وصلتها لطلاق ولحد يلومني تعبت

[صمــت_ALsHfaaH]

والله ثم والله قدررت ظروفه وصبرت على تقصيره وفققررره

بس بذمتكم مو شي يقهر انهم يوفقون شقتي عشان عمي وحماي

ليييييش انزين انا والله ماعمرهم سمعو مني الشي الي يضايقهم

كله ساكته

وحتى عمي ماقوله الا حاظر والي يريحك

 

[( مي )]

ماكو إلا طريقة طرت على بالي عشان يحس شوي
متى عندج مراجعة أو موعد طبيب ؟؟
بوقت طلعتج طرشي له مسج انا تعبانة ورايحة المستشفى
يمكن قلبه يفز ويدق ​

​

 

[صمــت_ALsHfaaH]

عاادي سويتهااا يجي ويوديني ويردني ويسسسسسحب

ماكانه فيني شي

 

[حياتى الافلام]

رد : وصلتها لطلاق ولحد يلومني تعبت

وييييييييه سكتى انا ترى الى قاعد يصيرلج ولا شى


بالنسبه لى اتحمل حنة خالتى كل يوم ازهب الريوق والغدا والعشا ولا


هذا غير السب والشتم الى مابقى حجوه مو سنعه ماقلتلى اياها بس شسوى


ولا بناتها الجلاب ولا ولدها الجليل الحيا ولا ريلى السكانه المشكله احبه متحمله كل هالبلاوى عشان احبه


وسمعينى خليج قويه الا انج تنداسين اذكرج خليج قويه لاتصيرين مثلى


وذا كلش كلش كلش خلى الحجى مع الرياييل ولا ماعندج ابو واخو ؟؟؟؟؟؟؟

 

[صمــت_ALsHfaaH]

مستعده اتحمل وصارت شغلات وربي ماتنطاق وتحملتها بس ماقدر اقولهاا

بس اهو وينه؟؟

كل واحد بمكان ولاهي عني وناسيييني

انا ماعندي اخوان بس عندي ابوي الله يخليه لي يارب ولايرحمني من عزه ويطول بعمرره وعسى يومي قبل يومه يارررب

 

[o0سارآo0]

رد : وصلتها لطلاق ولحد يلومني تعبت

صبري ان شاءالله ربي يهديه
مثل ماقلتلج الاستغفار وربي يكون في عونج ان شاءالله

 

[حياتى الافلام]

رد : وصلتها لطلاق ولحد يلومني تعبت

سورى عل السؤال بس شلون تعرفتى عليه ؟؟؟؟؟؟






يعنى انا حبيته من وانا كنت بالثانوي شوى شوى تزوجته واحس انى ضيعت مستقبلى بس شسوى هاذى لحياة

بقيت اقولج تحبينه ؟؟؟؟؟؟؟؟؟؟؟؟؟؟؟؟؟ قولى الصج



مستعده تتطلقين شايفه ان هالشى راح يخليج سعيده فحياتج


خايفه من نظرة المجتمع لج اذا لاسمح الله تطلقتى ويقولون عنج مطلقه ؟؟؟؟؟؟؟؟؟



ليش ماتروحين مع عمج كوفى او مطعم وتفاهمى معاه جود راسه يلين


حبيبتى روحى بيت اهلج اذا متضايقه حيل تكفين طلبتج مااحب اشو ف احد جذى

والله يوفقج تبين شى ثانى :eh_s(7):

 

[صمــت_ALsHfaaH]

انا اعرفه من انولدت لانه ولد خالتي ولاكنت احبه ولاشي بس النصيب جمعنا

انا اعترف اني احبه واموت عليه ولااقدر اتخيل كل واحد فينا مع شخص ثاني

صج اني مو طايقه نظره الناس لاقدر الله اذا صرت مطلقه بس مثل ماتكلمو الحين وانا متزوجه بيتكلمون بعدين ومصيرهم ينسوني


عمي ماظن انه راح يفيدني بشي صج الي بقوله قله ادب بس هذا واقع اهم ناس مايستحون ومو كفو حشيمه

وانا حبيبتي مقيمه عند اهلي صارلي شهرين وزياده


والله يجزاج اخير

ابيج سالمه وسعيييده بحياتج

 

[مسك وطيب]

رد : وصلتها لطلاق ولحد يلومني تعبت

عسى الله يهديه ويسخره لج يارب

حاسه فيج يالغاليه

عليج بالدعاء وكثرة الإستغفار

والله يفرجها عليج

 

[صمــت_ALsHfaaH]

الله يسسمع منج

والله يجزاج خيررر

 

[مسك وطيب]

رد : وصلتها لطلاق ولحد يلومني تعبت

توني انتبه لردج الاخير دام انه ولد خالتج ليش امج ماتكلم خالتج ماكو اقرب من الخوات .... يمكن تحن علي زوجج وتعرف اخرتها معاه بايعج والا شاريج مايصير تظلين معلقه انتي في بيت وهو في بيت ولا انتي عارفه وضعج ؟؟؟؟؟؟؟؟؟؟؟؟

 

[عيني عليه]

لا والله مأرضى ... بس ردة فعلي مارااحح تكوون نفسج .... مابقووله انزل ولا بوريييه شنووو شريييت .... وحريييمته يسمع صووتي ويشووف وجهي ...اذا يبيني واشتاااق لي خل يتصرف ويعدل وضعه ...

والله والله هذا اللي بسويييه لو كنت مكاانج ... خاصة لو اوصل المرحله اللي انتي وصلتيها اني مو طايقته ...يعني مو بس كلااام ينكتب ...

الله يسهل امووورج يارب ويجمعج بزوجج ويقومج بالسلامه

 

[DooLy88]

رد: رد : وصلتها لطلاق ولحد يلومني تعبت

لاحول ولاقوة الا بالله
الله على الظالم

 

[* بنت المطر *]

حبيبتي صمت دامج تحبينه وتبينه المفروض تجذبينه صوبج موجرجرتيه ليم دخل وبعدين جبتي سيرة الطلاق المفروض تونسينه

بكلام ثاني ! تسالينه عن احواله وحياته من دونج

بس هم انا ماادري عن وضعج واحس انج معطيته وجه حيل انتي وامج والرياجيل ودج تطقينهم بالطوف لوول

والله وياج حبيبتي ويسهل ولادتج

 

[Deep FeeLing]

معاااج حق وما الومج والله بكل الي قلتيه

بس ضايق خلقي عليج لان

1- ليش صبرتي على عيوبه لين حملتي

الحين بياخذها سالفه عناد بيقول تدري انها حامل وبتلوي ذراعي


2- تدرين وانتي بهالعمر صغيره اذا تطلقتي لاقدر الله بتمين يمكن والعياذ بالله طول عمرج بدون زواج

لان عندج ياهل

اهو بيعيش حياته وبيتزوج وراج ثانيه وثالثه وانتي بتمين بدون زواج


نصيحتي لج

ابد ابد لاتقربين صوبه خليه يفكر

ولاتتنازلين لان مبين عنده مشكله مشاعر مو مشكله سكن

خليه يحدد موقفه

واذا قرر الطلاق والعياذ بالله وبصراحه شخصيته اي شي يمشي ورا ربعه واهله فمااستبعد

اذا قرر مايشوف شر

بس اذا تحرش فيج كلميه بحنيه على موضوع ثاني الا طلاقكم

هدي خل تطوف العاصفه هذه

واغلاطجوياه الصبر الزايد على كل شي

لازم تتغيرين وتعرفين قدر نفسج وتاخذين حقوقج كامله بس بذوق وبدون هواش

الله يسخره لج يارب

 

[صمــت_ALsHfaaH]

الله يجززاج خييررر حبيبتي

 

[غلاي امي وزوجي]

الله يعينج ويصبرج

صج ما كو رياجيل بهالزمن

الله يعين

 

[صمــت_ALsHfaaH]

الله يجزاج خيرر

 

[عهد..]

رد : وصلتها لطلاق ولحد يلومني تعبت

شوفي حبيبتي انتي سويتي الي عليك وتصرفك كان صح الحين عليك بصلاه اخر الليل
والدعاء والاستغفار وطنشيه عالاخر وحطي بالك بولادتك اهوه مايعرف الوجه الثاني حقك خليه يعرفك زين وقت الزعل شتسوين ولاترضين باي شي
انتي زعلتي عشان شقتك لاترضين الافيها والله يسسر لك ولادتك حببتي ويسهل امورك.....ز

 

[سيماا]

رد : رد: وصلتها لطلاق ولحد يلومني تعبت

حبيبتي عليكـ بالاستغفار بنيه انه يرجع لكـ زوجكـ

والله يعينكـ ويسهل عليكـ

والله بادعيلكـ