وظيفتي اصغر من طموحي .... \ ودي اكمل درآستي !

[{ ليت ظني كآن صآيب }]

مآدري ليش من تطري ببالي فكرة الدراسه اتعوذ من ابليس و اتحجج بمليون سبب يمنع

\

بس هالمره عندي نيه ان شاءالله

بس صج صج جدآمي مليون عقبه

واهمها عيآلي ؟؟

انا تخصصي ادراة مواد وموظفه صار لي 3 سنين و معدلي بالتخرج كان اقل من 3 نقاط

يعني التطبيقي نو وي يقبلني خصوصا ان مسؤولي ظالم و على كثر اجتهادي بالدوام اخذ جيد

اللي عرفته ان جدامي حلين .... يا ادرس بجامعة الخليج وهالحل مستبعدته

يا ادرس برا بالبحرين لانها اقرب شي ومقدور عليها

بس عيالي وين اخليهم ؟ اذا كل ويكند بسافر

بنات متشجعه ومتحبطه بنفس الوقت .... !

بصرآحه وظيفتي ممله و مافيها مستقبل

بكمل ....... بس عيآلي

 

[jroo7 maryoom]

نفس تخصصي... كملي الله يوفقج واذا مو قاده تسافرين وتخلين عيالج كملي دراستج بالجامعه العربية المفتوحه وايد بنات كملو فيها

 

[كوكولوكو]

كملي احسن لج محد راح ينفعج كثر شهادتج والله يوفقج

 

[P!Nk StraWbeRRy]

الجامعة العربية المفتوحة وايد ناس كملو دراستهم فيها والله يوفقج

 

[جذابه بنت ذيابه]

نصيحه كملي واعيالج خليهم عند امج او خالتج وفكري بالمستقبل اذا انتي حابه ولا تضغطين على نفسسج

 

[{ ليت ظني كآن صآيب }]

هلا بناااات


والله ودي بس الجامعه المفتوحه اغلب دراستها بالانقلش

وانا موزود باللغه

/

اذا بدرس برا صعبه اخلي عيالي كل ويكند عند امي

سنتين مو شويه

/

اختي اقترحت علي نقل و بحاول انقل اذا ماقدرت اكمل

دعوآتكم !

 

[Angel_store]

اب اب اب

 

[الأميرة جوري]

كملي نصيحه اهم شي الدراسه واايد اعرفهم كملوا وعندهم عيال