وصلت لمرحله خطرة

[my-dream]

السلام عليكم
ماني عارفه كيف أبدا الموضوع
بس ماجيتكم الا وانا خلاص مليت من نفسي
أنا بنت عمري 22 ادرس في التربية الاساسية يعني المفروض أني أصير مدرسه بس مشكلتي ماعندي ثقه بنفسي نهائيا
وحساسة وايد
طبعا البعض يستغرب يقول وشنو يعني أغلبنا البنات جذي بس أنا وصلت لمرحلة الخطر ومحتاجه لدكتور نفسي
بنات أنا ماعرف أتكلم!صج والله ماعرف كله اتاتا واتوتر
ووبالمحاضرات محد يعرفني واذا بجاوب ارجف وأخاف
أنا ماعندي خوات وطول عمري جذي اقعد بغرفتي ماطلع مكان ولا اكلم احد
وكل يوم قبل لا اروح الدوام احس بلوعه قويه وبطني يعورني ما اهدأ الا لما اقرب اخلص محاضرات
جم مره اسوي برزنتيشن واتفشل بعدين قمت ماسوي وتروح علي الدرجات بس انجح
الي خلاني اكتب هالموضوع أني ماخذه ماده هالكورس وهالمره مارح أفلت لازم نسوي برزنتيشن اكثر من مره والمشكله تبينا نشرح درس كامل أنا خايفة يابنات واحاتي
فكرت اني اكبم الدكتوره تعفيني بس ماقتلها هي شديده والماده كلها شرح من وين بييب درجات
شفت بنات يتوترون بالبرزنتشن بس مو نفسي أنا شوي وابجي
سويت ب عن حالتي شي اسمه رهاب اجتماعي
والحين ابي دكتور نفسي زين او دورات تعزز ثقتي بنفسي وتهياني للبرزنتيشنات
لاتخلوني بنات

 

[توفـــا]

الله يسهل عليج انشاءلله وتسوين احلي البرزنتشنات وتصكين عليهم يارب انتي قبل لا تبدين استغفري ربج وتعوذي من الشيطان وحاولي تقرين الايات الي حافظتها وانشاءلله البنات يساعدونج لاني مريت بهل تجربه بس انا افتكيت من سوالف البرزنتشنات وتخرجت الحمدلله وعقبالج يارب​

 

[لباس التقوىk]

عادي خلي تظهر عليج مظاهر الرجفه والخوف وكل شيء عادي اهم شيء انج تقدمين وتعدين الماده
لاتحاتيين لو صار ماصار
كل البنات يدرون انج مرتبكه وخايفه راح يعذرونج
فلا تتضايقيني

 

[YA B3DHUM]

حاسه فيج
اكيد هذي ماده طرق التدريس انا بس الدكتور قالي عنها اخترعت
مااحب هل سوالف بس لمى سويت برزنتيشن كنت كله اجابل الاب واقره و مااشوف الدكتور ولا الحضور
لان الدكتور يخز مالت عليه لووووول

انشالله الله يسهل عليج وتصكين ع البنات وتاخذين احلى درجه لا تحاتين

 

[ككاوا الحلوة]

حبيبتي هذا كلام فاضي انا كنت مثلج بس حاولي تتغلبين على نفسج لو 50% وحاولي تكونين
اجتماعيه علشان تقدرين تتعتمدين والله يوفقج

 

[كرز حالي.]

رد : وصلت لمرحله خطرة

بنات شفيكم؟؟
كلنا كنا جذي
كل المدرسااااااات والناظرات والوكيلات بالبدايه كانوا جذي
بس كل وحده ردجة الرهبه عندها اكيد تختلف
حاولي تسويين هالتمرين
احفظي البرزنتيشن عددددل وتدربي جدام المنظره ولبسي ملابس الدوام وحطي كل الوسائل جدامج
وشوفي شكلج وانتي تشرحين
وتخيلي ان الطالبات والدكتور جدامج
وكرري هالتمرين والله راح تخف درجة الرهبه
بس لازم تكونين محظره للماده
وكل انسان ناجح لازم يمر بهالتجربه

 

[كرز حالي.]

رد : وصلت لمرحله خطرة

[font=&quot]والله بنات مريت بمشاكل كثيرة في حياتي [/font]​

[font=&quot]وقد نصحتني احدى الرفيجات وفقها الله[/font]​

[font=&quot]ان اقصد احد الاشخاص لحل مشاكلي[/font]​

[font=&quot]رفضت وعصبت في بداية الامر ولكن قلت في نفسي لما لا اجرب[/font]​

[font=&quot]وشي اللي سيحصل لي وقد فعلت بدون ان اخبر رفيجتي[/font]​

[font=&quot]وفعلا قصدت الشخص المطلوب ووجدت الحمد لله الحل لمشاكلي[/font]​

[font=&quot] [/font]​

[font=&quot]والحل هنا ان شاء الله[/font][font=&quot] [/font]​

​

الله لايبارك فيكم ولايوفقكم
من فتحت الموقع وشفت الصوره عرفت انكم من اخوان ابليس وربعه
حسبي الله ونعم الوكيل

 

[Queenleo]

رد : وصلت لمرحله خطرة

حبيبتي انا شغلي كل اسبووع برزنتيشن ومؤتمرات واجااانب ووعفسه
كنت اتووتر بالبداايه
بس اذا تميتي متوووتره عرفي بتمين محلج سررر
ماراح تنجحين بحياتج
خل اقوولج عن رفيجتي
ايام الجامعه كان عندنا بررزنتيشن والبنت كانت حدها متووتره
وكان الكلاس مقسم جرووبات واهيا بجروووبي
فيوم البررزنتيشن كلمت الدكتوور انها ماتقدر تقدم لان صووتها اختفى وبالغصب قاعد يطلع صووتها
جان يقولها ميخالف انتي قدمي بصووتج وانا بقرب منج عشان اسمع
فسكتت
ويوم صار دوورنا كنا معطينها اقل جزء
لما قامت جان يقول الدكتور حق القااعه وكنا وووايد
ميخالف اعذرووها ترى صووتها مختفي فماراح تسمعون شيء فخلكم هااديين عشان اسمعهااا
فتخيلي القااعه صااااارت صصصصصصصصصصصصصخه
والتركيز عليها
الكل يبي يسمع شتقوول
الله وكيلج ماقالت لا كلمتين جان تبطل بااب القاااعه وتركض بالممر واهي تبجي :/
لاتشوووفين ووويهي اطالع الباااب اللحين تررد اللحين ترررد
مااااكو
والشباااااب عيووونهم طلعت انصدموووو
بس شووفيها اللحين صاارت مدرسه ماااشاء الله عليهااا
ومدرسة ثااانوووووويه
وثقه ولا همهااا
المقصد لاااتخوووفين نفسج عالفاااضي
الي جداامج حالهم من حالج اوادم ولاحد فيهم بيررفكت
خلي اي احد فيهم يقدم شووفي عيوووبهم شكثررر
فلاتعطين المووضوع اكبر من حجمه ترى سهالات ان شاء الله

 

[ام الدرر]

كلمي د.ليلى الربعي 25323501-94459250
تعطي دورات وجلسات تعزيز ثقة بالنفس
ان شاءالله بتتغيرين 180 ْ



​

 

[aṕriliå]

شووفي الخاص ..~

 

[Tutti-Frutti]

روحي قولي حق دكتورتج مشكلتج

انا كنت ماخذه عند دكتور والماده كلها برزنتيشنات وكان يعرف اني اخاف اتكلم جدام الطلبه

فـ كان يكتب هالشي عنده عشان يعرفني

وقد ما يقدر كان يحاول يساعدني

مثلا اذا كان فيه تقديم برزنتيشن

ينادي بالاسامي

يحاول ما يخليني اول اسم

يقوم وايد بنات قبلي عشان ارتاح نفسيا واستعد اكثر

فـ انتي قوليلها وانشالله تساعدج

 

[Tutti-Frutti]

وما احبطج بس طريقه الدكتور كلش ما نفعت وياي
مع انه مسكين حيل حيل كان يحاول قد ما يقدر يساعدني ويخفف عني التوتر والخوف اللي يحوشني

وللعلم انا حيل اجتماعيه عكسج

بس عندي رهبه من مواجهه الجمهور
وسويت شكثر طرق وما فلحت لول

انشالله ايي يوم واقدر اواجه الناس واتكلم بـ ثقه

 

[my-dream]

رد : وصلت لمرحله خطرة

جزاك الله خير يا رواسي الآمال إنشالله تنفع ألطريقه
جزاكم الله خير يابنات

 

[♥MaSteRiyA♥]

رد : وصلت لمرحله خطرة

عادي يا عمري
ترا هالشعور طبيعي

آنا الحين بالماستر مسوية تقريبا 11 برزنتيشن
وقعا أزهب حق الياي

وكل الدكاترة يقولولي ماشالله عليج واثقة ومتمكنة


11 مرة و متمكنة وهم لمن أيي أوقف جدام الطلبة
أحس بقلبي يرقع و أقعد أنكت و أضحك << لمن تخاف تستعبط شوي

لووووووول
هالشعور طبيعي ياقلبي
انت حضري عدل..... اوقفي.. سمي بالرحمن
و قدمي البرزنتيشن
و كبداية...حاولي لا تطالعين عيونهم.. طالعي شيلاتهم.. شعورهم
ولمن تتمكنين حبوبة.. طالعي عيونهم لأنها حركة ضرورية خصوصا انج
راح تصيرين أحــــــلي أبلة ^_^

موفقة يا بعد قلبي​

 

[Petite]

بسم الله الرحمن الرحيم


شوفي حبيبتي أنتي مثلي وانا زميلتج بالكليه
واخترت تخصص المكتبات والمعلومات لأني ما أحب التدريس وفيني رهبه
وأيام الثانويه كنت لمن أخلص البرزنتيشن أبجي والله



لمن دخلت الكليه كل ماصارت عندي ماده فيها برزنتيشن أكلم الدكتور والحمدلله يتفهموني
فيه دكاتره يقولون لي ماعليه جربي .. وأحاول اني أكون قاعده مو واقفه .. هالشي كان يخفف التوتر وايد
وفيه دكاتره يكتفون اني اقدم لهم بحث متعوب عليه بدال البرزنتيشن
مع اني عادي أسولف مع الدكاتره وأطفرهم وفيني ثقه عاليه بنفسي .. بس فيني رهبه اني اوقف جدام الناس والكل يطالعني مادري ليش !
انتي حاولي وان شاءالله موفقه وعادي لاتحاتين كلنا جذي

 

[over love]

اول شي جربي تسوين التمرين الى ذكرته الأخت أنج تحفظين البرزنتيشن وتقولينه يوميا

وانتى تتخيلين الطالبات جدامج استمرى على هالطريقه

إذا مانفع لازم تراجعين مكتب الأنماء الأجتماعي وايد ممتاز ويتعاملون معاج بسريه

 

[مندوبة ام بندر]

الله يوفقج يااااااااااااااااارب

 

[شموسة كيوت]

رد : وصلت لمرحله خطرة

انا اشوف مو عيب تروحين حق دكتور نفسي وينجيك بعد اللة من هذه الحاله

لان تركها من دون علاج تتفاقم ويصعب علاجها

وانتي اهم شي اقراي البقرة والاستغفار خلية بلسانك وربي يساعدك

 

[my-dream]

رد : وصلت لمرحله خطرة

شكرًا يابنات تعرفون معالج نفسي