وصلتها لطلاق ولحد يلومني تعبت

[فديتهااا]

تصبحيين علا خيرررررر


وان شااء الله مايمر باجر الا واهو داق عليج ويتعذر ويتاسف انتي طمنينا واهم شي النفسيه وفكري بلي ابطنج والله يهديه يااارب

 

[ابدا يالغالي مانساك]

رد : وصلتها لطلاق ولحد يلومني تعبت

لووووووووووووووول خلاص غلاي لاتهنين نفسج مافيه الكفايه
اهم ماعلي الانسان كرامته قعدي عند اهللج بكرامتج
وفكري بولدج اللي ببطنج
وانتي تقووووولي يناديني باسم حبيبته
خلاص مفهومه ومابيج تزعلين مني يعني بالله مشغول باحد ثاني
ومالج شغل كلام الناس لاقالو قاعده ببيت اهلله
وتقبللي رائي لاكن هذا من حبي وغلاي لج
ابيج خلاص
اللي باعني ابيعه
واللي يبيني ويشتريني اشتريه بمااي العين
فديتج يابعدي

 

[صمــت_ALsHfaaH]

فديتها

تلقين خير وجزاج الله الف خيررر


ابد يالغالي مانسسساك

الله يعين بس

 

[&الماس&]

طولي بالج ولا تستعجلين حرام عليج توكم في بداية حياتكم بهالوقت القصير تبينه ايتعلق فيج ويحبج شوي شوي وتمسكي


بحياتج وبرجلج علميه شلون يحبج وتغلي عليه بدال ما تصيرين نكديه انتم باول الطريج واوله صعب والسنين الاولى بيصير فيها مشاكل بس


البنت الواعيه هي اللي تعرف شلون اتحدى واتمسك بحياتها الزوجيه حرام والله تندمين لي صار الطلاق هذي الكلمه المفروض تنسينها حبيبتي


نصيحه اخت ابلعي المشاكل وشوي شوي بيتعلم خليه بس يجرب الابوه وصدقيني لي علمتيه يحبج ويتعلق فيج ما راح يستغني عنج


وانسي حريم حموانج لا تقارنين نفسج باحد واعتبريهم خوات واكسبي الكل بالابتسامه والكلمه الطيبه وفيه شغله اغلب البنات ما يعرفونها عيال


الكويت طيبين وحبوبين بس انتم يا بنات احس انكم صايرين نكديات وفيه بنات يخربون على بعض من كثر ماا يسبون رياجيلهم والله يسخره لج


ويجمع بيكم يارب اللهم امين

 

[صمــت_ALsHfaaH]

بنات تكفون ادعووولي بهالفجرر ان الله يسر لي امري ويشرح لي صدري ويهدي لي زوجي ويجمعناااا

 

[عطر ايامي]

هلا حبيبتي صمت الشفايف


انا تقريبا متابعه لك بس بصمت


حالتك تشبه حالتي كثير


انا تزوجت وتقريبا من اول اسبوع تهاوشت وياه

ربعه اهم شئ

سهرات بالاربع و الخمس ايام


اهلي سافروا قال روحي معاهم لاتقعدين بتزهقين وانا توني عروس

ما يصرف علي

المهم كنت ازعل وارد


يوم مر على زواجي 7 شهور كنت حامل بالسادس

لميت اغراضي كلها ورحت لاهلي


جلست لين ولدت وهو مافكر يصرف ولا يكلم


وانا عايفته خير شر

لو يعطيني الشمس ما بغيته كرهته


المهم ولدت بالسلامه تعسرت ولادتي

وماجاء وطلعوني اهلي من المستشفى


ويوم خلصت الاربعين طلبت ورقتي

وماجاتني الا بخلع


والى الان مايصرف على ولده

وانا شريت راحتي الحمد لله

وشلك برجال يشيبك قبل المشيب


ربي يكتب لك الي فيه خير ويقومك بالسلامه

خلي ولدك يلاقي ام قوويه تقوم فيه


ويعوضني انا وولدي خير

 

[صمــت_ALsHfaaH]

الماس

ادري ان اول السنين مشاكل وهالسوالف

بس انا قربت اكمل سنتين وانا الي متحمله وصابره

يحب وحده ويناديني باسمها ويحلم ويقعد ينادي واهو نااايم انطميييت وقلت يلاااا مصيره يننسى ويحبني

يسسولف مع بنات بالنت وحتى وصلت مره والله العظيم واحنا ناييمين اول زواجنا طلع برا الشقه كلم ورجع وسويت نفسي ماحسيت عليه

كنا مسافررين اول عرسنا تركني بالغرفه ونزل للكوافي معاه لابتوب ومن الساعه3 الفجر تقريبا مارد الا الساعه 9 ومعصب ليه اتصلت على الرسبشن اسئل عنه

مصروف مايصرف علي الله يخلي لي ابوي من وين لوين يعطيني شي اهووو

ماقصصررت وياه بشي وربي يشهد علي بهالفجررر

والحين صار لي شهرين ووزياااده عند اهلي ولاعبررر

وقسسسم بالله انا الي دورت شقه لنا وكلمت صاحبها واجارها حييل حلوو وماعنده مانع نطلع باي وقت نبي اذا خلص بيتنا

تخيلي عطيته الرقم قلت اخذ العنوان عشان تروح له اتصل علي وقال الرجال اجرها وماصدقته واتصلت على الرجال قالي حياكم@@

ولما ارسلت له قلت الرجال يقول ماجرتها عصب علي وقال خلاص بكلمه مره ثانيه وبعدها يقول مارد علي وثاني يوم يقول اجرها

كل هذا شششششسسسميه

قربت له وضحيت وتناززززززززززلت بس انا بعد ابي

ابي احد يحبني ويهتم فيني ويراعيني

 

[صمــت_ALsHfaaH]

عطرر


الله يستر عليج ويبارك لج بولدج ويعووضج بالي يعرف قدررررج

ويلطف بحالي يارب

تعبت حيييل

 

[LA TROO7]

موقفج سليم

لانه بصراحه مايستحي على وجهه ونصيحه خليج قد كلمتج لاتتصلين عليه ولا ترسليم ليما يتسنع

والحين فكري باللي في بطنج وباذن الله راح ينعدل بعد مايشوف ولده او بنته

 

[الدااانــــه]

الله يهدديه ويصلح حالكم .. ادعي ربج ترا من دعاا الله مااخااب ..

 

[عطر ايامي]

صمت ادري تعب


واحيان تبكين من قمه راسك

مو عشانة عشان نفسك

وانك تستاهلين اكثر

بس هذا امتحان من ربي


اللحين انسيه

روحي توضي وصلي وابتسمي لبكره

بيجيك بيبي يملا حياتك

غيرك رجلها خاتم بصبعها وتتمنى ظفر الضنا


الحمد لله على النعمه


ادعي ربك ان كان لامرك وياه خيره انه يرده لك رد جميلا ويسخره ويحنن قلبه

وان كان بينكم فرقا

ربي الهمني قوه و صبر نت عندك و عوضني خير


الزم ماعليك صحتك والبيبي

شوفيه مبسط عمره و مايبي مشاكل مع اهله ما يبي يصدع بعمره وهو لا في بطنه روح ولا شئ

انتي الي ببطنك ضنا حافظي عليه

وعلى صحتك


وخلي الاستغفار بلساااانك وربي يفرجها من عنده


اسال الله العظيم ان يسخره لك ويرده لك ردا جميلا

ويقومك بالسلامه وتقر عينك بشووفته حسن الخلق والخلق


امين ياربي

 

[صمــت_ALsHfaaH]

الله يسسسسسمع منج

 

[msmshasnsn]

الله يهديكم
هوينها وتهون انتي وراج ولاده اولدي وبعدين يصير خير
تفاهمي معاه وخلي احد من اهلج يكلم اهله عشان يعرفون ان وراج ظهر
لنهم وايد مستهنين فيييج

 

[صمــت_ALsHfaaH]

الله يجزاكم خير والله خففتوو عني

بس لاتنسسوني بالدعاائ

 

[ريمـا]

ربنا هب لنا من ازواجنا وذرياتنا قره اعين واجعلنا للمتقين اماما

كرري الدعاء هذا وراح تشوفين الفررررررج

 

[صمــت_ALsHfaaH]

ابوي كلم ابوه من شهر بس ماكو فايييده


الله يكتب لي الخير لاني تعبت

 

[رومانس آيدياز]

والله اني مااعرفج بس دايما اشوف ردودج وحبيتج من اسلوبج
شلون اللي شايفج ومعاشرج المفروض يعرف قدرج عدل
بس شتسوين مو بس انتي جذي اغلب الحريم بهالعذاب
انا ماادري شلون الرجال يفكر


عالعموم لاتحرين عمرج تأكدي ان ربي بيجازيج على نيتج وطيبتج
والله باذن الله بيكتبلج الخيرة بأمرج انتي بس خلج واثقة من هالشي
وزيدي ثقتج بربج واهم شي الدعاء والاستغفار لاتقطعينه


وبالنسبة لتصرفج صج ان موضوع الطلاق صعب انج تطرينه بس انا ادري ماكان عندج خيار ثاني
وانا مأيدتج باللي سويتيه .. يمكن هالطريقة تجي معاه

بس اهم شي اثبتي على موقفج .. وانا حسيت من كلمته يصير خير
يعني جنه حس يمكن كلمتج هذي تخليه يراجع نفسه ويعرف قيمتج

بيقول خلاص المرة ملت وماتقدر تتحمل اكثر يمكن يعدل وضعه

انتي اهم شي تفاءلي خير وخلي ثقتج بربج كبيرة مثل ماقلتلج

وان شاء الله ماراح يصير الا اللي يريح قلبج ويطمنج

اميييييييييييييييين

 

[ابدا يالغالي مانساك]

رد : وصلتها لطلاق ولحد يلومني تعبت

صحيح ان مشاكل هالقسم وايد لاكن اكثر ماشيل له بال قصتج
ياغلاي ودايمن افكر فيج
يارب يهديه ويسخره لج يارب
وانج تروحين لبيتج وتفرحين بشوفته ويفرح بشوفتج
يارب بهالفير يسخره لج

 

[صمــت_ALsHfaaH]

تسسلمين حبيبتي هذا من طيبج

الله كرريم

 

[Tulips]

الله يسخره لج

وبيني وبينج زين قلتيله هالكلام عشان يحس شوي على دمه

طول ما انتي تتنازلين لا تترجين منه شي