وضاع حقي

[احلا المزايين]

اكتبلكم ودموعي على خدي
وابكي مو ع شان زوجي
لا والله ابكي على نفسي
لمن الوحدة تعطي وتعطي وماخذ الزوج كل احقوقه منها
ولمن تجي تشوف نفسها تلقا نفسها خذت القليل من حقوقها
واتمشي الحياة وتصبر
ليش نصبر وهم مايصبرون على اقل تقصير يحاسبون
وحنا لا جينا حاسبناهم يقلبون الدنيا علينا
عبالهم انه اكبر حق لج عليهم الفراش والاكل
ليش احنا بهايم وين الاهتمام وين الاحتواء
نبحث عن سعادتهم ويعتقدون سعادتنا بس بالفراش
واذا انكسر خاطرنا مانلقاهم حوالينا
طلباتنا بسيطة بس مااتحقق
وطلباتهم لو كانت مستحيلة انحاول انحققها ع شان نرسم الضحكة علا وجيههم
ضاعت احقوقنا واذا فكرنا نروح لاهلنا تلقا ورانا اعيال محتاجين وجود ابوهم
ونبقا حنا والحزن واليأس وانمشي الحياة رغم كل النقص والتقصير اللي نحس فيه
لاننا مانضمن ان طلعنا من هالباب بنرجعوالا لا
وتمشي الحياة رغم اقسا الظروف

 

[qoot]

ي عمري الله يفرج همج يارب ويمسح ع قلبببج

الحياة فيها تنازلات مافي شيء كاامل

والصبر مفتاح الفرج

 

[احلى ديما]

الله يعينج ويعينا ويعين الكل فعلا الرياييل مافيهم ذرة مسؤولية

 

[يتيمة جابر العز]

ليش هالتشاؤم حبيبتي

تفاءلي تفاءلي بتلقينها عند ربج

مادري ليش حسستني ان إحنا عايشين بس حق الازواج!!!

ثقي تماماً مافي شي يسوا نحزن وننغث عليه باجر ميتين

ابجي على اعمارنا الي تروح على اعمال نعتبرها وناسه وهي حرام

ابجي على وقتنا الي ضاع

ابجي على النعم الي معطينا ربي ولا مقدرينها

اسمحيلي انا ما احب أشوف انسان يتحسر على انسان

الدنيا بعدها بخير

واذا لج هموم الله يفرج همج ولاتكرسين حياتج وتصبين اهتمامج له

إحنا نعيش مره بالعمر عيشيها بوناسة وطاعة الرب

 

[Gatwa DaloO3a]

الله يصبرك ويكون في عونك وعن الجميع يارب ..وربي ياخذلك حقك ، مافي شي يضضيع عند رب العالمين حقك محفوظ

 

[كلي خجـل]

لا تربطين سعادتج بالبشر لازم تسعدين نفسج وكافي عندج اعيال زينة الحياه حتى لو مو سعيده اصنعي سعادتج غيري روتينج ابدي انتي اول تتغيرين وتنسين ضيقتج لان مافي وقت لضيقه علمي نفسج جذي

ياختي مافي اغلى من الصحه والعافيه غيرهم مانسوى شي وانا اقول تمتعي بصحتج لا تجيبين لج ضغط لاسباب ممكن تغيرينها للاحسن باكثر من طريقه وذكاء واسالي الله التوفيق لان مافي غير رضى الله شي

 

[نونه المنكوشه]

انا مع اختي يتيمة جابر والحق اللي بينج وبين الله سويه غيره لاتضغطين ع نفسج علشان اي احد ولاتنطرين مقابل سوي وانسي والله ماراح يضيع تعبج

 

[مقمش لولو]

مافى عز ودلال الا في بيت الابو والا الريل مهما يسوي فهو مقصر والله يفرجها عليج وعلينا

 

[i'm so happy]

ان الله مع الصابرين ربنا يفرجها والحق عند الله مايضيع
التزمي بالدعاء وربي يفرج همج وهم كل مهموم يااارب

 

[Pinky -cat]

ماكو شي بالساهل حبي ومو كل شي تقدرين تحصلينه ، بس عليج بالاسباب يعني هيئي البيت واستعدي له واهتمي فيه
وربج فوق ادعي ربج يحنن قلبه عليج ، وترا على فكرة الرياييل تفكيرهم عملي يعني لا عواطف ولا شي واحد زائد
واحد يفكر اولا ببيته شلون يكفيه وواجبه الشرعي وعقبها عاد يوصل للتفكير ، لكن احنا الحريم تغلبنا العاطفة وتأسرنا
الكلمة الحلوة .


ربج يفرجها عليج وعلي ، عندنا وعندج خير حبوبه .

 

[M!SS.LOBY]

الله يعين الجميع

 

[شادن33]

لا تربطين سعادتج بالبشر لازم تسعدين نفسج وكافي عندج اعيال زينة الحياه حتى لو مو سعيده اصنعي سعادتج غيري روتينج ابدي انتي اول تتغيرين وتنسين ضيقتج لان مافي وقت لضيقه علمي نفسج جذي

ياختي مافي اغلى من الصحه والعافيه غيرهم مانسوى شي وانا اقول تمتعي بصحتج لا تجيبين لج ضغط لاسباب ممكن تغيرينها للاحسن باكثر من طريقه وذكاء واسالي الله التوفيق لان مافي غير رضى الله شي

معاااهااا

دوري اي جانب يسعدج غير ريلج وبترتاحين
يعني سوي اللي عليج وخلص لاتنتظرين مقابل الا من رب العالمين
وبلااا تشاااؤم

 

[^_^ Coco Chanel]

: (

 

[احلا المزايين]

اشكر كل من ردعليوانا ولله الحمد احب نفسي
بس انتكست لاني صبرت وابي نتيجة
عطيت واابي مقابل
والاهمال صعب حتا علا اللي اتحب نفسها
والحمدالله على كل حال

 

[Patcholli]

حبيبتي خلي هاذا درس لج واي انسان مايقدرج منتي مجبوره تعطينه وتظحينله
خلاص الواحد يتعلم وانتي لازم تتعلمين
لاتقولين شعقبه ليلحين العمر والحياة جدامج
وابتدي صفحه يديده مع نفسج ومع زوجج وغيري طريقتج معاه
لازم تستوعبين ان هالانسان مايستحق هالمعامله وكل انسان تعاملينه بما يستحقه
وريلج تعطينه وحقوقه الي فرضها الله عليج بدون زياده او نقصان ومبالغه

 

[orange blossom]

حبيبتي الله يفرجها عليج
لاتحاتين حبيبتي اجرج على الله رب العالمين
ما راح يضيع حقج
و الصبر مفتاح الفرج

 

[شموخ وتحدي]

صبر جميل والله المستعان الله يهدي بالج ما في شئ يروح كله عند الله

 

[زوجة عزيز]

حبيبتي صارحيه باللي في قلبج ليش تكتمين بقلبج قولي له انا محتاجه لوجودك يمي انا محتاجه هالشي او انت مقصر علي ترا مافيها شي اتصارحينه احسن من انج تشيلين عليه او تكرهينه !!!!

 

[oshi_q88]

الله يفرج همج ()"

 

[umm-7asson]

حبيبتي حالتج نفس حالتي انا ريلي يهتم بسعادته والدليل حاليا مسافر اسبانيا مع ربعه المهمين معلل ان سعادته ووناسته معاهم وانا ما يلاقي عنده الوناسة بجيت وقلت حق نفسي ليش ازعل عشانه لا والله بطلع مع ربعي وبروح بيت اهلي وبستانس بفلوسي واروح السوق والسينما والشاليه وونس عمري ولا رد بكشخ له وبرحب فيه وببخر الغرفه بسسسس لا طلبني بقوله حبيبي سووووري مالي نفس باجر وراي دوام وبنام واليوم الثاني نفس الشي لان اهو راد يبي هالشي وبقوه بس انا ما قدر اسويها وانا شايله بخاطري واضحكج اهلي واقفين معاه يقولون شنو ربعه ملزمين عليه واهو مايروح عشان خاطرج يقولون له خروف مرته وعلي فكره قبل جم شهر رايح المانيا مع ربعه طبعا انا ميته من القهر والحررررة بس كلشي له مقابل وبجمع الفلوس عشان اسافر حتي لو مع اهلي المهم اسافر وان ما سافرت بشتري فيهم جنطة ماركة اللي ابيها واكشخ فيها جدام ربعي وحبايبي وعلي فكرة كل اسبوع ينام عند ربعه ويروح الدواويين ويروح الاسطبل وووو وانا حتى يوم بالاسبوع ما يخصص لي وامه تقول مرتك ماخذتك مني واهو كل قاعد معاها ويسولف معاها اكثر مني ويقعد معاها اكثر مني بس هذا ماهزني تدرين ليش لان اعرف انا شنو اذا اهو سعادته بالشي هذا مايقدر يجبرني عليه لان انا مو للبيع متي ما تبيني ييتني عشان هالشي انا مرة لي مشاعر واحاسيس ورغبات وطلبات وووو انت بس تستانس مع ربعك واهلك وانا اربي واطبخ وجابل البيت والحمولة مثل ما انت تستانس انا استانس