وضاع حقي

[هاناا]

الله يفرج همج و يجعل لج من كل ضيق مخرج

 

[بكيزة هانم]

مافهمت المشكلة بس الله موجود

 

[احلا المزايين]

حبيبتي حالتج نفس حالتي انا ريلي يهتم بسعادته والدليل حاليا مسافر اسبانيا مع ربعه المهمين معلل ان سعادته ووناسته معاهم وانا ما يلاقي عنده الوناسة بجيت وقلت حق نفسي ليش ازعل عشانه لا والله بطلع مع ربعي وبروح بيت اهلي وبستانس بفلوسي واروح السوق والسينما والشاليه وونس عمري ولا رد بكشخ له وبرحب فيه وببخر الغرفه بسسسس لا طلبني بقوله حبيبي سووووري مالي نفس باجر وراي دوام وبنام واليوم الثاني نفس الشي لان اهو راد يبي هالشي وبقوه بس انا ما قدر اسويها وانا شايله بخاطري واضحكج اهلي واقفين معاه يقولون شنو ربعه ملزمين عليه واهو مايروح عشان خاطرج يقولون له خروف مرته وعلي فكره قبل جم شهر رايح المانيا مع ربعه طبعا انا ميته من القهر والحررررة بس كلشي له مقابل وبجمع الفلوس عشان اسافر حتي لو مع اهلي المهم اسافر وان ما سافرت بشتري فيهم جنطة ماركة اللي ابيها واكشخ فيها جدام ربعي وحبايبي وعلي فكرة كل اسبوع ينام عند ربعه ويروح الدواويين ويروح الاسطبل وووو وانا حتى يوم بالاسبوع ما يخصص لي وامه تقول مرتك ماخذتك مني واهو كل قاعد معاها ويسولف معاها اكثر مني ويقعد معاها اكثر مني بس هذا ماهزني تدرين ليش لان اعرف انا شنو اذا اهو سعادته بالشي هذا مايقدر يجبرني عليه لان انا مو للبيع متي ما تبيني ييتني عشان هالشي انا مرة لي مشاعر واحاسيس ورغبات وطلبات وووو انت بس تستانس مع ربعك واهلك وانا اربي واطبخ وجابل البيت والحمولة مثل ما انت تستانس انا استانس

اهم ليش يتزوجون
الزواج مسؤولية مشاركة اهم بيعيشون حق نفسهم بس
لازم اتعيشين حق نفسج واتصيرين انانية مثله واتدورين وناستج

 

[umm-7asson]

بالضبط انا جذي قمت اسوي بس افكر منو المتضرر عيالي وعيالي اهم اللي بيشيلوني بالكبر اكثر من ابوهم كثر ماعطيت كثر ما راح يعطوني
وتفكرين لو كان ماخذ غيري هل راح تعاملة جذي في بنات عووووب يعرفون شلون يمشون الريال سيدا وانا وايد طيبة واطوف صج اعصب بس ماعرف شلون اخذ اللي ابيه

ليش ما تاخذين استشارة نفسية وزوجية انا بعطيج اسم واحد عنده استشارات من هالنوع بالانستغرام وتقدرين تتكلمين معاه lawerhamad شوفي بالانستغرام