وفاة مواطن عشريني بعد عملية شفط دهون في طيبه كلينك

[Featured Lady]

عظم الله اجرك ياام فيص
والله يرحمه ويسكنه فسيح جناته

 

[حناينq8]

عبدالله نوري الرومي:
بسم الله الرحمن الرحيم انا اخو المتوفي الله يرحمه , اول شي جزاكم الله خير كلكم و كل الي تفاعل مع الموضوع , طبعا العياده اهي طيبه كلينك الله يلعنها , قصوا علينا و اهمونا من الساعه 3 لي الساعه 11 انا اخوي مافيه ولا شي و حالته شبه مستقره , و الساعه 3 مدير المستشفى سند الفضاله قعد يهدينا و قال انه الحراره نزلناها الى 35.9 و ورانه هالشي بالشاشه , و قالنا انه حالته مستقره و مافيه الا الخير ولا تفاولون على الولد , و سألناه اذا كان يستوجب نقله الى مستشفى ثاني او الى الخارج حتى لو يكون أفضل بـ 1% , طبعا قعد يقول انه والله العظيم انه مستشفاه احسن مستشفى بالكويت واجهزته لا تظاهيها اجهزه و دكاترته احسن دكاتره و انه الحين 10 دكاتره واقفين على راس الولد و يقول انه حتى العناية المركزة ما نقدر ننقله شلون تبونه نوديه مستشفى ثاني !! ( يناقض نفسه ) , و الولد الحين قاعد يتحسن و ان شاء الله كلها ساعتين و ننقله الى غرفه العناية المركزة و من ثمه الى الغرفه , و كل شوي يعيد لنا نفس الاسطوانه لي الساعه 9 و كل شوي يدخلون أكياس دم و مع اتصال ببنك الدم اكتشفنا انه تم طلب 18 كيس دم من مكونات دم و بلازما و صفائح دم مع انه الانسان الطبيعي يحتاج الى كيسان فقط !! و في الساعه 9 ونص استدعانه سند الفضاله مدير المستشفى بعد ان اوهمنا انه حالت الولد مستقره و قص علينا و قعدنه بالجناح بالدور السادس , استدعانه و قال الولد لازم نوديه مستشفى ثاني @@ طبعا كلنا فزينا و عصبنا و طبعا ما يعرف يرد ما عنده غير بارك الله فيكم , يقول لازم نوديه مستشفى العدان لأنه مستشفى العدان امكانياته افضل من مستشفانه @@ قبل كم ساعه قعدت تبجي و تقول مستشفاك افضل مستشفى , و قلنا لا حول ولا قوة الا بالله نوديه مستشفى العدان , نزلنا تحت عند الاسعاف عشان ننطر المرحوم و نشوفه على الاقل لأنه طول المده كان بالعمليات و ممنوع نشوفه , نطرناه من الساعه 9 ونص لي 10 ونص تقريبا و الاسعاف كانت فاضيه من داخل حتى مافيها سرير او اكسجين او اي جهاز , و سند الفضاله كان قايل لنا انه الاسعاف مجهزه كأنها غرفه عمليات , شوي ولا ينادينه سند الفضاله و يقولنا بأسلوب قذر : وين اخوك الكبير ؟ ناديت له اخوي الكبير , اخوي قاله ها شفيه اخوي ؟ رد سند : لأ ما فيه شي بس سكته قلبيه @@ , الله يرحمه ان شاء الله , قلنا انزين بنشوف اخونا قال ما عليه الحين اوريكم , دشينا على المرحوم و على اساس انه توه متوفي , و المعروف انه جسمه لازم يكون حار لأنه الدم لي الحين بجسمه , بست راسه ولا باسه باااااارد , معناته انه كان بالثلاجه و الله اعلم متى توفي , و الصحفي عبدالله الدوسري ما قصر و من مباحثاته مع المستشفى اتضح انه اخوي توفى الساعه 7 و طول المده سند الفضاله كان يظحك علينا , و طبعا احنا ما رضينا انه تتشرح الجثه لأنه يطول 4 او 5 ايام و اكرام الميت دفنه , و ان شاء الله احنا ما راح نسكت و والله ثم والله انه مو غرضنا الماده ولكن عشان لا يذبحون عيالنه و احنا ساكتين , و نسيت اذكر انه المستشفى ما سوا تحاليل دم للمرحوم و المرحوم دخل المستشفى بريله صاحي قبل العمليه بنص ساعه فقط . إنا لله و إنا اليه راجعون

ترى الدكتور اللي مسويله العملية>>>>> هاشم عياد

الله يرحمه ويدخله فسيح جناااااااااااته

حسبي الله ونعم الوكيل

لاحول ولاقوه الا بالله


الله يرحمه ويصبر قلوبكم يارب

 

[ام المزايين]

الله يرحمه برحمته يارب

 

[toot^o^mishmish]

لا حول ولا قوة الا بالله ....اله يصبر اهله ان شاء الله

 

[منطلقة بطموحي]

إنا لله و إنا إليه راجعون ..

يعوّر القلب ..

الله يرحمه و يغفر له جميع ذنوبه .. و يرزقه جنة الفردوس ..

الله يصبر اهله ..

 

[نــوف]

الله رحمه ويصبر أهله

 

[سمبوسة]

الله يرحمه ويغفر له ويمسح على قلب أمه ويصبرها يارب ومثل ما قال أخوه لا يسكتون على اللي صار حسبي الله عليهم حتى مو راضين يقولون غلط طبي يقولون مضاعفات انزين ليش ما سوو له تحاليل وعرفوا تاريخه الطبي والا عملية تتم بيومين حسبي الله عليهم ماهمهم غير الفلوس

 

[غوالي76]

الله يرحمه برحمته

 

[أم جوري]

الله يرحمه ويغفر له بعده صغير ووزنه 90 يعني مو وايد ............ يومه !!

 

[^ حـلـــــوى و رهـــــش ^]

لا حـول ولا قـوة الا اللـه ..

ان لله واليـه راجعـون .^

 

[الفنانه79]

لا حول والله قوة الا بالله الله يرحمه ريغفرله

 

[ام الفوز]

ان لله وان اليه راجعون
الله يرحمه برحمته الواسعه ويصبر قلب اهله

 

[al-3azeza]

حسبي الله ونعم الوكيل انا من زمان هالمستشفى كرهته ودكاترته خواره بويدي عطوه ابره واهوا عمره سنتين يسمونها ابره مضاد قيمتها 10 شنو الابره اللي يعطونها مضاد حق ياهل واهوا مافيه شي الا حراراه ؟؟؟ ولمن وديته الحكومه الطبيب استغرب قال اول مره اسمع عن ابره هالمضاد من عقبها االله وكيلكم ماروحله الا حق الصيدليه واذا ابي اسوي تحاليل لانه قريب بس

 

[ام كتكوت]

لاحول ولا قوة الا بالله

الله يرحمه برحمته الواسعه

ويصبر اهله

 

[نووووونا]

الله يرحمه ويغفر له يارب

ويصبر اهله ,

 

[محظوظه ومحبوبه]

لاحول ولا قوة إلا بالله العلي العظيم
إنا إلى الله و إنا إليه راجعون

 

[yam_yam]

لا حول و لا قوة إلا بالله العلي العظيم الله يرحمه

 

[دلعلــــع]

الله يرحمه

 

[اطياب طيبه.أم عبدالله]

أول شي
الله يرحمه ويجعل مثواه الجنه ....يارب

وبعدين المستشفي هذا خاااايس وانا رحت لهم يوم اولد بنتي الصغيره
تخيلو يا جماعه اربع ايام وانا اولد !!!!!!!!!!! تدرون ليش
طلعوا يبون فلوس زياده
وطبعا ولا كمام تخدير ولا بطيخ ومعامله ارف يكلمون الوحده من طرف خشمهم
والستاف (الأطباء) كللللللهم مصاروه شي يلوع الجبد
وطبعا انا أربع ايام طلق يعطوني ابرة طلع ولما اتعب حيل يعطوني وراها مهدي
صرت نفس المينونه واربع ايام بدون لا اكل ولاشرب واذا قلت لهم ابي اشرب يقولون ازاي ياحبيبتي تشربي
انتي دلوقتي هتولدي
انا تعقدت من الولاده بسبتهم حسبي الله عليهم
والحريم اللي قاعدين يولدون هناك كلهم نفس الشي وحده مسكينه ثلاث ايام طلق وبالأخير سوولها عمليه قيصريه
دفعت مسكينه فوق الالفين دينار بس السلامه غنيمه

انصح اللي تبي تولد ولا اللي تبي اي شي لاتروح لهم ابدا وجان زين ظالين اسمهم طيبه كلينك الحين سموها مستشفي طيبه بعد لايعرفون شي ولايفهمون شي

أسفه على الاطاله

 

[بيتي بوب بس كويتيه]

اي حرام اهل ريلي يعرفون اهله مسكينه امه منصدمه