Om 3ziz]

اي والله ليش تيي انا حتى امي ماراح اقولها لانهم راح يحاتون و ليش اخبصهم عقب ما اولد بالسلامه اقول حق ريلي يطمنهم و عاد عقب ايوني المستشفى ..

 

[ألوي الكويت]

انا ما اقول حق امي عشان لا تحاتي وطبعا ما بصير اقول حق امه وامي ما تدري

 

[mms]

مشكورين على التفاعل والمشاركة بالموضوع

 

[الهما]

اذا كانت في صلة قرابة يمكن
بس مادري بتكون حالتج حااااله و شكلج مادري شلون صااير
و مكرووه ان الكل يدري انج رايحة تولديين حلاته يكون واحد او اثنين اللي يدرون.....
البنت ما تبي الا الناس اللي تمون عليهم حزة الولادة امها اختها يمكن ساعات خالتها اخت امها لأن ماراح تكون لابسة و حالتها حااله
بس ام زوجي...... مادي
و هي اكيد انها بتكون اول من يدري بس يقولون حق الريال ولدت على طوول يتصل في امه .... مو حزة الولادة و هي راحة المستشفى...
ما ادري انال احس جذييه والا شرايكم

 

[الغاليه نونو]

شعوري يوم شفت جنايني يطلقون حسيت اني مقصره وااايد بحق امي فديت قلبها مع انه امي تقول لي دووم محد شايلني غيرج وتدعيلي ليل نهار ياعل عمرها يطول يارب

بس والله احس ان الخاله حتي لو هي شريره وتشوفج تطلقين بيحن قلبها عليج والخاله الحنونه بتحبج زود وزوود لانج حسبتيها مثل امج وقلتي لها اتييج الطبيب مافيها شى قولوا حق خالاتكم يكونون يمكم بهالحزه ترا تستانس الخاله وايد والله انا جربت هالشعور صج صج صج وناااااااااااااااااااااااااااااااسه"

 

[الهما]

يمكن مادري بس احسها صعبة....
بس لو بحط نفسي مكانها و ولدي يقولي اهو و مرته انهم رايحين المستشفى....وايد بستانس
الله يهدينا لي في خيير يا رب

 

[بنات حواء2]

و الله انا راح اقول حق امي و حق خالتي لأنها قالتلي اول ماييلج الطلق قوليلي بيي معاج
و انا الصراحه احب خالتي لأنها زينه

 

[احلى كويتيه]

انا مع الاخت ريماس بالضبط
ليش اقولها اصلا ،،،،،،،،،، لما اولد وخلص ولدها يقولها ،،،،، امي وهي امي ماقولها علشان ماتحاتي انا طبعي جذيه يوديني زوجي المستشفي وادخل الولاده وهم مايدرون !!!!!!!! والتساهيل من عند رب العالمين!!

 

[ام ربى]

انا ما احب احد الا ريلي
ما ابي احد يشوفنيالوضع حده ماساة
ريلي امون عليه لو شبقول و شبسوي عادي بس غيره ما احب حتى لو امي
بقعد احاتيه لانها حدها خوافة راح تخوفني و تقعدني على اعصابي
انا يا الله نفسي
فلا اولد و اخلص و اعطيهم خبر والتساهيل من رب العالمين

 

[GaZoZiYa]

اتوقع انه ريلج يحتاج امه تكون معاه في هالوضع لانه اهوا بعد اعصابه تكون تعبانه و يحاتيج .. و اشوف انه لازم يكون معاه احد يهديه و يوقف يمه لانج ماراح تكونين فاضيتله .. و عادي مافيها شي لو امه او امج معاه عشان يرتاح

 

[mms]

إي والله كلامج عدل gazozia الوحدة حزتها شتبي غير أحد يدعي لها ويخفف عنها ..
وأتوقع وجود الأم والخالة ما يضر ان شاء الله ..
انا وحجة أمي تزعل لو ما قلت لها .. ودي أصير قوية هالمرة وأروح بروحي بس انا قلبي ما يعطيني أبيها يمي ..
وانا رايي ماله داعي أمة محمد كلها تدري ان فلانة رايحة تطلق ..
لي ولدت الوحدة وخلصت هني تدق الأم وتبشر الأهل

 

[م فطومه]

انا خالتي تدخل معاي بولاداتي الله يعطيها طولت العمرررررررر

وعليه عليهاااااا اهري ايدها من كثر ما اضغط عليها
اما امي فقلبها رهيف تنطرني برة

:tek:

 

[SweeTa_4ever]

انا عن نفسي ليلحين ماجربت بجر بس اعتقد ماراح اقولها اذا حسيت بالطلق اروح انا ورايلي ويمكن حتى امي ماقولها لان امي من نوع الحساس وتحاتي وايد وراعت ضغط مابي اخرعها بعد عمري ابي اولد وبشرهااا وتساهيل من ربي انشالله

 

[NoWay2know]

الناس للناس ولو الظروف تسمح ليش لا

 

[ام ابرار]

واللة اذا العلاقات الدبلوماسية بينى وبينها ماشي تمام التمام واللة بالعكس ليش لاء واللة مو خالتى بس الللى انادى انادى عمي وحموانى والعايلة كلهم وهذا انا رايي عشان كلهم يدعولى :eh_s(6):

 

[um 3li]

والله انا ما ناديتها على ولادتي بولدي بس اهي يايه وماكانت تسوي شي الا انها تبجي من كثر ماصرخت وانكسر قلبها علي وقالتلهم خل يولدوني قيصريه لووووووووووول حرام ما تبيني اتعذب

والصراحه انا كنت يايبه الحفيد الأول حق اهل ريلي فالكل كان موجود بس بره عند الباب والصراحه ما ينلامون ...

بس ان شاء الله اذا حملت المرة اليايه ماراح اقول حق احد ، اذا ولدت بالسلامه خل الناس تدري لان حنة الناس مو زينه كل ساعه داقين ها ولدت ولا لأ ؟؟؟؟؟

اهم شي امي الله يخليها لانها تقرا على راسي وتمسح على بطني وتساعدني وتشجعني وريلي علشان يشوف انا شكثر قاعده اتعذب !!!!!!!!!