وقاحه مثل جذي ما شفت!

[keka89]

الحمد الله انكم فاهميني والله اني حطيت هالموضوع والله عالم بالنوايا كان كتحذير لانه الحساب سعودي وحساب شخصي مو للجنه واحنا نساعد وما نقصر بس في لجان واماكن معروفه الواحد يروح ويعطي المقسوم مو بهالطريقه ولا بهالاسلوب

أي والله يا ام إبراهيم الحين النصب وين ماتروح والله الواحد اعز ربعه تسلفينه فلوس وبعدين هاتج يلا يردهم والله رفيجتي خسرتها عشان 260 دينار سلفتها إياهم قالتلي بردهم ومن 4 سنيين لي يومج ماشفت شي حسبي الله ونعم الوكيل بس والاخت حاطتلنا رقم حساب مانعرف عنه شي بلسعوديه هم شدرانا يمكن نصابين ويمكن (صاجين) مايندرا عشان لاتقعد تتحسب بس وانا أقول شفيه الشرطي وقفني وخالفني يوم اليمعه قبل يومين الضاهر منها ومن دعاويها علي

 

[keka89]

اختي انا جايتني رساله بنك غير ونفس الطلب من غزة وانا اللي اعرفه ان اهل سوريا الجريحة اللي داخل سوريا تحت الحصارمارضوا ياخذون الفلس من احد لكرامتهم وربي ان زميلتي سورية ومو راضية تاخذ لربعها بس اللي مستغلين الامور الناس اللي فاضية وحتى لو كنتي محتاجة واتمنى لو اقدر اساعدك من الصعب علينا كبنات ناس اننا نرسل اموال عبر حسابات مجهولة ممكن نتعرض لمشاكل من التحويل وانشالله اصحاب اللجان يتدخلون يارب ويفيدونكم ولو تدزين للجنه معروفة افضل لان هو اختصاصهم وعندك جمعية الاصلاح والخير اون لاين تقدرين ترسلين بياناتك وبعدين مو من حقك تتحسبين على بنت الناس في ناس صارت لهم مشاكل من النت ابتلشو بناس لزقه مايهدونهم او ممكن احد يأذيهم ولا تزعلين لان هذا واقع

حتى انا نفسج تقريبا مرتين او ثلاث تيلي صور ناس مشلولين او مقطعين وبيوت متدمره ويطلبون المساعده الله يشفيهم يارب ويساعدهم ولا يبلانا نفسهم بس هم مايندرا يعني اذا صج او شنو

 

[مجنونة اوزان]

بنات الله يسلمكم هدووو بليزززز
الله لا يسامحهاا اذا هي تكذب
واذا هي صاادقة الله يكووون بعووونهم ويفرج هممهم

 

[مبايلي كويتي]

انا اخر مره داشه المنتدي من شهر 4 تقريبا وامس دخلته حصلت نفس الرساله في شهر 5 دازتها لي واستغربت من نوعية الرساله ،،،

و الصراحه الحجي اللي فيه يعور قلب اي انسان سواء مسلم او غير مسلم والله يفك ضيقتج ان شاء الله
بس حياتي ما يجوز تتحسبنين علي الناس بهالطريقه وكلامج حيل قوي ،،، والله يفك اازمتج ويسهل امورج ويرزقج اذا انتي صادقه

 

[أحلى البشر]

((وأما السائل فلا تنهر))

ماكان له داعي توصفينها بالوقاحه وتشهرين فيها وتحرجينها عندج عطيها ماعندج اسكتي! ماتبين اسكتي! مو مصدقه اسكتي! لاتجرحين احد مد يده لج مايجوز يا ختي لا بالدين وبالاخلاق

 

[روح التعاون]

مايجوز تحسبين على الحرمه ياشمعه الم وانتي طلبتي مساعده الي يقدر بيساعد والي مايقدر يدعيلج
وثاني شي لاتلومين ام ابراهيم لان الاوضاع ماتطمن والحرص واجب لاشهرت ولاقالت شي
والدعوه تروح وترجع لصاحبها لان ام ابراهيم ماضرتج

 

[Miss Basma ..}]

((وأما السائل فلا تنهر))

ماكان له داعي توصفينها بالوقاحه وتشهرين فيها وتحرجينها عندج عطيها ماعندج اسكتي! ماتبين اسكتي! مو مصدقه اسكتي! لاتجرحين احد مد يده لج مايجوز يا ختي لا بالدين وبالاخلاق

و بعدين يقولون ليش الأخت تحسب و أنه مو من حقها :/
أي إنسان مظلوم له الحق أنه يتحسب و يدعي
يا بنات ، مو معقولة تتهمون الناس على كيفكم و ما تبون الأخت حتى أنها تتحسب لو هي صادقة !!
إذا مو مصدقتها عشانها مو حاطة دليل لا تصدقين ، بس همن أنتي ما عندج دليل على أنها جذابة

 

[شمعة الـم2003]

السلام عليكم

انا عندي كثير دلائل بس ماحد اعطاني فرصة من شان اثبت انا مابدي فوت ما كنت متوقعة هيك يسير فينا ونحنا خارجين من حرب اقل شئ ما لقيت كلمة تعاطف حتى لو لا سمح الله انا كذابة والله العظيم نحنا كنا تجار ذهب بس الله بيعلم شو سار فينا شو بدي احكي من شان هيك تألمت نحنا ما النا على الاهانة هي بس مجبورة ومتمنية ما احد يذوق الى نشوفه والله العظيم مرت ايام الماء ما نلقاه اتقوا الله يا بشر مابدي قول يا موحدين لانه قل الموحدين هي الايام بدي قول اتقوا الله فينا يا بشر

 

[شندوخه]

الاخت شمعه الم دزتلي تقارير ولدها
لكن ياختي لاتلومينا اذا خفنا تبرعات الكويت اغلبها خدعنا فيها وراحت لجماعات مسلحه لاتمت للدين بصله الحاصل ان اهل الكويت منقرصين وخايفين نتبرع لاي احد الا تحت جمعيه عالميه معتمده من الدوله

وانتوا خوات يجمعكم دين واحد وربي يفرجها يارب عالمسلمين في كل مكان ولاتتحسبون وتكاتفوا بالدعاء افضل

 

[om_ibrahim]

((وأما السائل فلا تنهر))

ماكان له داعي توصفينها بالوقاحه وتشهرين فيها وتحرجينها عندج عطيها ماعندج اسكتي! ماتبين اسكتي! مو مصدقه اسكتي! لاتجرحين احد مد يده لج مايجوز يا ختي لا بالدين وبالاخلاق

و بعدين يقولون ليش الأخت تحسب و أنه مو من حقها :/
أي إنسان مظلوم له الحق أنه يتحسب و يدعي
يا بنات ، مو معقولة تتهمون الناس على كيفكم و ما تبون الأخت حتى أنها تتحسب لو هي صادقة !!
إذا مو مصدقتها عشانها مو حاطة دليل لا تصدقين ، بس همن أنتي ما عندج دليل على أنها جذابة

اولا انا غلطت عليها وصفتها بالوقاحه لانها تتحسب بالرساله اقري اول سطرين وهذا كلش مو اسلوب!
ثاني شي الي حاطته رقم شخصي !! ومو حق لجنه ولواحد سعودي ولو صاجه جان حطت رقم لجنه مو تحط رقم حساب شخصي ومن جهه سعوديه! وللعلم هذه الرساله صارلها اكثر من سنه واهي تتطرش نفسها نفسها
ومالج حق احلى بشر تقولين لي سكتي ! كيفي اكتب الي ابيه ! وثانيا انا ما شهرت باحد اهي كاتبه كل شي ومطرشه المسج لاكثر من وحده

 

[om_ibrahim]

السلام عليكم

انا عندي كثير دلائل بس ماحد اعطاني فرصة من شان اثبت انا مابدي فوت ما كنت متوقعة هيك يسير فينا ونحنا خارجين من حرب اقل شئ ما لقيت كلمة تعاطف حتى لو لا سمح الله انا كذابة والله العظيم نحنا كنا تجار ذهب بس الله بيعلم شو سار فينا شو بدي احكي من شان هيك تألمت نحنا ما النا على الاهانة هي بس مجبورة ومتمنية ما احد يذوق الى نشوفه والله العظيم مرت ايام الماء ما نلقاه اتقوا الله يا بشر مابدي قول يا موحدين لانه قل الموحدين هي الايام بدي قول اتقوا الله فينا يا بشر

الله يكون بعونكم وما يذوق احد الي تشوفونه والله العالم بحالكم
انتي اسلوبج من البدايه كان غلط! ومستفز مو اسلوب حلو
داشه وتتحسبين بالرساله يعني حتى لو الواحد بيساعد يهون !
وانتي الحساب الي حاطته سعودي ومو لجنه يعني جهه مو موثوقه! وقلت لج ياها من قبل<ومو بس انا وايد غيري ما راح يساعد هالنوعيه
(افضل حل )حطي حساب لجنه حق جهه موثوقه الواحد يتطمن وكل واحد يضمن حقه وابشري بالمساعده

 

[q8-kanderia]

معاج حق خيتي ام ابراهيم ...
والله ما ينسى عباده !!

 

[Pinky -cat]

والله حياتي من كثر من قمنا نشوف اشياء حولنا صح وغلط ما قمنا نصدق هالسوالف، الله اعلم بالنوايا وما يندرا

 

[Huda alotaibi]

صفي النيه هالفلوس مو نهايه المطاف
الفلوس هي نعمه من الخالق
اذا تبي تتبرع روح لبيت الزكاة غير هذا يعتبر رياء
للاسف في ناس يستغلون لحظان الطيبه لامورهم الخاصه
راحوا الطيبين والا تدري روح لبيت الزكاه

فلوس ماعندي

 

[om_ibrahim]

صفي النيه هالفلوس مو نهايه المطاف
الفلوس هي نعمه من الخالق
اذا تبي تتبرع روح لبيت الزكاة غير هذا يعتبر رياء
للاسف في ناس يستغلون لحظان الطيبه لامورهم الخاصه
راحوا الطيبين والا تدري روح لبيت الزكاه

فلوس ماعندي

رياء عاد!!
اتوقع انج فاهمه الموضوع غلط!
الحمد الله محد قاعد يستغل احد
انتي لو قاريه الموضوع اتوقع افضل