وفــــــاااء ام وقـــــاااحة

[عــذووب الغلا]

السلام عليكم ورحمة الله وبركاااته
فيه موووضووووع حبيت انقله لكم
نتناااااقش فييه
والسؤااال هوو
هل هذه وقااااحة او وفاااااااااء

اتركم مع القصة ::::..

كان هناك رجل يجلس مع زوجته في المطعم

فأتت فتاة من الطاولة المجاورة


وطبعت قبلة على خده


وقالت أنا آسفه صديقاتي تحدوني


وذهبت تمشي بكل ثقة إلى طاولتها


نظر الرجل إلى زوجته


فرأى الدمعة في عينها


فذهب إلى الفتاة في الطاولة المجاورة


وسكب كأس العصير في وجهها


وقال لها


آسف ولكن دموع زوجتي تحدتني

،،،،،،،،،،،،،،،،،،،،،،،،،،،،،،،


س /هل تؤيد/ي ما فعلة الرجل تجاه الفتاة ؟

وهل من اللائق فعل مثل ذلك من قبل الفتاة ؟

طبعاً النقاش ليس محصوراً على هذه القصة ،، فشبيهاتها كثير .




م.ق​

 

[PuPa^^SWeeT]

اذا الموقف فعلا حصل


تستاهل


اول شي قبل لا انه فشل البنية


البنية اصلن من وقاحتها اللي مالقت الا هالريال ؟؟؟ ويا مرته قاعدين



انا ما اايد تصرف الريال لأني شرية ولا انتقامية بس لما شريك حياتي يشوفني محبطة بموقف ولما ياخذ بحقي بايده

انا اهنيي اعرف انه ينشد فيه الظهر


وبالنسبة للبنية فا اهيا تستاهل


الحيين مظهرها توسخ بالعصير ولا بالجاي ولا بالبيبسي القصة كل مالها اتغير


بس قبل لا يتصرف الريال اهيا شلون اتجرأ واتهدم حياة زوجين بتصرف ارعن




انا اقوول كفوو هالريال


مو لأني انتقامية بس لأنه من حقي اقعد ويا ريلي ولا اطلع وياه من غير ما اشووف هالمشفح اللي جنهم مو شايفين ريال بحياتهم




للاسف ياليت لو القصة صجية علشان البنات يتادبون ويخلوون المتزوجين

 

[تذكر خافقي رمحك]

وقاااااحة بس
قولي مصخرة
قلة ادب
بس ماتوقع هالشي يصير عندنا بالكويت

 

[عــذووب الغلا]

لا هذه موو مووجوودة في الكوويت على حسسسب ظني
تسلموون حبوووبااات ع المرووور

 

[عادت ذكرياتي]

أصلا قبل لتقرب صوبه يعطيها كف ما أتوقع واحد ينطر ليما تقرب عنده وتبوسه

 

[عبالي حبيبي]

وقاحه من البنيه القذره شكو تبوسه

وعين الوفا من الريال تستاهل الي ياها منه

مشكوره

 

[متيمة بالشعر]

والله اللي سواه الرجال هو الصصصصصح
و صج صج صج انه رجال على كلمته ( اسف بس دموع زوجتي تحدتني )

وخاصه ان هالاشكال تستاهل هالرد على اللي سوته ! اهم شي ان رفيجاتها تحدوها

>> عصبت

لا جد اكو ناس مستوى الوقاحه وقلة الادب عااااااالي عندها حيل ... يعني تستاهل اي رد يتوجه لها اي رد كان
لان ما تعرف معنى الاحترام ..
ان اتكلم بشكل عام مو بس عن هالقصه ..
ومثل ما قالوا البنات ما اتوقع هاذي عندنا بالكويت !!!! او بالخليج عامه !

 

[miss.shanil]

انا الصرااحة ماا اييد ولاا وااحد فيهم
اثنيناتهم غلطاانين بالاول هي شلوون تتجرا وتبوسه
وهوو شلوون يتجرا ويكب عليها العصيير ولاا يعطيهاا كف
وبالحالتيين ان اقوول عنهم اثنيناتهم وقحيين لاا ائييد هذا ولاا هذييج
اثنيناتهم غلطانيين

 

[Beyoncee]

لا ماصدق توصل لجذي
والله اهو طلع عنده وفا بس مستحيل فيه جرأه ووقاحه لهادرجه
يارب ان شاء الله مانشوف جذي

 

[زَهر تِشرينْ]

.◈|❀|◈..
بصراحة البنت قمة التدني الخُلقي اذا فيه من نوعيتها
اجل الله يهديهم جميعااً .. ويهدي اهلهم الي ماقدروا يربوهم ويعرفونهم الحلال من الحرام ..
اماتصرف الرجال بصراحة انا معاه مليوون بالمية

 

[UNICORNA]

اؤيد رده فعل الزوج لان البنت تستاهل لانها مو محترمه واللى مايحترم نفسه يستاهل ان

الناس تهينه

 

[قطيووه^_^]

كفوووووووووووو والله

 

[أمـــــل]

وقاحه ... عشان تحدى اسوي حرام شهالعقليه المتخلفه ... زين سوى فيها المفروض مع العصير يتف بويها


عقليه سخيفه



تحياتى ​

 

[عــذووب الغلا]

تسلمووون ع الوجهاااات النظر منوراااات

 

[manoooram]

طبعا اعتبرها وقاحه وتصرفها باستهتار يخلو من الادب والاخلاق من طرف البنت
بالنسبة للرجل انا معاه ومو معاه
معاه ان رفع من قدر زوجته بالنهاية ان اهان و كت العصير على البنت ورد اعتبار زوجته بكلماته ان دموع زوجتي غاليه
ومو معاه لأن كان بالامكان يتصرف بشكل افضل ببداية الأمر اهو ريال جان ما وصل نفسه ومرته لهالمرحلة (ضيقة الزوجه وقهرها) ان ما يسمح للبنت وهو ساكت دون حراك ومسلم نفسه تبوسه وينفطر قلب زوجته

 

[reem93]

وقااااااااحه وقلة ادب​

 

[روح مغليهاM]

,وفاء من الزوج الله يكثرمن امثاله
وقااحه من البنت الله يهديهاويستر علها

 

[JaMoOoNa]

وقاحه من البنت و قلة أدب

و اللي سواه عين الصواب عشان ما تتجرأ المره الثانيه

عجبتني ردة فعله للموقف :icon30: و تستاهل أكثر من اللي سواه بعد

واااااي لوووول لو انا بهالموقف جان أدفنها بمكانها جليلة الحيا :jumpon:​

 

[روانتي 12]

طبعـآ و بكل تأكيد .. (( ووقـآآحه ))

والبنت تستاهل اكثر من جذي ..,*

 

[غلا سعود ~]

بس كب عليها عصير ؟
كان توطى بطنها !
بعدين غريبة قعد يطالعها لين باسته ، ويوم رجعت مكانها استوعب راح يرد